Vestfirska fréttablaðið - 12.10.1988, Blaðsíða 6
6
, Seglbrettaklúbbur
ísafjarðar byggir hús
Nú standa yfir á vegum Segl-
brettaklúbbs ísafjarðar bygging-
arframkvæmdir á lóð, sem klúbb-
urinn fær á athafnasvæði Neta-
gerðar Vestfjarða h.f. Bæjaryfir-
völd eiga að vísu enn eftir að leggja
blessun sína yfir þessar fram-
kvæmdir með formlegum hætti.
Seglbrettaklúbburinn var stofn-
aður nú í sumar og eru félagsmenn
um tíu talsins. Aðstöðuleysi hefur
staðið ísfirskum áhugamönnum
um þessa íþrótt fyrir þrifum, og
Seglbrettaklúbbur ísafjarðar er
einmitt stofnaður í því augnamiði
að bæta þarúr. Menn hafat.d. ver-
ið í vandræðum með geymslustað
fyrir sín seglbretti og allt sem þessu
fylgir, en nú standa vonir til að úr
því basli rætist á næstunni með
hinu nýja húsnæði. Þar er gert ráð
fyrir félagsaðstöðu, jafnframt því
sem þarna verður geymslustaður
fyrir seglbretti. Vonast klúbbfélag-
ar til að þetta geti orðið lyftistöng
fyrir starfsemina. Ekki síst gæti
þetta komið til góða yngri aldurs-
hópum á aldrinum 11-17 ára, eða
þeim sem ekki hafa haft aðstöðu
til að flytja búnaðinn niður að sjó
og heim aftur. Næsta sumar geta
menn t.d. bara tekið strætó.
Nú er þegar farið að huga að
starfseminni næsta sumar, og er í
því sambandi verið að ráðgera
námskeið fyrir byrjendur á öllum
aldri. Ekki eru allir ungir að árum
sem þessa íþrótt stunda, og má til
gamans geta þess að ekki alls fyrir
löngu fór 67 ára Reykvíkingur á
námskeið fyrir sunnan og hefur
stundað brettið stíft síðan.
Það má svo bæta því við, að þeir
sem hafa áhuga að gerast meðlimir
eða langar að forvitnast eitthvað
nánar, geta haft samband við Ey-
þór í síma 3583 heima eða 3223 í
vinnu.
Tasilaq (fremst) einu sinni sem oftar í höfn á ísafirði.
Hafnarfjarðarbrandari?
Hvað gera græniensku rækjutogararnir?
Samkvæmt frétt í Fjarðarpóstin-
um í Hafnarfirði í síðustu viku var
fyrsta grænlenska rækjuveiðiskip
haustsins (Tasilaq) væntanlegt til
Hafnarfjarðar síðastliðinn mán-
udag. „Samkvæmt heimildum
Fjarðarpóstsins munu aðrir græn-
lenskir togarar einnig ætla að halda
sínu striki, þ.e. halda áfram að
landa hér, hvað sem aðrir lands-
menn finna því til foráttu. Þeir
munu enda kunna því best að
landa hér“, segir í blaði þeirra
Hafnfirðinga.
En það eru víðar heimildir en í
Hafnarfirði, og að sögn Árna Kol-
beinssonar ráðuneytisstjóra í sjáv-
arútvegsráðuneytinu hefur ráðu-
neytið ekki um þetta mál neinar
aðrar upplýsingar en þær sem lágu
fyrir í sumar og sagt var frá hér í
blaðinu, þ.e. að rækjutogarar
heimastjórnarinnar grænlensku
muni koma ísafjarðar, landa þar
ogeiga sín viðskipti. Bæjarstjórinn
á ísafirði ræddi þessi mál einnig
við grænlenska ráðamenn í ferð
sinni til Grænlands í sumar og
niðurstaðan var hin sama.
Fjarðarpósturinn segir einnig,
að ekki þurfi að væna Tasilaq um
ótrúnað við Vestfirðinga, enda
hafi skipið landað í Hafnarfirði í
mörg ár, eða allt frá því að það hóf
rækjuveiðar. Þetta er rangt hjá
blaðinu hafnfirska, og því til stað-
festu fylgir hér mynd af Tasilaq
einu sinni sem oftar í höfn á ísa-
firði.
Úrklippan úr Fjarðarpóstinum.
E
vestfirska
TTABLASID
DANS A ISAFIRÐI
DANSLEIKFIMI
KLASSÍSKIR DANSAR — NÚTÍMA DANSAR
Danskennsla á ísafirði fyrir alla.
Fyrir mjög unga og mjög gamla og allt þar á milli.
Fyrsta mæting kl. 16:00 laugardaginn 15. okt.
í Sponsinu hjá Ágota Joó.
Enskur vals • Vínarvals
Slow-Fox • Tangó • Samba
Quick Step • Cha Cha Cha
Rúmba • Paso Doble • Jive
(Rock ’n Roll og Acrobatic
Rock ’n Roll) • Jass-Ballett.
ÁGOTAJOÓ
DANSKENNARI
Loðnulöndun í Bolungarvík.
PATREKSFJÖRÐUR:
SIGUREY var að selja í Englandi
nú á mánudag rúm hundraðtonn
og fékk mjög gott verð fyrir
aflann, eða 98 krónur á kg. Hluti
aflans fór svo á markað í Frakk-
landi, en ekki var búið að fá
endanlegar tölur um verð á þeim
fiski. ÞRYMUR landaði í gær
þriðjudag á milli 50 og 60 tonnum
og fór það allt í gáma. Rysjótt
hefur verið fyrir Knubáta og þeir
veriðmeð þetta 5 til 6 tonn í róðri.
TÁLKNAFJÖRÐUR:
TÁLKNFIRÐINGUR landaði í
gær þriðjudag 95 tonnum af
blönduðum afla. MARÍA JÚLÍA
var að byrja á línu og er búin að
fara tvo róðra. Frekar tregt hefur
verið hjá þeim og voru þeir með
um 6 tonn í fyrradag og 5.5 tonn
á laugardag og allt slægt.
Þeir hjá Þórsbergi voru að fá nýj-
an bát á sunnudaginn. Hann heit-
ir MÁNI, um 70 tonna trébátur
sem keyptur er frá Grindavík.
Gert var ráð fyrir að MÁNI héldi
á línuveiðar á þriðjudagskvöldið.
Munu þessir tveir bátar, María
Júlía og Máni, báðir stunda llnu-
veiðar í vetur og sjá Þórsbergi
fyrir afla.
BÍLDUDALUR:
Engin vinna er nú í frystihúsinu
og frekar rólegt yfir atvinnulífinu
á staðnum. Þó er gert ráð fyrir að
togari þeirra Bílddælinga fari
aftur að leggja inn afla hjá frysti-
húsinu og er hugmyndin að
leggja meiri áherslu á vinnslu í
dýrari umbúðir í framtlðinni.
ÞINGEYRI:
FRAMNES landaði 76 tonnum á
mánudag og þar af var sett í tvo
gáma. Sama dag landaði
SLÉTTANES 80 tonnum sem fór
allt til vinnslu í Hnífsdal, nema í
fjóra gáma. Aflinn hjá Sléttanes-
inu var að mestu þorskur, en um
20 tonn voru grálúða. Hjá Fram-
nesinu var um helmingur ufsi og
karfi og hitt þorskur og ýsa.
FLATEYRI:
GYLLIR landaði á mánudag um
115 til 120 tonnum og var uppist-
aðan í aflanum ufsi. JÓNÍNA og
BENNI VAGN eru á Ifnu, en afli
frekar tregur, þetta tæp fimm
tonn í róðri.
SUÐUREYRI:
ELÍN ÞORBJARNARDÓTTIR
landaði í aær þriðjudag um 80
tonnum. JON GUÐMUNDSSON
og INGIMAR eru á línunni og afl-
inn þrjú til fimm tonn. Einhverjir
færabátar hafa verið að fram
undir þetta á Suðureyri og skotist
út dag og dag þegar gefið hefur.
ÍSAFJÖRÐUR:
GUÐBJÖRG landaði á mánudag
95 tonnum, aflinn blandaður, þó
mest þorskur, 13 tonn fóru í gám
JÚLÍUS GEIRMUNDSSON er í
siglingu með um 215 tonn, og átti
að selja í Hull I dag, miðvikudag.
Fiskirí hjá handfærabátum að
mestu búið. PÁLL PÁLSSON
kom heim í gærkvöldi eftir langa
og stranga útivist í Póllandi.
BOLUNGARVÍK:
Loðna er nú farin að berast á
land í Bolungarvík. Var öðrum
farminu landað í gær úr KEFL-
VÍKINGI sem kom með um 520
lestir.