Peningamál - 01.11.2006, Blaðsíða 89

Peningastefnan og stjórntæki hennar
Breyting Vextir
Vextir Síðast (pró- fyrir
Viðskiptaform nú (%) breytt sentur) ári (%)
Viðskiptareikningar
Daglán
Innstæðubréf til 90 daga
Bindiskylda
Endurhverf viðskipti (ávöxtun)
Innstæðubréf til 7 daga (ávöxtun)
12,50 21. sept. 2006 0,50 8,00
15,00 21. sept. 2006 0,50 11,00
- 11. júlí 2006 - 9,75
12,75 21. sept. 2006 0,50 8,75
14,00 19. sept. 2006 0,50 9,50
13,85 19. sept. 2006 0,50 9,35
Yfirlit vaxta Seðlabankans 20. október 2006
Markmið og framkvæmd peningastefnunnar
Markmið stefnunnar í peningamálum er stöðugt verðlag. Hinn 27.
mars 2001 var tekið upp formlegt verðbólgumarkmið sem hér segir:
• Seðlabankinn stefnir að því að árleg verðbólga, reiknuð sem árleg
hækkun vísitölu neysluverðs á 12 mánuðum, verði að jafnaði sem
næst 2½%.
• Víki verðbólga meira en ±1½% frá settu marki ber bankanum að
gera ríkisstjórninni grein fyrir ástæðu fráviksins, hvernig bankinn
hyggst bregðast við og hvenær hann telur að verðbólgumarkmið-
inu verði náð að nýju. Greinargerðina skal birta opinberlega.
• Seðlabankinn gerir verðbólguspár þar sem spáð er a.m.k. tvö ár
fram í tímann. Spárnar eru birtar í riti bankans Peningamálum. Þar
kemur einnig fram mat bankans á helstu óvissuþáttum tengdum
spánni. Jafnframt gerir bankinn grein fyrir mati sínu á stöðu og
horfum í efnahagsmálum.
Með peningastefnunni er miðað að því að halda verðlagi stöðugu og
því verður henni ekki beitt til þess að ná öðrum efnahagslegum mark-
miðum, svo sem jöfnuði í viðskiptum við útlönd eða mikilli atvinnu,
nema að því marki sem slíkt samrýmist verðbólgumarkmiði bankans.
Bankinn tilkynnir vaxtaákvarðanir á fyrirfram ákveðnum dögum. Í
aðdraganda vaxtaákvörðunar efnir bankastjórn til peningastefnu-
funda. Tilhögun þeirra er nánar lýst í starfsreglum, um undirbúning,
rökstuðning og kynningu ákvarðana í peningamálum sem settar eru í
samræmi við ákvæði laga um Seðlabanka Íslands. Þær eru birtar á vef
bankans www.sedlabanki.is.
Helstu stjórntæki peningastefnunnar
Seðlabankinn framfylgir peningastefnunni einkum með því að stýra
vöxtum á peningamarkaði, fyrst og fremst með ákvörðun ávöxt-
unar í endurhverfum viðskiptum sínum við lánastofnanir. Ávöxtun á
peningamarkaði hefur sterk áhrif á gjaldeyrisstrauma og þar með á
gengi krónunnar og til lengdar innlenda eftirspurn. Viðskiptum við
lánastofnanir má í grófum dráttum skipta í föst viðskiptaform annars
vegar og markaðsaðgerðir hins vegar.