Skagfirðingabók - 01.01.1997, Blaðsíða 156

SKAGFIRÐINGABÓK
leyfi til að flytja inn varahluti í ljósavél. Bréfið er ennfremur
góð lýsing á ástandinu í raforkumálum á Sauðárkróki á þessum
tíma þar til Gönguskarðsárvirkjun tók til starfa. I bréfinu sagði
meðal annars:
... Vélin bilaði fyrir nokkru síðan og hefur reynzt ókleift
að fá varahluti til hennar. Meðan vélin er óstarfhæf er
bærinn svo að segja Ijóslaus, verkstæði geta ekki unnið,
ekki heyrist í útvarpi og óvinnandi er við ljósin að kvöld-
inu. Rafmagn það, sem við höfum er frá gamalli 46 kW
vatnsaflsstöð, sem er mjög úr sér gengin.
Treysti ég því fastlega að háttvirt Viðskiptanefnd sjái
nauðsyn þess að veita okkur umbeðið leyfi hið allra
fyrsta.34
Vonandi fékkst leyfið svo ljósin gætu logað skært og útvarpið
næði til þeirra sem vildu á það hlusta. Af þessu má ljóst vera að
mikil nauðsyn var á úrbótum í raforkumálum. En nú er undir-
búningur að virkjun Gönguskarðsár kominn í fullan gang og
skammt að bíða þess að úr rættist. Mikið er fjallað um virkjun-
ina í hreppsnefnd um vorið og sumarið. A almennum sveitar-
fundi 9- mars 1946 er borin upp svohljóðandi tillaga sem
hreppsnefnd hafði áður samþykkt á fundi tveimur dögum áður:
„Sauðárkrókshreppur ráðist nú á þessu ári, í virkjun Göngu-
skarðsár, samkvæmt þeim áætlunum og teikningum, sem fyrir
liggja. Virkjunina má framkvæma í félagi við aðra hreppa í ná-
grenninu, ríkið, eða fyrir eigin reikning, eftir því sem hag-
kvæmt þykir.“35 I framhaldi af sveitarfundinum ákvað hrepps-
nefnd síðan að reisa 1.500 ha. virkjun í Gönguskarðsá. Fjár-
málaþáttur virkjunarmálsins var hins vegar óleystur og fyrirséð
að erfitt yrði að afla fjár til verksins. Oddviti Sauðárkróks Ey-
34 HSk. Skjöl hreppsnefndar Sauðárkrókshrepps 1949.
35 HSk. Fundagerðabók hreppsnefndar Sauðárkrókshrepps 9-3.1946.
154