Saga - 2004, Blaðsíða 159

horfur. Vefsíðan er góð til að kynna sér safnið og hvað þar er í boði
áður en safnið sjálft er skoðað.
Róaldsbrakki
Sýningum í Róaldsbrakka má skipta í þrennt, auk þess sem brakk-
inn sjálfur er byggingarsögulega merkur og jafnframt dæmi um
sögulegar minjar og gefur einstakt tækifæri til að upplifa hluta
síldarævintýrisins. Á jarðhæð Róaldsbrakka er sýning á veiðarfær-
um og áhöldum til síldarsöltunar. Hæðinni er skipt í rými sem hvert
um sig hefur að geyma veiðarfæri eða áhöld sem notuð voru á
ákveðnum stigum söltunarinnar. Enginn texti er settur upp við sýn-
ingargripina en í staðinn er að finna greinargóða lýsingu á munum
og notkun þeirra í bæklingi safnsins. Þannig er hvert rými tekið fyr-
ir í bæklingi með mynd og skýringartexta. Í stað þess að rýna í texta
á vegg innan um gripi eða á spjaldi í rýminu má einfaldlega virða þá
fyrir sér og fá upplýsingar um heiti þeirra og notkun í bæklingi. Í
veiðarfærarýminu má sjá helstu veiðarfæri og fræðast stuttlega um
notkun þeirra en myndir á veggjum sýna verklag. Í rýmunum má
einnig fræðast um beykisiðn og líta verkfæri til tunnugerðar, þar að
auki um síldarsöltunina sjálfa og það sem til þurfti þar, pækilgerð og
almennt um áhöld þau er tengdust síldarverkun. Lítið er um dæmi-
gerða sýningarkassa, en þó eru þarna tveir með sýningarmunum
sem ástæða hefur þótt til að setja undir gler. Í öðrum þeirra má til að
mynda sjá margs konar síldarmerki sem síldarstúlkurnar fengu fyr-
ir hverja saltaða tunnu. Hér er þó ekki um að ræða hefðbundna sýn-
ingarkassa heldur síldarbjóð sem glerplata hefur verið lögð yfir og
fellur því ágætlega að öðrum munum og gripum sýningarinnar. Hér
er skýringartexti hafður í kassanum.
Sú uppsetning sem valin er þarna virkar að mörgu leyti vel.
Veiðarfærum og áhöldum er haganlega komið fyrir hverju í sínu
rými og í sumum þeirra eru ljósmyndir er sýna fólk að störfum og
gefur ágæta hugmynd um hvernig þau voru notuð. Sú lausn að
hafa texta og skýringarmynd í bæklingi gefur gestum færi á að
njóta sýningarinnar án þess að miðar með upplýsingum um hlutina
trufli uppsetninguna, auk þess sem sérstakt áhugafólk um síldveið-
ar og síldarverkun er vafalaust ánægt með að komast yfir bækling
sem þennan.
Stærsti hluti miðhæðarinnar fer undir sýningu þar sem rakin er
saga síldveiða. Henni er skipt niður í ákveðna þætti þar sem gestir
S I L F U R H A F S I N S 159
Saga haust 2004 - NOTA 30.11.2004 11:33 Page 159