Skólavarðan - 01.08.2005, Blaðsíða 28

28
FRÉTTIR OG TILKYNNINGAR
FF
Vísindasjóður Félags
framhaldsskólakennara
Þeir félagsmenn FF sem sóttu námskeið í sumar geta sótt um styrk
í vísindasjóð FF, B deild. Frestur til að skila inn umsóknum rennur
út 31. október.
Úthlutað er samkvæmt umsóknum til sérstakra verkefna á
sviði endur- og viðbótarmenntunar. Greiðslur fara að jafnaði
fram eftir á gegn framvísun reikninga. Úthlutað er úr sjóðnum
tvisvar á ári. Umsóknarfrestur rennur út 30. apríl og 31. október.
Umsóknareyðublöð eru í Kennarahúsinu og á heimasíðu KÍ www.
ki.is.
FT
Starfsmenntunarsjóður
tónlistarkennara
Markmið starfsmenntunarsjóðs Félags tónlistarskólakennara
er að auka tækifæri félagsmanna til framhaldsmenntunar,
endurmenntunar, rannsókna- og þróunarstarfa, auk þess að efla
námsefnisgerð fyrir tónlistarskóla.
Umsóknarfrestur vegna námsefnisgerðar, rannsókna- og
þróunarverkefna er til 15. október.
Stjórn sjóðsins leitast við að úthluta styrkjum vegna námskeiða
og hópferða erlendis jafnharðan og fullnægjandi gögn berast.
Umsóknum í sjóðinn ber að skila til: Starfsmenntunarsjóður
tónlistarkennara, Rauðagerði 27, 108 Reykjavík. Sjá nánar www.
ki.is.
FG
Starfsmenntunarstyrkir
Vonarsjóðs
Verkefna- og námsstyrkjasjóður, Vonarsjóður, veitir kennurum
og skólastjórnendum í grunnskólum.styrki vegna námskeiða,
ráðstefna og kynnisferða innanlands eða utan. Umsóknarfrestur
rennur út 15. febrúar, 15. apríl, 15. júní, 15. ágúst, 15. október
og 15. desember. Hver félagsmaður getur fengið að hámarki kr.
90.000 á tveggja ára tímabili. Sjá nánar www.ki.is.
Auglýsing um
úthlutun styrkja úr C
deild Vísindasjóðs FL
Hér með eru auglýstir styrkir sem veittir eru félagsmönnum
FL annars vegar til þróunar- og rannsóknastarfa og til
námsefnisgerðar og hins vegar einstökum félagsmönnum eða
hópum félagsmanna, faghópum og nefndum innan FL til að
halda námskeið og ráðstefnur ætlaðar félagsmönnum. Í umsókn
þarf að koma fram:
• Heiti verkefnis.
• Lýsing á verkefninu, markmið þess og gildi.
• Lýsing á framkvæmd verkefnis.
• Upplýsingar um umsækjanda/endur, s.s. menntun og
starfsferill.
• Kostnaðaráætlun.
Umsóknum skal skilað á þar til gerðum eyðublöðum sem fást á
skrifstofu FL/KÍ og á heimasíðu www.ki.is í síðasta lagi
15. september 2005.
Stjórn Vísindasjóðs FL
SKÓLAVARÐAN 5.TBL. 5. ÁRG. 2005
Nýtt námsefni
í lestri
Síðastliðið sumar komu
út átta léttlestrarbækur
ásamt verkefnaheftum
eftir Auðbjörgu Pálsdóttur
sérkennara. Alltaf vantar
lesefni fyrir börn sem eru
að ná tökum á lestrarnámi
og var þetta því kærkomin
viðbót við það sem fyrir
var.
Bækurnar eru með góðu
letri, gott bil er milli lína og
hæfilega mikið lesefni á hverri síðu. Litmyndir eru á hverri síðu.
Hver bók er sjálfstæð saga þannig að hún hvetur lesandann til
að halda áfram með bókina sem fljótast. Verkefnabækurnar eru
vel upp settar og börnin geta auðveldlega áttað sig á hvernig á
að vinna þær.
Mér finnst bækurnar henta mjög vel fyrir sérkennslunemendur
í 3. – 4. bekk og einnig þá nemendur í 5. bekk sem ennþá lesa
ekki nema 80-110 atkvæði á mínútu. Að sjálfsögðu henta þessar
bækur líka í almennri kennslu ef tekið er mið af lestrarfærni
nemandans hverju sinni.
Þökk sé Auðbjörgu fyrir hennar góðu viðbót í lestrar-
bókaflóruna.
Heyrst hefur að Auðbjörg sendi frá sér fjórar nýjar bækur á
komandi hausti.
Þeir sem hafa áhuga á að spyrjast fyrir um bækurnar geta haft
samband á netfangið: audbjorg@oskuhlidarskoli.is.
Birna Torfadóttir sérkennari
Félagsgjöld KÍ lækka í 1,6%
Félagsmenn athugi launase›la sína.
Breyting verður á félagsgjöldum til Kennarasambands
Íslands frá 1. ágúst 2005. Á þriðja þingi KÍ í mars sl. var
samþykkt að lækka hlutfall (%) félagsgjalda úr 1,7% í 1,6%
af föstum dagvinnulaunum. Breytingin tekur gildi frá og með
launagreiðslu fyrir ágústmánuð 2005.
Launagreiðendur eru beðnir að gera viðeigandi breytingar
á launakerfi sínu þannig að lækkunin komi til framkvæmda á
réttum tíma.
Eiríkur Jónsson formaður
Ásta St. Eiríksdóttir innheimtufulltrúi (asta@ki.is)
Léttlestrarbækur
Auðbjargar Pálsdóttur.