Kópavogsblaðið - 01.11.2007, Blaðsíða 4
Ómar Stefánsson, fulltrúi Fram-
sóknarflokks í bæjarstjórn Kópa-
vogs skipaði 1. sæti listans við
síðustu bæjarstjórnarkosningar.
Hann var þó ekki nýr í bæjar-
málapólitíkinni, hafði tekið virk-
an þátt í kosningabaráttunni og
skipað sæti á listum Framsókn-
arflokksins nokkrar síðustu
kosningar. Hann náði kosningu
sem 3. maður á lista Framsókn-
arflokksin 2002, en þá leiddi
Sigurður heitinn Geirdal, þáver-
andi bæjarstjóri, listann.
Ómar Stefánsson hefur verið
formaður bæjarráðs Kópavogs
síðan við bæjarstjórnarkosning-
ar vorið 2006. Hann leiddi þá
framboðslista Framsóknarflokks-
ins sem beið mikið afhroð í
kosningunum, tapaði tveimur af
þremur bæjarfulltrúum flokks-
ins. KÓPAVOGSBLAÐIÐ spurði
Ómar hverju þar var helst um að
kenna?
“Nú þegar liðið er aðeins frá
kosningunum sjálfum og maður
lítur svona á þetta úr ákveðinni
fjarlægð, held ég að það hafi spil-
að margt inn í eins og að við Fram-
sóknarmenn í Kópavogi fórum í
gengum mikla endurnýjun. Því
bæði í kosningunum 1998 og 2002
voru sömu einstaklingarnir í sex
efstu sætunum. Þannig að það fór
vel slípað saman í gegnum þær
kosningar. Framsóknarflokkurinn
á landsvísu var í umdeildum mál-
um og það sama mátti segja um
þáverandi formann flokksins. Við
gerðum ákveðin mistök við að
raða upp listanum. Hefðum átt
að ganga lengra í að nýta okkur
krafta þeirra sem fóru í gegnum
prófkjörið með okkur.
Ég var að leiða listann í fyrsta
skipti og síðast en ekki síst andlát
Sigurðar Geirdals sem hafði verið
gríðarlega vinsæll bæjarstjóri og
oddviti okkar Framsóknarmanna í
Kópavogi. Ég held að kosningabar-
átta okkar hafi verið eins og við
gátum best og við lögðum mikla
áherslu á að vinna tvo menn. Það
er auðvelt að vera vitur eftir á en
mikilvægt að maður lærir af reynsl-
unni,” segir Ómar Stefánsson.
- Var rétt af þér að halda áfram
samstarfinu við Sjálfstæðisflokkinn
eftir þá slæmu útkomu?
“Meirihlutinn hélt velli og þess-
ir flokkar höfðu unnið gríðarlega
vel saman í Kópavogi síðan 1990
og í þeirri stöðu sem Framsóknar-
flokkurinn var, mat ég það þannig
að það var ekkert um annað að
ræða enda bæði VG og Samfylking
með blá slaufu í hárinu sitjandi
á brúsapallinum eins og einhver
ágætur Framsóknarmaður sagði
eftir alþingiskosningarnar.
Það voru ekki allir sammála
mér í flokknum en engu að síð-
ur var samstarfið samþykkt sam-
hljóða á fulltrúaráðsfundi Fram-
sóknarflokksins.”
- Er meirihlutasamstarfið á jafn-
réttisgrundvelli milli Framsóknar-
flokks og Sjálfstæðisflokks eða er
því stýrt í samræmi við fylgi flokk-
anna? Minnihlutaflokkarnir í bæj-
arstjórn Kópavogs, Samfylking og
VG segja að þú sért aðeins hand-
bendi Gunnars I. Birgissonar bæj-
arstjóra í meirihlutasamstarfinu.
Hvað segir þú um það?
“Allt samstarf þessara flokka
í Kópavogi er á algerum jafnrétt-
isgrundvelli og er það mitt mat
að það sé grunnur að því góða
samstarfi sem við höfum átt allan
þennan tíma. Ég hef svolítið gam-
an af þessu tali um að ég sé hand-
bendi Gunnars því ég hef séð odd-
vita minnihlutaflokkanna bráðna
eins og smér í höndunum á Gunn-
ari og varla geta stunið upp orði
þegar sótt hefur verið að þeim.
Hitt vita allir að Gunnar er eld-
hugi og athafnamaður. Hann á
það til að tala í fyrirsögnum og
stundum forsíðum en það er nú
þannig að Kópavogur hefur verið
í mikilli uppbyggingu í rúman ára-
tug og þegar svo er má búast við
að sviðsljósið beinist að okkur í
Kópavogi.”
Aldrei lofað óperuhúsi
- Fyrir síðustu kosningar lofuðu
núverandi meirihlutaflokkar að
innan skamms risi hér glæsilegt
óperuhús. Ekkert bólar á því og
minnihlutaflokkarnir hafa bent á
það og segja að það hafi aðeins
verið kosningabrella, óperuhús
sé meira orðið þeirra mál, áhugi
þeirra fólks sé miklu meiri fyrir því
að þetta menningarmál nái fram
að ganga í Kópavogi. Var óperu-
húsið kosningabrella eða mun
óperuhús rísa í Kópavogi á næstu
árum og hvað mun það þá kosta
bæjarbúa?
“Það verður að vera á hreinu
að Framsóknarflokkurinn hefur
aldrei lofað óperuhúsi og var ekki
með óperuhús á sinni stefnuskrá
fyrir síðustu kosningar.
Sjálfstæðisflokkurinn var með
það og það er einnig í málefna-
samningi þessara flokka. Þetta er
enginn kosningarbrella held ég,
Gunnar I. Birgisson hefur verið að
vinna að þessu af heilum hug og
gengið mjög vel að fá til liðs við
okkur einstaklinga og fyrirtæki til
að koma að fjármögnun á óperu-
húsi.
Ég hef þá trú að þetta verði að
veruleika. Ég hef sjálfur sagt að
það komi ekki til greina að þetta
hús verði rekið af bæjarsjóði en
það er ljóst að þetta hús verður
ekki byggt nema með aðkomu rík-
isins og Kópavogsbæjar.”
Mikilvægt að halda sjálf-
stæði í skipulagsmálum
- Deiliskipulag á svokölluðu
“Gustssvæði” er í nokkru uppnámi
eftir að umhverfisráðuneytið neit-
aði því staðfestingar. Mun þar rísa
háhýsahverfi í náinni framtíð í
góðri sátt við alla, þ.m.t. Garðbæ-
inga?
“Ég vil nú ekki ganga svo langt
að segja að skipulagið sé í upp-
námi. Hinsvegar er athyglisvert
að þáverandi umhverfisráðherra
gekk að mínu mati langt út yfir
sitt svið með því að setja þetta
í það ferli sem hún gerði. Það er
mikilvægt að sveitarfélögin haldi
sínu sjálfstæði í skipulagsmálum
og bæði ráðuneytið og skipulags-
stofnun treysti sveitarfélögunum
áfram á þessu sviði. Ég hef enga
trú á öðru en að við eigum eftir að
lenda þessu og að þarna mun rísa
hverfi í góðri sátt við alla, þ.m.t.
Garðbæinga.”
- Endurskoðuð fjárhagsáætlun
Kópavogsbæjar fyrir árið 2007 skil-
ar 2,1 milljarði króna rekstraraf-
gangi samkvæmt samþykkt bæj-
arstjórnar 23. október sl. Hvernig
viltu nýta þennan rekstrarafgang til
hagsbúa fyrir Kópavogsbúa?
“Við munum halda áfram að
huga að innra starfi bæjarins, t.d.
hvað varðar skóla og íþróttamál.
Við munum halda áfram að lækka
leikskólagjöldin svo eitthvað sé
nefnt. Eins er það staðreynd að
við þurfum að fara að huga enn
betur að starfsmannmálum, sér-
staklega í skólum og leikskólum
og ég hef vissar áhyggjur af fram-
tíðinni.
Því fagmenntaðir kennarar,
hvort sem þeir eru að starfa
í leikskóla eða grunnskóla, eru
eftirsóttur starfskraftur og við
verðum einfaldlega að ná góðri
lendingu með launanefnd sveitar-
félaga og Kennarasambandinu í
næstu samningum,” segir Ómar
Stefánsson, formaður bæjarráðs
Kópavogsbæjar.
4 Kópavogsblaðið NÓVEMBER 2007
“Samstarf meirihlutaflokkanna í bæjar-
stjórn á algerum jafnréttisgrundvelli”
Ómar Stefánson, bæjarfulltrúi Framsóknarflokksins og formaður bæjarráðs Kópavogs við strætó á
Hálsatorgi.
Allt samstarf Fram-
sóknarflokks og Sjálf-
stæðisflokks í Kópa-
vogi er á algerum
jafnréttisgrundvelli
og er það mitt mat að
það sé grunnur að
því góða samstarfi
sem við höfum átt all-
an þennan tíma. Ég
hef svolítið gaman af
þessu tali um að ég sé
handbendi Gunnars
því ég hef séð oddvita
minnihlutaflokkanna
bráðna eins og smér í
höndunum á Gunnari
og varla geta stunið
upp orði þegar sótt
hefur verið að þeim.
Séð yfir svokallað “Gustssvæði” í Kópavogi.
- segir Ómar Stefánsson bæjarfulltrúi