Öldrun - 01.03.2002, Blaðsíða 28

28 ÖLDRUN – 20. ÁRG. 1. TBL. 2002
og kirkjuna. Samveran er sérstaklega ætluð þeim sem
hafa misst ástvin og vilja staldra við á aðventunni. Þá er
starfsfólk þessara eininga til staðar ef ættingjar vilja
spjalla.
Innlagnarferli
Flestir sjúklingar koma frá krabbameins- og bráða-
deildum sjúkrahússins en einnig frá öðrum stofnunum
og heimahúsum. Gert er ráð fyrir að öldrunarteymi við
Hringbraut og Fossvog hafi milligöngu um mat á þeim
einstaklingum sem liggja á deildum spítalans og koma
til álita að geti nýtt sér líknarpláss á Landakoti.
Gagnvart þeim sem dvelja í heimahúsi er málum
beint til móttökudeildar á Landakoti, þar sem sérfræð-
ilæknir deildarinnar metur hvert mál fyrir sig í samráði
við tilvísandi lækni og ákveður heimsókn viðkomandi
sjúklings á móttökudeildina eða vitjun til hans heima.
Það eru síðan deildarstjóri og sérfræðingur deildar-
innar sem taka ákvörðun um innlögn sjúklings.
RAI
Á líknardeildinni er notað staðlað matstæki, RAI, til
að meta heilsufar þeirra einstaklinga sem dvelja á
deildinni.
Hægt er að skoða niðurstöður RAI gagnasafnsins á
ýmsan hátt og bera saman hvernig hver deild fyrir sig
er á landsvísu og einnig milli landa.
Þegar gæða- og umbótaverkefni hvers árs eru
ákveðin er stuðst við þessar upplýsingar.
Nú er á döfinni að koma á sérstöku RAI mati fyrir
líknarþjónustu og hefur verið leitað eftir samvinnu ann-
arra fagaðila í því skyni. Undirbúningsvinna er þegar
hafin og er gert ráð fyrir að mælitækið verði tilbúið á
haustdögum.
Lokaorð
Frá opnun deildarinnar hefur verið full nýting á
öllum plássum og fleiri beiðnir borist en hægt hefur
verið að sinna.
Með hækkandi aldri þjóðarinnar lengjast ævilíkur
háaldraðra og þar með má gera ráð fyrir að fleiri aldr-
aðir greinist með illkynja sjúkdóma.
Meðalaldur sjúklinga sem dvalið hafa á deildinni frá
nóvember 1998 til nóvember 2001 er rúm 81 ár. Með-
alaldur kvenna er rúm 83 ár en karla tæp 80 ár. Fleiri
karlar ( 56 %) en konur hafa legið á deildinni ( 44 %).
Í ljósi framangreinds má álykta að aukin þörf verði
í framtíðinni fyrir líknarþjónustu fyrir aldraða.