Skagfirðingabók - 01.01.2005, Qupperneq 117

DAGBÓKARBROT FRÁ SKAGAFIRÐI 1905
eftir GUÐBJART JÓAKIM GUÐBJARTSSON skipstjóra
Guðbjartur JóAKIM GUÐBJARTSSON skipstjóri var fæddur 20. maí
1879 á ísafirði, d. 18. apríl 1935. Kona hans var Helga Engberg,
fædd 16. nóvember 1884 í Hemmert præstegaard á Jótlandi, d. 11.
júní 1978 í Danmörku. Voru þau gefin saman í Kaupmannahöfn
24. janúar 1913.
Jóakim fór ungur til sjós á Vestfjörðum, en hélt síðan til Dan-
merkur og nam þar sjómannafræði. Fékk hann því dönsk skip-
stjórnarréttindi. Á tímabili var hann stýrimaður á danska fiskirann-
sóknarskipinu Thor, sem kom m.a. til íslands. Danir voru þá fram-
arlega á sviði fiskirannsókna og urðu m.a. þekktir fyrir að finna
hrygningarstöðvar álsins.
Jóakim var þó ekki lengi við fiskirannsóknarstörf, en sneri aftur
að fiskveiðum. Hann var um tíma skipstjóri á íslenskum togara hjá
Kveldúlfsútgerðinni og bjuggu þau hjón þá í Reykjavík, a.m.k. sum-
arið 1913. Togaraútgerð á íslandi var þá í mótun og atvinna stopul
og ótrygg. Fluttust þau hjón til Grimsby í Englandi og bjuggu þar
síðan. Jóakim varð þekktur togaraskipstjóri og aflamaður í Grims-
by og varð m.a. skipstjóri á stærsta togara, sem þá hafði verið smíð-
aður. Hann mun á styrjaldarárunum 1914-18 hafa um tíma
stundað veiðar frá Kanada, en lengst af var hann á íslandsmiðum,
aðallega fyrir vestan land og við Snæfellsnes, en þar var hann
þekktur af hjálpsemi við íslenska fiskimenn og dró stundum báta
þeirra til hafnar í vondum veðrum. Hann veiktist í veiðiferð við
ísland og mun hafa látist um svipað leyti og skip hans kom til
hafnar í Scrabster í Skotlandi.
Að Jóakim látnum fluttist Helga ekkja hans til Danmerkur ásamt
115