Feykir - 06.12.2012, Blaðsíða 7
46/2012 Feykir 7
Tónlistarskóli
Skagafjarðar
Stofutónleikar í Heimilisiðnaðarsafninu á Blönduósi
Stofutónleikar voru
haldnir í Heimilisiðnaðarsafninu,
sunnudaginn 25. nóvember sl.,
og var það Rut Ingólfsdóttir
fiðluleikari sem flutti þar
einleiksverk á fiðlu. Að sögn
Elínar Sigurðardóttur safnstjóra
Heimilisiðnaðarsafnsins var
þakklátur áheyrendahópur
samankominn á safninu sem naut
þess að hlusta á Rut flytja verk eftir
Johann Sebastian Bach, Eugene
Ysaÿe og fleiri.
Samkvæmt Elínu hefur Rut unnið
ötullega að því að kynna klassíska
tónlist víða um land og haldið fjölda
einleikstónleika víðs vegar innan-
lands og utan. Á Stofutónleikunum í
Heimilisiðnaðarsafninu kynnti Rut
hvert verk fyrir sig og höfunda þeirra
á milli þess sem hún lék á fiðluna.
„Það var einstök upplifun að hlusta á
hinn frábæra leik í svona mikilli
nálægð við listamanninn en sérstaða
Stofutónleika er einmitt sú að þeir
eru haldnir gjarnan í heimahúsum
eða í rýmum sem ekki eru sérstaklega
hönnuð til tónleikahalds. Skapast því
gjarnan ólýsanleg stemmning og
snerting á milli tónlistarmanns og
tónleikagesta, “ sagði Elín í samtali
við Feyki.
Þess má geta að Rut er
heiðursforseti Kammersveitar
Reykjavíkur, sem hún stofnaði árið
1974 ásamt tólf öðrum
hljóðfæraleikurum sem flestir áttu
það sammerkt að vera nýkomnir
heim til Íslands að loknu námi
erlendis. Þá hefur hún m.a. verið
fastráðin við Sinfóníuhljómsveit
Íslands og konsertmeistari í Íslensku
óperunni. Sömuleiðis leiðari
Reykjavíkurkvartettsins og kennari
við Tónlistarskólann í Reykjavík.
„Rut hefur einnig leikið inn á fjölda
geisladiska sem hlotið hafa frábæra
dóma. Má þar nefna Íslensk tónlist
fyrir einleiksfiðlu, einnig geisladisk
hennar og Richards Simm, Fyrstu
íslensku sónöturnar og fyrir ári síðan
kom út geisladiskurinn Sónötukvöld
með Rut og Richard,“ sagði Elín og
bætti við að Rut hefur hlotið
margvíslegar viðurkenningar fyrir
starf sitt að tónlistarmálum á Íslandi.
„Það var því mikill heiður að fá Rut
hingað til okkar,“ sagði Elín glöð í
bragði.
Að tónleikunum loknum var gestum
Heimilisiðnaðarsafnsins að venju
boðið upp á kaffi og bakkelsi og áttu
tónleikagestir notalega stund með
Rut og eiginmanni hennar, Birni
Bjarnasyni. Það var Menningarráð
Norðurlands vestra sem styrkti
tónleikana.
/BÞ
Tónlistarskólinn heldur að venju
jólatónleika um þessar mundir.
Undanfarnar vikur hafa nemendur
skólans verið að æfa saman í litlum sem
stórum hópum og verður mjög gaman
að sjá og heyra afrakstur þess.
Við byrjum jólatónleikana á laugardaginn 8.
desember í Gunnskólanum að Hólum kl.13
og síðan sama dag verða aðrir tónleikar á
Hofsósi í Félagsheimilinu Höfðaborg sem
hefjast kl. 14
Á Sauðárkróki verða tónleikarnir í
Tónlistarskólanum mánudaginn 10.
desember kl. 18 og 20. Í Miðgarði í
Varmahlíð verða tónleikar þriðjudaginn 11.
desember kl.17 og 20. Og svo endum við
tónleikaröðina á tónleikum miðvikudaginn
12. desember í Tónlistarskólanum á
Sauðárkróki og hefjast þeir kl.18:00.
Þá má nefna aðra viðburði í haust s.s.
Landsmót strengjanemenda sem haldið var
í Grafavogi 5.-7. október og fóru héðan 17
nemendur sem tóku þátt á mótinu. Lauk
mótinu með því að allir strengjanemendur
um 350 talsins spiluðu saman lagið Á
sprengisandi í Eldborgarsal Hörpu.
Tónfundir voru haldnir í byrjun nóvember
og komu þar fram um 240 nemendur. Þá
voru haldnir fjáröflunartónleikar til styrktar
minningarsjóði Jóns Björnssonar frá
Hafsteinsstöðum 8. nóvember en sjóðurinn
styrkir efnilega nemendur í tónlistarnámi
sem eru að ljúka 9. eða 10. bekk grunnskóla.
Aðalhvatamaður að þessum sjóði er Eiður
Guðvinsson. Hann gaf út geisladisk með
lögum Jóns Björnssonar og hefur ágóði af
sölu disksins runnið í þennan sjóð. Á
fjáröflunartónleikunum komu fram
nemendur skólans, auk barna- og
unglingakórar Varmahlíðar- og Árskóla og
Karlakórsins Heimis en þess má geta að Jón
Björnsson stjórnaði Karlakórnum manna
lengst til þessa. Safnaðist um 150.000 kr.- á
þessum fyrstu fjáröflunartónleikum.
Alls stunda 250 nemendur nám í vetur og
komast færri að en vilja. Því má búast við
biðlistum eftir áramót. Gjaldskráin kemur til
með að hækka um áramótin.
Sveinn Sigurbjörnsson
skólastjóri Tónlistarskóla Skagafjarðar skrifar
Ólýsanleg
stemning á
Stofutónleikum