Víkurfréttir - 13.11.2014, Blaðsíða 18

18 fimmtudagurinn 13. nóvember 2014 • VÍKURFRÉTTIR
-íþróttir pósturX eythor@vf.is
Varnarmaðurinn ungi Daníel Leó Grétarsson heldur brátt
í víking, en hann mun á næstunni
semja við norska úrvalsdeildar-
liðið Aalesund. Þar með er æsku-
draumur Grindvíkingsins unga
að rætast. Daníel, sem er 19 ára,
hefur leikið reglulega með Grind-
víkingum síðan hann var 16 ára.
Hann hefur fest sig í sessi sem
lykilleikmaður, en svo vel hefur
hann staðið sig að í lok sumars
var hann kjörinn besti leikmaður
meistaraflokks félagsins.
„Þetta er gott lið fótboltalega séð en
um er að ræða stórt stökk fyrir mig.
Ég er búinn að undirbúa mig vel
og vera í liðinu síðustu tvö tímabil.
Það hefur gert gott fyrir mig og
eflaust hef ég fengið reynslu sem
verður mér dýrmæt,“ segir Daníel.
Sjálfur telur Daníel að hann hafi
bætt sig sem leikmann í sumar.
Hann hefur átt gott samstarf við
Milan Stefán Jankovic þjálfara sem
hefur lagt mikið traust á hans ungu
herðar. „Það að vera ungur lykil-
maður í liði lætur mann þurfa að
stíga upp fyrr og þar af leiðandi
bætir maður sig fyrr,“ segir hann.
Framtíðin í
íslenskum fótbolta
Janko þjálfari sparar ekki stóru
orðin þegar kemur að Daníel.
„Hann er fyrst og fremst sterkur
karakter. Hann les leikinn vel og er
með góðar sendingar. Hann er frá-
bær leikmaður og er í raun fram-
tíðin í íslenskum fótbolta. Hugar-
farið hjá honum er alveg 110% og
hann hugsar vel um sig. Hann mun
banka á landsliðsdyrnar hjá aðal-
liðinu á næstu árum, það er ég alveg
viss um,“ segir þjálfarinn sem hefur
verið honum innan handar jafnt
kvölds sem morgna við æfingar.
„Ég hef sótt hann og farið með
honum klukkan sex á morgnana að
æfa aukalega síðustu 2-3 ár. Ég er
viss um að hann á eftir að komast
langt og fara í betra lið þegar fram
líða stundir. Hann er sérstakur
leikmaður sem hefur nánast allt til
brunns að bera,“ bætir Janko við.
Mikil vinna er að baki þessum ár-
angri en svona tækifæri fást ekki
gefins. „Maður er í þessu til að fá
svona tækifæri. Ég hef sett mér
markmið og hef gert mitt besta til
þess að ná þeim. Ég fer nánast aldr-
ei í frí frá boltanum. Þegar það er
frí þá fer ég að lyfta eða tek auka-
æfingu í Hópinu. Ég hef átt margar
klukkustundir aleinn í Hópinu að
æfa. Þetta tækifæri verður ekkert til
út af engu,“ segir Daníel.
Aukaæfingarnar skila
sér í atvinnumennsku
Grindvíkingurinn Daníel Leó semur við Aalesund í Noregi
Keflvíkingar unnu sannfær-andi sigur á nágrönnum sín-
um í Njarðvík, þegar liðin áttust
við í Ljónagryfjunni í Domino's
deild karla í körfubolta á mánu-
dag. Þrátt fyrir að lokatölur, 74-
86, gefi það ef til vill ekki til kynna
þá vannst sigur Keflvíkinga með
talsverðum yfirburðum. Staðan
var 36-66 fyrir Keflavík þegar
fjórði leikhluti hófst og ljóst að
ekkert minna en kraftaverk þyrfti
til þess að bjarga Njarðvíkingum.
Njarðvíkingar höfðu þá leikið af-
leitlega í öðrum og þriðja leik-
hluta, þar sem ekkert gekk upp
hjá þeim. Keflvíkingar voru alltaf
skrefi framar og sýndu meiri bar-
áttu og vilja í leiknum, auk þess
sem þeir léku frábæra vörn. Njarð-
víkingar náðu að rétta úr kútnum
í lokaleikhlutanum og á tímabili
kviknaði smá vonarneisti. En eins
og gamla góða klisjan segir, þá
var hann bara of lítill og kom of
seint. Sannfærandi sigur hjá Kefl-
víkingum sem sýndu loks hvers
þeir eru megnugir.
„Maður mætir í svona leik með
extra orku og það hugafar að gera
vel,“ sagði leikstjórnandinn Valur
Orri Valsson í leikslok. „Það vantar
í aðeins okkur að drepa leikina.
Fjórði leikhluti var ekki góður hjá
okkur. Við höfum ekki verið að
spila svona saman sem lið í undan-
förnum leikjum en sýndum hvað
í okkur býr hér gegn Njarðvík.
Vörnin leit sérstaklega vel út hjá
okkur,“ bætti Valur við.
„Þeir voru bara einfaldlega bara
meiri töffarar en við í dag. Þeir voru
grimmari í ýmsum stöðum sem
komu upp í leiknum,“ sagði Friðrik
Ingi Rúnarsson þjálfari Njarðvík-
inga eftir leik. „Við vorum að hitta
bara mjög illa. Það gekk ekkert upp
á tímabili. Það vantaði sjálfstraust í
hópinn og við vorum ragir við að
sækja á þá inn í teiginn lengi vel.“
KEFLVÍKINGAR VORU EINFALD-
LEGA MEIRI TÖFFARAR EN VIÐ
-sagði Friðrik Ingi Rúnarsson þjálfari UMFN eftir
tap gegn Keflavík í Domino’s deildinni í körfu
18 af 22 keppendum frá Keflavík
- á opna skoska meistaramótinu í taekwondo.
XXKeflvíkingar áttu 18 af 22 íslensku keppendunum á opna skoska
meistaramótinu í taekwondo og stóðu sig með stakri prýði. Árangur
íslenska liðsins var á þá leið að það vann 21 gull, 12 silfur og 10 brons.
Einnig fékk liðið heildarstigabikarinn heim til Íslands. Íslenska liðið var
annað besta liðið í tækni og besta liðið í heildina á mótinu þegar árangur
allra liða hafði verið tekinn saman.
Þrír Íslandsmeistaratitlar til Sleipnis
XX Íslandsmótið í Brazilian jiu jitsu fór fram um sl. helgi. Þrír Íslands-
meistaratitlar bættust í verðlaunaskápinn hjá Sleipni. Gunnar Örn Guð-
mundsson, Hafþór Árni Hermannsson og Jón Axel Jónasson sigruðu
í sínum aldurs- og þyngdarflokkum. Stefán Elías Davíðsson, Catarina
Cahinho, Marín Veiga, Guðumundur Agnar og Bjarni Darri Sigfússon
urðu önnur í sínum flokki. Mótið var það sterkasta til þessa þar sem
fimm félög öttu kappi í ýmsum þyndar- og aldursflokkum. Flestir voru
að stíga sín fyrstu skref í íþróttinni og var árangurinn mjög góður.
Frans með Keflvíkingum næstu tvö árin
XXMiðjumaðurinn Frans Elvarsson skrifað undir nýjan tveggja ára
samning við úrvalsdeildarlið Keflavíkur í fótbolta. Frans var samnings-
laus og hugsaði sér til hreyfings áður en hann ákvað loks að semja aftur
við Keflvíkinga. Frans hefur verið í þeirra herbúðum síðan árið 2011, en
þessi 24 ára leikmaður lék áður með Njarðvíkingum og Sindra.
Njarðvíkingar ósigraðir á toppnum
XXNjarðvíkingar eru ósigraðir í 1. deild kvenna í körfubolta, eftir sigur
gegn Stjörnunni í toppslagnum. Njarðvíkingar unnu 64-55 sigur á
heimavelli sínum, þar sem Nikitta Gartrell skoraði helming stiga liðsins,
32 talsins. Njarðvíkingar hafa unnið alla fjóra leiki sína og sitja nú á
toppi deildarinnar með átta stig.
Allt er fertugum fært, Damon Johnson getur enþá troðið
Keflvíkingurinn Haraldur Guðmundsson spilaði
fyrir Aalesund frá árunum
2005-2009. Hann hefur ekk-
ert nema gott um klúbbinn að
segja. „Fyrir það fyrsta þá óska
ég Daníel til hamingju með
atvinnumannasamninginn.
Þetta er virkilega fallegur og
skemmtilegur bær, klúbburinn
er flottur og aðstaðan til
fyrirmyndar. Það var
ótr ú lega gaman
að spi l a f y r ir
AAFK, stuðn-
ingsmennirnir
voru frábærir og völlurinn
geggjaður með 11.000 áhorf-
endum. Þegar ég spilaði fyrir
liðið var fullur völlur alla leiki,
þvílík stemmning og ég held að
ekkert hafi breyst.
Ég held að Daníel megi
búast við miklu fleiri
áhorfendum, meiri
hraða í le iknum,
aukinni hörku og
f lottum völlum
í norska bolt-
anum,“ s eg i r
fyrirliði Kefl-
víkinga.
Hann mun banka á landsliðsdyrnar hjá aðal-
liðinu á næstu árum, það er ég alveg viss um
-Milan Stefán Jankovic