Breiðfirðingur - 01.04.2002, Síða 79

HÁMARKSÁRANGUR BRYAN TRACY
77
óháð því hver maður er og hver staða manns er. Með öðrum
orðum „þú getur orðið, öðlast og gert allt sem þú vilt“.
Farsæld segir Tracy að megi greina í sjö þætti. Fyrsta og
mikilvægasta atriðið er hugarró, og jafnframt grundvallarskil-
yrði til þess að hægt sé að njóta einhvers. Maður hefur öðlast
hugarró þegar maður er laus undan eyðandi tilfinningum s.s.
ótta, reiði, efa, samviskubiti o.þ.h. og lykillinn að því er að
losa sig kerfisbundið við allt neikvætt þar með talin samskipti
við neikvætt fólk. í öðru lagi er mikilvægt að hafa heilsu og
atorku og þessvegna er nauðsynlegt að gefa sér tíma til heilsu-
ræktar. I þriðja lagi eru það ástrík sambönd og vinátta við
annað fólk sem gefa af sér góð og ánægjuleg samskipti.
Fjórða atriðið er efnahagslegt frelsi og að þurfa ekki að hafa
áhyggjur af afkomu sinni og fjölskyldunnar. Fimmti þátturinn
er að hafa verðug markmið og hugsjónir eða hafa stefnu í
lífinu - hvað gefur lífi manns tilgang og merkingu? Sjötti
þátturinn er sjálfsþekking og sjálfsmeðvitund því manni er
nauðsynlegt að þekkja sjálfan sig. I sjöunda og síðasta lagi er
það persónulegur þroski og sú tilfinning að maður sé að full-
nýta alla möguleika sína. Þetta er „ættað“ frá Maslow sem
kallar það „birtingu sjálfsins“ en samkvæmt honum er það
megin einkenni heilbrigðustu, hamingjusömustu og farsælustu
einstaklinganna í samfélagi okkar.
í öðrum kafla kennir Tracy um hin sjö andlegu alls-
herjarlögmál og hvernig hægt er að nýta sér þau til að öðlast
það líf sem maður óskar sér. Þessi lögmál eru stjórnunarlög-
máiið þ.e. að hafa stjórn á lífi sínu og aðstæðum, orsaka- og
afleiðingalögmálið eða það að allt gerist af einhverri ástæðu
og tilviljanir eru ekki til. Sannfæringarlögmálið sem kveður á
um að það sem maður trúir í raun og sannleika verður veru-
leiki. Vœntingarlögmálið sem segir að það sem maður býst
við verður að veruleika (dæmi um þetta er hin sígilda saga um
kennarana sem var sagt að þeir væru afburðakennarar og
hefðu afburðanemendur, en þeir voru í raun venjulegir - í lok
vetrar höfðu nemendurnir bætt námsárangur sinn um 20
-30%). Aðlöðunarlögmálið sem segir að maður dragi að sér