Skírnir - 01.01.1948, Page 114
112
Jóhann Hannesson
Skímir
um í sögulegum heimildum. Afstaðan milli þjóðhöfðingj-
ans og ráðgjafa hans er ýtarlega rædd í mörgum sambönd-
um, en ráðgjafarnir eru oft og einatt spekingar og bók-
menntafræðingar. Konungum ber að læra af þeim. „Eins
og fætur og handleggir gera manninn að manni, þannig
gerir góður ráðgjafi konunginn að konungi." Mörg heil-
ræði og margar reglur um ríkisstjórn finnast hér. Sömu-
leiðis greinir þar frá fyrirmælum um refsingar.
Vér fáum í Shú-ching allmikla fræðslu um trúarbrögð,
siði og menningu Forn-Kínverja. Hugmyndirnar um heim-
inn eru mjög líkar þeim hugmyndum, sem vér finnum nú
á dögum meðal alþýðu manna í Kina. Þar kemur örlaga-
trú þeirra í ljós; ekki tjáir að deila við Himininn. Þó virð-
ist svo, sem Forn-Kínverjar hafi vænzt meiri hjálpar frá
himni en þeir, sem nú byggja landið og lifa í hinum forna
átrúnaði.
Mikið er talað um dyggð og mannkosti, en lestirnir eru
einnig nefndir sínum réttu nöfnum. Einn kaflinn er ræða
gegn óhófi, annar gegn drykkjuskap, sem talinn er leiða
bölvun yfir þjóðina. Það er þjóðhöfðingi, sem heldur þá
ræðu. Hún virðist hafa borið góðan árangur. Áfengis-
vandamál hefur varla verið til í Kína.
Shih-ching, helgirit ljóðanna, hefur að geyma 305 ljóð.
Þau yngstu eru eignuð Ting konungi í Chou-keisaraætt-
inni, sem var uppi 606-586 f. Kr. Fimm elztu ljóðin eru
talin vera frá tímabili Shang-keisaranna 1766-1051. Með
öðrum orðum, nálega öll ljóðin eru talin vera frá Chou-
tímabilinu, og er það ekki að neinu leyti ósennilegt. Þó
eru þar ekki ljóð frá stjórnartíð hvers keisara.
Efni Ijóðanna er mjög mismunandi. Sum eru söguleg,
um viðburði, sem gerðust á tíma skáldsins. önnur lýsa
siðum og háttum ýmissa ríkja í Kína. Mörg ljóðanna voru
sungin við hirðir keisaranna eða konunganna. Önnur eru
sérstaklega ætluð til notkunar við fórnarathafnir, bæði á
Chou- og Shang-tímabilinu. Ljóðunum er skipt í fjóra
meginkafla, en aðeins fjórði kaflinn er algerlega trúræns