Víkurfréttir - 21.06.2007, Blaðsíða 22

22 VÍKURFRÉTTIR Á NETINU • www.vf.is • LESTU NÝJASTA SPORTIÐ DAGLEGA!VÍKURFRÉTTIR I ÍÞRÓTTASÍÐUR
Framkvæmdastjórinn er
bjartsýnn á framhaldið
Keflvíkingar voru nokkuð fyrirferðamiklir þegar
verðlaun voru veitt fyrir fyrsta
þriðjung Landsbankadeildar
karla í knattspyrnu fyrr í þess-
ari viku. Þeir Baldur Sigurðs-
son og Símun Eiler Samuelsen
voru valdir í úrvalslið fyrstu
sex umferðanna og þá var
Pumasveitin, stuðningsmanna-
sveit Keflavíkur, valin besta
stuðningsmannasveitin þessar
fyrstu sex umferðir. Puma-
sveitin sem og aðrir stuðnings-
menn Keflavíkur eru vel að
titlinum komnir og fyrir vikið
munu 150 þúsund krónur
renna óskipt inn í yngriflokka-
starf Knattspyrnudeildar
Keflavíkur. Framkvæmdastjóri
deildarinnar, Valgeir Guð-
mundsson tók við verðlaun-
unum fyrir hönd Pumasveit-
arinnar.
„Það er frábært að eiga hér tvo
leikmenn í úrvalsliðinu og svo
er það ekki spurning að Puma-
sveitin er alveg brilljant,“ sagði
Valgeir í samtali við Víkurfréttir
en hann tók við starfi fram-
kvæmdastjóra KSD Keflavíkur
í apríl á þessu ári.
„Við höfum verið nokkuð
óheppnir að undanförnu t.d.
2-1 tapið heima gegn FH og 2-
2 jafnteflið á útivelli gegn Val.
Þrátt fyrir það er ég þess viss að
14 bestu leikmenn okkar séu á
pari við 14 sterkustu leikmenn
annarra liða í deildinni,“ sagði
Valgeir. Rætt hefur verið um að
Keflavíkurhópurinn sé nokkuð
brothættur og hafi verið það
undanfarin tímabil því breiddin
hafi ekki verið nægileg en Val-
geir segir að það standi ekki til
að bæta neitt við núverandi hóp.
„Þessi hópur sem er hjá okkur
núna verður út sumarið og nú
eru loksins allir að smella saman
og verða heilir. Strákarnir hafa
sýnt það að undanförnu að hóp-
urinn þolir það að missa 1-2
leikmenn. Við þurfum kannski
helst að einbeita okkur að því
að halda haus gegn öllum liðum
í deildinni sama hvar þau eru
í töflunni og þá eigum við að
vera í toppbaráttunni.“
Hversu svangir eru Keflvíkingar
þar sem Íslandsmeistaratitillinn
hefur ekki komið suður fyrir ál-
ver síðan 1973? „Það er kannski
erfitt að lýsa því en það má
merkja á tali flestra að Keflavík
hefur nú í nokkurn tíma leikið
einn skemmtilegasta og besta
boltann í deildinni. Núna vilja
menn bara fá sigur, sama hvort
boltinn sé flottur eða ekki, það
er bara sigurinn sem telur og
ég veit að formaðurinn okkar
iðar í skinninu og vill endilega
fá þann stóra heim,“ sagði Val-
geir og bætti við að það væri
mikilvægt að halda sjó og síðan
herða róðurinn. „Það er ekkert
sem bendir til annars en að það
séu bjartir tímar framundan í
fótboltanum í Keflavík og ég
vonast bara til þess að menn
missi ekki dampinn heldur
haldi áfram á sömu braut.“
Knattspyrnukonan Margrét Lára Viðarsdóttir heim-sótti stelpur í 3. og 4. flokki hjá Keflavík á þriðju-
dag þar sem hún hélt fyrirlestur og stjórnaði svo æfingu
með hópnum á Keflavíkurvelli.
Góður rómur var gerður að komu Margrétar og hefur mik-
ill áhugi verið fyrir komum þessa sterka leikmanns um
land allt. Það lýsir kannski best áhuganum hjá stelpunum
í Keflavík að margar hverjar tóku sér frí frá vinnu til þess
að geta verið viðstaddar þegar Margrét Lára kom til Kefla-
víkur. Margrét verður í eldlínunni með íslenska kvenna-
landsliðinu sem mætir Serbum á morgun.
Margrét Lára heillaði í Keflavík
Þorvaldur sigurvegari
í golfmóti Atafls
Þorvaldur Guðjónsson hafði sigur í boðsmóti Atafls
sem fram fór á Hólmsvelli í
Leiru síðastliðinn föstudag.
Mótið var hið veglegasta og
gæddu kylfingar sér á rjúkandi
kjötsúpu fyrir mót. Nokkur
vindur var í Leirunni en það
fékk ekki á menn sem komu
í hús með fínt skor og halaði
Þorvaldur inn 40 punktum.
Að móti loknu var kylfingum
boðið í veglega matarveislu og
úrslit í mótinu gerð kunn.
Úrslitin urðu sem hér segir:
Punktar með forgjöf:
1 Þorvaldur Guðjónsson 40
2. Jóhann Ríkharðsson 39
3. Vilhjálmur Ingvarsson 37
Flestir punktar án forgjafar:
Gunnar Már Gíslason, 27
Nándarverðlaun
3. braut-Guðmundur Kr. Jóhann-
esson 4,62 m.
16. braut-Sigurður Geirsson
1,16 m.
Næstur holu í 2 höggi á 9. braut.
Björgvin Sigmundsson-3,01 m.
Á myndinni eru sigurvegararnir
í flokki með forgjöf. Frá vinstri
Grímur Halldórsson, forstöðu-
maður innkaupasviðs hjá Atafli.
Vilhjálmur Ingvarsson, 3. sæti,
Þorvaldur Guðjónsson sigurveg-
ari, Jóhann Ríkarðsson 2. sæti
og Kári Arngrímsson forstjóri
Atafls.
Sólrún Ósk Íþrótta-
maður Voga 2006
Sólrún Ósk Árnadóttir var á dögunum kjörin Íþrótta-
maður Voga fyrir árið 2006.
Sólrún er metnaðarmikill og
samviskusamur íþróttamaður
sem fer þangað sem hún
ætlar sér. Sólrún hefur staðið
sig einkar vel á árinu og m.a.
tryggt sér þáttökurétt á A.M.Í
(Aldursflokkameistaramót Ís-
lands) í sumar í fjölda greina.
Sólrún er bæjarfélaginu jafnt
sem íþróttafélaginu til sóma á
allan hátt. Sólrún er aðeins 12
ára gömul og á framtíðina fyrir
sér, svo það verður spennandi
að fylgjast með henni í framtíð-
inni og er hún vel að titlinum
komin.
Valgeir, Símun og Baldur
í höfuðstöðvum KSÍ við
verðlaunaafhendinguna.