Helgarpósturinn - 16.07.1987, Blaðsíða 18
Á GÚMMÍBÁTUM
NIÐUR HVÍTÁ Í
ÁRNESSÝSLU
Nýi ferðaklúbburinn er ferðafélag
er sérhæfir sig í siglingu gúmmíbáta
niður vatnsföll, fjallgönguferðum
og fjallgöngunámskeiðum. Hvitá í
Árnessýslu þykir ákjósanleg, berg-
grunnur gamall, grjót núið og því
litlar líkur á að skemma bátana.
Vatnsmagn mátulegt og siglingin
hættulaus þó að vissulega gefi
stundum mátulega á bátana til að
auka skemmtun ferðarinnar. Frá
Gullfossi má sigla niður fyrir Selfoss
án þess að taka bátinn nokkurn tím-
ann úr ánni, því allar fiúðir neðan
Gullfoss má sigla á þessum stór-
skemmtilegu bátum.
Nýi ferðaklúbburinn hefur á að
skipa besta mögulega útbúnaði, s.s.
bátum, hjálmum, björgunarvestum
og síðast en ekki síst fólki sem gjör-
þekkir siglingar á ám og þá sér t lagi
Hvítá því þar eru boðnar ferðir.
Þetta er þriðja árið sem Nýi ferða-
klúbburinn stendur fyrir siglingum
niður Hvítá. Hingað til hefur aðal-
lega erlent ferðafóik nýtt sér þessa
þjónustu en svo virðist sem íslend-
ingar hræðist siglingar á jökulvötn-
um.
Nýi ferðaklúbburinn bauð félög-
um úr íþróttafélagi fatlaðra í Reykja-
vík í siglingu niður Hvítá helgina 4.
og 5. júlí síðastliðinn. Tilgangurinn
var tvíþættur, í fyrsta lagi að
skemmta fötluðum sem sjaldan eiga
tækifæri á að komast í slíkar ævin-
týraferðir og til að styrkja starfsemi
þeirra en Í.F.R. byggir nú íþróttahús.
Var ferðin notuð sem fjáröflunarleið
með söfnun áheita og auglýsinga. í
öðru lagi er þetta höfðinglega boð
þáttur í þeirri starfsemi að kynna Is-
lendingum að siglingar á jökulvötn-
um eru með öllu hættulausar undir
stjórn fólks með reynslu af slíkum
siglingum.
I.F.R. hefur hafið byggingu á
íþróttahúsi við Hátún 12 í Reykjavík
qg hefur grunnurinn verið steyptur.
íþróttafélag fatlaðra í Reykjavík og
nágrenni var stofnað fyrir 13 árum
og telur nú yfir 500 félaga. Innan
íþróttafélagsins eru stundaðar
nokkrar íþróttagreinar, þar á meðal
frjálsar íþróttir, sund, borðtennis,
boccia, hjólastólaakstur, bogfimi og
lyftingar. Félagar hafa keppt bæði
hér heima og erlendis og jafnan
staðið sig vel og m.a. hlotið olymp-
íugull. Nú eru Olympíuleikar fatl-
aðra framundan og stefnir félagið
að því að senda þátttakendur þang-
að. Félagar æfa á fjórum stöðum,
hingað og þangað um borgina og
gerir sú aðstaða félagsstarfið mjög
erfitt. Draumurinn er því að íþrótta-
húsið verði sem fyrst að veruleika.
Þátttaka fatlaðra í íþróttum er ann-
að og meira en einungis sport því
þetta er alhliða endurhæfing til upp-
byggingar á sál og líkama. Þeim er
styrkja vilja þessa byggingu er hér
bent á gíróreikning númer 32000-5.
Laugardagurinn 4. júlí rann upp,
blíðskaparveður, og spenningur í
fólki. Ferðin hófst skammt undan
við Bláfell á Kili. Þar beið einn 12
manna gúmmíbátur en eigi þykir
ráðlegt að hafa fleiri en 8 manns í
bátunum þegar meirihluti er óvant
fólk og fatlað. Þaðan var siglt í tæpar
þrjár klukkustundir niður að Gull-
fossi. Á leiðinni eru nokkrar
skemmtilegar flúðir og skemmtu
ferðalangar sér hið besta. Um kíló-
metra ofan við Gullfoss var stað-
næmst og báturinn tekinn á land.
Athygli vakti að skipstjórar bátanna
gátu stoppað þá hvar sem var og
hvenær sem var með því að stjórna
róðri áhafnarinnar. Stoppað var við
Gullfoss í um tvo klukkutíma og var
þar margt um manninn. Næsti kafli
leiðarinnar er sá skemmtilegasti
fyrir ævintýrafólk. Báturinn var lát-
inn síga niður í Gullfossgljúfur rétt
neðan fossins og sömuleiðis áhöfn-
in, þar með talið tveir fatlaðir menn
er bundnir eru við hjólastóla.
Vatnsmagn í Hvítá var rétt við
meðallag og gekk því ferðin vel nið-
ur gljúfrið. Svokölluð 600 Htra
beygja er í gljúfrinu, nafnið þannig
til komið að þar koma yfirleitt um
600 lítrar jökulvatns í bátinn. Nokk-
uð vel þótti til takast í þetta skiptið
og ekki komu nema um 300 lítrar í
bátinn í beygjunni. Tvisvar þurfti þó
að taka land til að tæma bátinn áður
en gljúfrinu lauk. Þar bættist annar
bátur í för og héldu þeir áfram niður
að Nautavík í landi Jaðars. Þar var
áð og bættist þriðji báturinn í för.
Þaðan fór hersingin áfram um Brú-
arhlöð sem þykir fegursti hluti leið-
arinnar. Allt gekk vel og skemmtu
allir sér vel, jafnt stjórnendur, félag-
ar úr Í.F.R., blaðamenn og frétta-
tökumenn Stöðvar 2 er náðu ævin-
týralegum myndum.
Næsti áfangastaður var Drumb-
oddsstaðir í Biskupstungum, þaðan
var síðan haldið niður að Laugarási
þar sem grillveisla var um kvöldið.
Á sunnudegi var síðan haldið niður
að Selfossi.
Blaðamaður Helgarpóstsins
þakkar kærlega fyrir sig og getur
fullvissað lesendur um að þrátt fyrir
mörg ferðalög á undanförnum ára-
tug en þetta eitthvert það sérstak-
asta og skemmtilegasta. Til að kom-
ast í slíka ævintýraferð er hægt að
hafa samband við Nýja ferðaklúbb-
inn og fara þeir í ferðir þegar næg
þátttaka fæst. Upplýsingar fást á
ferðaskrifstofum og í síma 91-19828.
-B.H.
Eftirtaldir adilar veittu fjárstyrk til
íþróttahúsbyggingarinnar vegna
þessarar farar:
Nýi ferdaklúbburinn, Jóhann Ólafs-
son, Dósageröinni, Ásgeir Sigurös-
son, Bjarni í Braudbœ, B.M. Vallá,
ÍSAL, Mjólkursamsalan, Sólning hf.,
Hjólbarbahöllin, Olíufélagiö hf.,
Hagkaup, Íslensk-ameríska, Gamla
kompaníiö, Ingvar og Gylfi, IKEA,
Fasteignahöllin, Tómstundahúsiö,
J. Hinriksson, Niöursuöuverksmiöj-
an hf., Pensillinn hf., og fleiri fyrir-
tœki ásamt fjölda einstaklinga.
FERÐASKRIFSTOFA
HÚSAVÍKUR
Á Húsavík tók nýlega til starfa
Ferðaskrifstofa Húsavíkur. Fímm
aðilar standa að þessari skrifstofu
og markmið þeirra er, fyrir utan að
selja og skipuleggja hópferðir er-
lendis sem innanlands, að vekja at-
hygli á Húsavík sem ferðamanna-
bæ.
Húsavík er í hjarta Þingeyjar-
sýslna, útgerðar-, þjónustu- og iðn-
aðarbær með tæplega 2500 íbúum.
Húsavík er þekkt fyrir mjög líflega
höfn með fjölda smábáta. Höfnin er
neðan við háan bakka, þannig að
allt sem lýtur að fiski og fiskverkun
er aðskilið frá bænum. Veldur þetta
því að bærinn er mun snyrtilegri en
margir útgerðarbæir. Húsavík er
veðursæl og gróðursæl og mikill
trjágróður setur nú svip á bæinn.
Húsavík er tilvalinn dvalarstaður
fyrir þá er skoða vilja Þingeyjarsýsl-
ur með sínum fjölmörgu náttúru-
undrum. Kaupstaðurinn sjálfur hef-
ur upp á margt að bjóða, þar á með-
al hvers konar þjónustu sem ferða-
maðurinn þarfnast. Má þar nefna
gott hótel, tjaldstæði, sundlaug,
gufubað, golfvöll, veitingastaði,
verkstæði, verslanir, bílaleigu, heil-
brigðisþjónustu og margt, margt
fleira.
Ferðaskrifstofa Húsavíkur skipu-
leggur m.a. skemmtiferðir á bátum
um Skjálfandaflóa, út að Lundey,
Flatey og Náttfaravíkum. Einnig eru
skipulagðar ferðir í sambandi við
B-18 HELGARPÓSTURINN
sjóstangaveiði. Reglulegar ferðir
eru inn á hálendið í Kverkfjöll og
daglegar áætlunarferðir i Mývatns-
sveit og á Akureyri. Reglulegar
áætlunarferðir austur um í Ásbyrgi,
Kópasker, Raufarhöfn, Þórshöfn og
Vopnafjörð. Einnig eru daglegar
áætlunarferðir með Flugleiðum til
Reykjavíkur.
Á Húsavík var nýlega opnaður
glæsilegur veitingastaður á Garð-
arsbraut 20, Veitingastaðurinn
Bakkinn. Margir nefna húsið bleika
húsið við aðalgötuna en þar komast
nær 60 gestir í mat. Glæsilegur mat-
seðill, fiskréttir, kjúklingar, pítur,
hamborgarar, samlokur og kaffi-
hlaðborð alla daga. Bakkinn er op-
inn 9—23.30 aila daga yfir sumarið
en 9—22 á vetrum.
Húsnæðið uppfyllir öll skilyrði
varðandi vínveitingaleyfi og hefur
verið tekið út af Hollustuvernd ríkis-
ins. Fyrirhugað er að bjóða upp á
einkasamkvæmi og hvers kyns
veislur fyrir smærri og stærri hópa,
fyrir allt að 80 manns. Um helgar
verður sérstakur matseðill og vín-
veitingar í nýja salnum, samhliða
óbreyttum rekstri í gamla salnum,
en byrjað var á viðbyggingu 4. maí
og salurinn opnaður 3. júlí.
Takmark veitingahússins Bakk-
ans er góður matur og góð þjónusta
í notalegu umhverfi.
VELKOMIN TIL HÚSAVÍKUR
-B.H.