Breiðfirðingur - 01.04.1989, Síða 36

34
BREIÐFIRÐINGUR
barnakennslu og jarðyrkjustörf en réðst svo kaupfélagsstjóri
hjá Kaupfélagi Hvammsfjarðar og stjórnaði því af mikilli
alúð og samviskusemi til æviloka 25. október 1942.
Þorleifur byrjaði búskap á Hróðnýjarstöðum og síðar á
Lambastöðum. Síðan bjó hann á Gillastöðum frá 1892 til 1898.
Eftir það voru þau í húsmennsku á ýmsum stöðum í Laxár-
dalshreppi, lengst á Fjósum. Síðustu á ævinnar dvöldust þau
í skjóli Jóns sonar síns í Búðardal. Þorleifur var áhugasamur
um að öll þau störf er hann tók að sér færu vel úr hendi en
þótti dálítið raupsamur er hann sagði frá þeim eftir á.
Kristján Jóhannsson. Hann fæddist 27. apríl 1868 og dó 1.
nóvember 1926. Foreldrar hans voru Jóhann á Saurum og
kona hans Kristín Jónsdóttir. Kona Kristjáns var Kolþerna
Guðbrandsdóttir frá Sámsstöðum. Hún dó 7. apríl 1950. Þau
Kristján eignuðust eftirtalin börn: 1. Margréti sem átti Sam-
son Jónsson. Þau bjuggu á Bugðustöðum í Hörðadal. 2. Jó-
hann verkamann í Reykjavík. 3. Kristin innheimtustjóra hjá
Reykjavíkurbæ. 4. Sigurdör verkamann í Kópavogi.
Þau Kristján stunduðu ekki búskap en voru í húsmennsku
á ýmsum stöðum, lengst í Lækjarskógi og að síðustu hjá
Margréti dóttur sinni á Bugðustöðum. Kristján lauk prófi frá
Flensborgarskóla í Hafnarfirði. Hann stundaði lengi barna-
kennslu í Laxárdalshreppi og víðar í Suðurdölum einnig
smíðar og önnur störf er til féllu. Kristján var ágætur hag-
yrðingur. Flugu kvæði hans og vísur víða og var hann einkar
laginn að láta koma fram í þeim broslegar hliðar á yrkisefn-
inu. Hafa nokkur þeirra verið prentuð í bókinni Mannlíf og
mórar í Dölum.
Jón Guðmundsson. Hann fæddist 1844 og dó 23. mars 1933.
Foreldrar hans voru Guðmundur Guðmundsson og Margrét
Jónsdóttir á Dönustöðum. Kona Jóns var Guðbjörg Jóns-
dóttir vinnumanns á Broddanesi. Þau eignuðust eina dóttur
er Kristín hét. Hún varð seinni kona Jóhannesar Jónssonar
frá Hellu á Fellsströnd.