Norðurslóð - 22.04.1986, Blaðsíða 8

Svarfdælsk byggð & bær
Tímamót
Skírnir
Á skírdag, 27. mars var skírður í Dalvíkurkirkju, Sigurður
Kristinn. Foreldrar hans eru Anna Kristín Ragnarsdóttir og
Guðmundur Aðalsteinn Sigurðsson frá Bessastöðum.
Heimili þeirra er að Skíðabraut 15, Dalvík.
Á páskadag 30. mars var skírður
í Urðakirkju, Einar. Foreldrar
hans eru Halla Soffía Einars-
dóttir, Urðum, Svarfaðardal,
og Hafliði Ólafsson, Öldugötu
5, Dalvík.
Á páskadag, 30. mars, var skírður í Dalvíkurkirkju, Karl
Heiðar. Foreldrar hans eru Sigurbjörg Karlsdóttir, Hóli,
Dalvík og Friðrik Þórarinsson, Bakka, Svarfaðardal.
Þann 20. apríl var skírð í Dalvíkurkirkju, Arna Gerður.
Foreldrar hennar eru Anna Arnfríður Arngrímsdóttir (frá
Miðtúni, Dalvík) og Ingvar Marinósson. Heimili þeirra er að
Ránargötu 30, Akureyri.
Andlát
Þann 14. apríl lést á Akureyri Þórhallur Pétursson á Vöku-
völlum, fyrrum bóndi í Hreiðarsstaðakoti og á Grund í
Svarfaðardal.
Hann var jarðsettur á Akureyri þriðjudaginn 22. apríl.
Pípuorgelið kemur
Á fundi 8. mars s.l. samþykkti sóknarnefnd Upsasóknar að
kaupa pípuorgel í Dalvíkurkirkju. Orgelið er 12 raddir sem
skiptast á tvö spiiaborð og fótspil. Samið var við danska
orgelverksmiðju, P. Bruhn og Sön, og verður orgelið afhent
eftir tvö ár. Tilboð þessarar verksmiðju reyndist hagstæðast í
krónum talið, miðað við tilboð annarra verksmiðja sem leitað
var til, en þó er öruggt að um mjög vandaða vöru er að ræða.
Eiga svona orgel að geta enst í 200 - 250 ár ef aðstæður eru
allar eins og best verður á kosið.
Maður frá verksmiðjunni kom hingað til Dalvíkur í
febrúar, og í samráði við hann og söngfólk var ákveðið að
staðsetja orgelið niðri í kirkjunni, aftast og sunnan. Svona
stórt pípuorgel kemst ekki fyrir uppi í turnloftinu, ásamt
söngfólki. Staðsetningin hefur mikið verið rædd, og virðast
flestir geta sætt sig við þessa lausn mála. Þeir bekkir sem
verða að víkja fyrir orgeli og söngfólki verða settir upp í turn-
loftið. Verð orgelsins er rúmar 3,1 milljón á núverandi gengi.
Nú þegar ertil í orgelsjóði um þriðjungur þess verðs, en það er
sú upphæð sem þarf að greiða við undirritun samnings.
Sóknarnefnd Upsasóknar hefur gefið út platta af Dalvíkur-
kirkju og rennur allur ágóði af sölu hans í orgelsjóð.
JHÞ
Sumarferð á Strandir
Ferðamálaráð Svarfdælingasamtakanna í Reykjavík og
nágrenni, í persónu Sveins Gamalíelssonar, hefur beðið
blaðið að vekja athygli félaganna á því að nú er áformað, að
fara í skemmti- og kynnisferð allar götur norður í Norður-
fjörð á Ströndum sem eru endimörk hins byggða heims.
Þetta er stórkostlega áhugavert landsvæði og má nefna
áfanga á leiðinni: Hólmavík, Bjarnarfjörður, Djúpavík,
Trékyllisvík, Ingólfsfjörður og Drangaskörð blasandi við í
óbyggðunum þar norður af. Farið verður um helgina 11.-13.
júlí.
Þetta var aðeins tjl að vekja áhugann og athyglina. í júní-
blaði Norðurslóðar verður nánar greint frá ferðaáætluninni
og er vænst mikillar þátttöku.
Með bestu sumarkveðjum.
Ferðamálaráð Svarfdæla.
Búferlaflutningar
Maður kemur manns í stað
A þessu vori virðist ætla að verða öllu meiri hreyfing í ábúð jarða í
Svarfaðardal en venjulegt er. Alltaf þykir það tíðindum sæta, þegar
fjölskyldur flytja burt úr sveitinni og aðrar koma í staðinn. Venju-
legur íslenskur sveitahreppur er ekki fjölmennari en svo, að
mörgum þykir sem sveitarfélagið sé ótraustara eftir en áður, ef eitt
heimili tapast úr lestinni.
Hof og Grund eru gamal-
frægar jarðir hér í miðri sveit
hvor andspænis annarri. Sagan
segir, að þær séu landnáms-
jarðir þeirra höfðingjanna Ljót-
ólfs goða og Þorsteins Svarfaðar,
sem löngum eltu grátt silfur sín
á milli og veitti ýmsum betur,
eins og þar segir.
Nú eru að verða eiganda- og
ábúandaskipti á báðum þessum
höfuðbólum.
Lára Stefánsdóttir, eigandi
Hofs, hefur nú selt jörðina
hjónum af Dalvík, Stefáni Jóns-
syni og Filippíu Jónsdóttur.
Þau munu flytja í Hof ásamt
börnum sínum þremur og hefja
búskapinn um mánaðarmótin
maí-júní. Með í kaupunum er
kúabúið á Hofi svo og nokkuð
af búvélum og tækjum. Hér er
að nokkru leyti um makaskipti
að ræða, þar sem Lára kaupir
íbúðarhús þeirra Stefáns og
Filippíu við Mímisveg á Dal-
vík.
Þau hjónin á Grund, Guðríður
Þorsteinsdóttir og Haraldur
Hjartarson hafa nú selt jörð sína
Friðrik Þórarinssyni frá Bakka,
er ílytur þangað í miðjum maí
ásamt með konu, Sigurbjörgu
Karlsdóttur frá Hóli í Upsa-
strönd, og syni þeirra ungum.
Með í kaupunum er kúabúið og
nokkrar kindur ásamt með
búvélum og tækjum.
Þau Guðríður og Haraldur
flytja þá til Akureyrar í hús, sem
þau hafa keypt í Lönguhlíðinni.
Hingað komu þau frá Akureyri
fyrir 13 árum, segjast hafa unað
sér vel hér í sveit og biðja fyrir
bestu kveðjur og þakklV fyrir
góð kynni.
Fremsta býli í Svarfaðardal
er Köt, sem stendur lítið eitt
framar en Atlastaðir hinumegin
ár. Þar búa hjónin Halldór
Jónasson og Halldóra Lilja
Þórarinsdóttir og tveir synir
þeirra.
Þau hjón hafa nú fest kaup í
jörð í Skagafirði og hyggjast
llytja þangað í næsta mánuði.
Jörðin er Ytri-Hofdalir í Við-
víkursveit. Fyrri eigendur eru
Hólmsteinn Sigurðsson og
Guðrún Bergsdóttir, fullorðin
hjón, sem nú flytja til Sauðár-
króks.
Hvað nú verður um Kot er
óljóst á þessari stundu. Það er
sæmilegasta bújörð, enda hefur
þar löngum verið vel búið og
munu ýmsir sjá eftir ef jörðin
fellur nú úr byggð. Þangað
hefur margur maður orðið
feginn að ná heim, þreyttur og
kaldur eftir göngu yfir Heljar-
dalsheiði.
Fréttahornið
Vonir standa samt sem áður
til, að hér í sveit verði unnið eitt
þarfaverk á vegamálasviðinu,
þótt ekki flokkist það undir
stórframkvæmdir. Eftir oddvita
Svarfaðardalshrepps hefur blaðið
það, að góðar vonir standi til,
að byggð verði brú á Holtsána
og vegurinn réttur úr þeirra
háskalegu beygju, sem þar hefur
verið um langt skeið og ógnað
lífi og limum vegfarenda.
Sem sagt góðar fréttir þótt í
smáu sé.
Kjörskrá Dalvíkur liggur
nú frammi. Eins og sakir
standa virðast 909 manns eiga
kosningarrétt á Dalvík, 471 karl
og 438 konur.
Við bæjarstjórnarkosningar
1982 voru á kjörskrá 807
manns. Stafar fjölgunin að
hluta til af lækkun kosninga-
aldursins.
I kjörstjórn á Dalvík eru
Halldór Jóhannesson, Helgi
Þorsteinsson og Stefán Jónsson.
Æskulýðsfulltrúinn Gísli
Pálsson hefur sagt upp
störfum og er að flytjast burt
með fjölskyldu sína. Gísli lætur
af störfum í lok maí, hann kom
hingað 1983 og tók þá við
þessari stöðu sem var ný og
ómótuð.
Grásleppuveiði hefur verið
fádæma dræm það sem af
er. Þó var að heyra á grásleppu-
körlum núna um helgina að þá
hefði eitthvað verið líflegra.
Aftur á móti hefur fjörðurinn
verið mjög líflegur að undan-
förnu. Mjög góð netaveiði hefur
verið hér innan fjarðar og segja
sjómenn að fjörðurinn sé fullur
af fiski. Menn hafa fengið fisk á
færi. Á togaraslóð virðist ekki
vera mikill fiskur þessa stundina
fiskurinn virðist halda sig á
grunnslóð. Aftur á móti hefur
rækjuaflinn verið mjög mikill.
Fyrir helgina afhenti stjórn
verkamannabústaða nýjum
eigendum íbúðirnar 8 í blokk-
inni Karlsrauðatorg 26 í Lág-
inni á Dalvík. Tréverk hf á
Dalvík byggði íbúðirnar og
hófust framkvæmdir í júní 1984.
Athöfnin fór fram með við-
höfn og fengu eigendur íbúð-
anna afhent fagra blómvendi
sem og verktakinn, Tréverk h.f.
og hönnuður hússins Haukur
Haraldsson á Akureyri.
A" rlega hefur Norðurslóð
skýrt lesendum sínum frá
áætluðum vegaframkvæmdum
hér nærsveitis. Að þessu sinnier
næsta litlu frá að skýra. Ekki er
vitað um neinar meiri háttar
framkvæmdir sem unnar verða í
Svarfaðardal, en að líkindum
verða vegarkaflarnir niður á
Árskógssand og Hauganes lag-
Anton Gunnlaugsson með þá gráu.
færðir og sett á þá bundið
slitlag.
Lengra í burtu er svo Leiru-
vegurinn innan Akureyrar, en
þar verður lokið við uppfyll-
inguna og brýr byggðar, þannig
að sá langþráði vegur á að
komast í gagnið á árinu.
Félagsmálanámskeið á Húsabakka. Leiðbeinandinn í miðjum hóp
Ijósklæddur. Ljósm. S.H.
Ungmennafélagið Þorsteinn
Svörfuður í Svarfaðardal
hélt félagsmálanámskeið að
Húsabakka dagana 4. 5. og 6.
apríl sl. Leiðsögumaður var
Sigurður Geirdal framkvæmda-
stjóri U.M.F.Í.
Námskeiðið var vel sótt af
ungmennafélögum, kvenfélags-
konum og fl. sem áhuga höfðu,
voru milli 20 og 30 manns á
námskeiðinu, á öllum aldri eða
frá 14 ára fram á sextugs aldur.
Þótti námskeiðið takast í alla
staði vel.