Skagfirðingabók - 01.01.2004, Side 45

HJÖRLEIFUR Á GILSBAKKA
Ekkert fleira markvert gerðist í máli þessa safns sumarið 1980
sem í raun er í frásögur færandi, en hér skal þó eitthvað nefnt.
Hjörleifur á Gilsbakka var nokkuð iðinn að ná inn munum,
bæði ýmsu sem hann sjálfur aflaði og svo kom hann því á
framfæri við marga að sérlegir steinar og þess háttar væri vel
þegið í safnið unga. Eftirfarandi minnispunktar Hjörleifs sýna
að hann hafði augu og eyru opin og var duglegur að sinna mál-
efninu.
10. júlí [1980]. Ferð um Miðhúsadal og Þverárdal upp á
fjall. Þaðan bak við Þverfjall niður á Tinnárdal um Illa-
gil og síðan að Ábæ. Ferðin tók sólarhring með stönsum
á Merkigili.
14.-17. ágúst. Öræfaferð um Laugafellsöræfi og Stóra-
Hvamm. Farið í Nýjadal og þaðan til Bárðardals og
heim.
22. ágúst. Gengið á Virkishnjúk.
31. ágúst. Gengið í Tryppaskál af Öxnadalsheiði og úr
skálinni niður Hörgárdalsheiði. Ferðafélagar: Kristín Jó-
hannsdóttir og Freyja dóttir hennar, Páll Dagbjartsson
og Helga Friðbjörnsdóttir.
10. september. Ferð í Öxnadal til gróðurathugunar þar
og á heiðinni ásamt Kára Gunnarssyni.
19- september. Farið í Vatnagilið undan Flatatungu
ásamt Kára Gunnarssyni. Auk þessa nokkrar ferðir með
Guðbrandi Magnússyni í trjáholuleit og jurtaleit.
Afrakstur allra þessara ferða er kominn í safnið í Varmahlíð.
Til viðbótar þessu má nefna að eggjasafn Álftagerðisbræðra
var flutt hingað vestur af undirrituðum sumarið 1980. I það
vantar að vísu nokkrar tegundir íslenskra varpfugla en úr því
mun rætast innan tíðar og stefnt er að því að ná eggjum allra
íslenskra varpfugla, algengra og sjaldgæfra. Guðbrandur Þor-
kell Guðbrandsson á Sauðárkróki færði safninu öskju með
43