Skagfirðingabók - 01.01.1989, Blaðsíða 117
BRUNINN Á HÓLUM f HJALTADAL
upptök eldsins og orsök er honum alveg ókunnugt að
öðru leyti.
Er hér var komið sögu, var dagur að kveldi kominn og
rannsókninni frestað til morguns; hafði staðið yfir í hálfa
tólftu klst.
Laugardaginn 16. október kl. 9:30 var rannsókninni fram
haldið. Fyrir réttinum var mættur Páll Sigurðsson. Ekkert
nýtt kom fram hjá honum umfram það, sem sagt er í frá-
sögninni af brunanum.
Þá kom fyrir réttinn Björn Björnsson skólasveinn. I frá-
sögn hans kom þetta helzt fram: Hann bjó á Sólheimum,
herbergi í suðvesturhorni miðhæðar. Hann var niðri í kjall-
ara að saxa kjöt. Þegar tilkynnt var um eldinn, hljóp hann
strax upp á efstu hæð og hugðist bjarga fötum sínum og
herbergisfélaganna, sem geymd voru í fatakompunni inn af
Spítalanum. Þegar hann opnaði hurðina, gaus reykurinn út
um dyrnar, og yfir herberginu og ganginum heyrði hann
eldinn fara hamförum með braki og brestum. Hljóp hann þá
í skyndi niður og sótti félaga sína, en sú ferð bar ekki árang-
ur, því þegar þeir opnuðu að nýju dyrnar á Spítalanum, stóð
eldurinn á móti þeim, og sviðnaði við það nokkuð hár hans,
þó ekki til skaða. Hann hafði ekki komið upp á efsta loft
fyrr þennan dag. Hann missti í brunanum allan yfirfatnað
nema hversdagsklæðin, sem hann stóð í, svo og bækur allar.
Símon Björnsson fjármaður skólabúsins hafði herbergi á
miðhæð. Hann var sofnaður, þegar tilkynnt var um eldinn.
Hann klæddi.sig í fáti og hljóp út að ytra húsinu, hélt að
kviknað væri í því, en áttaði sig fljótt, sneri við og gekk að
björgunarstörfum. Hann varð fyrir allmiklu tjóni.
Fyrir réttinn kom Hildur Björnsdóttir. Er framburður
hennar alllangur, en flest fram komið áður í frásögninni af
brunanum. Þess má þó geta, að hún hafði geymslu uppi í
rishæð, en minntist þess ekki að hafa farið þangað upp
8 Skagfirdingabók
113