Dagur - 29.04.1980, Blaðsíða 1

TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
DAGUR
LXIII. árgangur Akureyri, þriðjudagur 29. apríl 1980
31. tölublað
! sfðustu viku var dregið um
aukaverðlaun vegna sjöundu
myndagátunnar. Það var Emil
Sigurðsson, verslunarstjóri í
Amaro, sem sá um að draga nafn
hins heppna, en verðlaunin voru
vöruúttekt í Amaro að verðmæti
20.000,-. Aukaverðlaunin hlaut
Gerður ísberg, Vogsholti 4,
Reykjavik. f næstu viku britist
10. og sfðasta myndagátan og f
blaðinu þann 22. maí verður
greint frá auka verðlaunum
vegna þeirrar gátu og jafnframt
hver hlýtur hin glæsilegu ferða-
verðlaun.
Niðurtalning
verðbólgu eða
leiftursókn
Myndagátan
— sagði Steingrímur Hermannsson, formaður
Framsóknarfiokksins á aðalfundi miðstjórnar
Aðalfundur miðstjórnar
Framsóknarflokksins var
haldinn í Reykjavík dagana
25.-27. apríl. Steingrímur
Hermannsson var endurkjörinn
formaður flokksins og Halldór
Ásgrímsson var kjörinn
varaformaður. Tómas Árnason
var endurkjörinn ritari og
Guðmundur G. Þórarinsson
gjaldkeri. Ragnheiður
Sveinbjörnsdóttir var kjörin
vararitari og Haukur
Ingibergsson varagjaldkeri.
í upphafi yfirlitsræðu sinnar
rakti Steingrímur Hermannsson
aðdraganda stjórnarmyndunarinn-
ar og reifaði efnahagsstefnu ríkis-
stjórnarinnar. Gat hann þess meðal
annars, að niðurtalningarleiðin
myndi ekki standast fullkomlega á
næstunni, en eftir sem áður væri
markmiðið það, að ná verðbólg-
unni niður í svipað horf og hún
væri í nágrannalöndunum á árinu
1982. Hann gat þess, að stjórnar-
samstarfið virtist lofa góðu og allir
legðu sig fram um að leysa þau
ágreiningsmál, sem óhjákvæmilega
kæmu upp í samstarfi þriggja aðila.
Steingrímur sagði að sér virtist
vel horfa í atvinnumálum almennt,
þó að við ýmsa tímabundna erfið-
leika væri að etja, m.a. í fram-
leiðslumálum landbúnaðarins og
vegna rekstrarerfiðleika í iðnaði,
sem enn ætti í vandræðum. Hann
sagði að framtíðin væri björt í
sjávarútvegi, en áfram yrði að tak-
marka veiðar, meðan hrygningar-
stofn þorsksins væri að stækka, svo
og til að koma í veg fyrir miklar
aflasveiflur milli ára. Sagðist hann
ætla að skoða nýjar leiðir í þessum
efnum, einkum með það í huga að
tengja betur veiðar og vinnslu.
Þá ræddi Steingrímur um orku-
mál, en um þau var gerð sérstök
ályktun á fundinum. Hann sagði
meðal annars, að líklega þyrfti að
bíða í a.m.k. tvö ár, þar til Krafla
færi að framleiða með fullum af-
köstum. Steingrímur ræddi einnig
um samgöngumál og sagði, að
aukin áhersla yrði lögð á bundið
slitlag á næstu árum.
Um efnahagsmál sagði Stein-
grímur, að menn yrðu að gera sér
ljóst, að ef ekki næðist samstaða
um niðurtalningarleiðina gegn
verðbólgunni og árangur næðist
ekki, þá væri eins víst að leiftur-
sóknin yrði næst á dagskrá og í
kjölfar hennar yrði gífurleg röskun,
bæði atvinnuleysi og byggðarösk-
un.
I opnu aukablaðs, sem fylgir
Degi í dag, birtist stjórnmálaálykt-
un, sem samþykkt var á miðstjórn-
arfundinum. Þar er einnig birt
ítarleg ályktun fundarins um orku-
mál.
Þetta er blárefur — einn af mörgum sem nú eru geymdir f
búri í refabúinu að Lómatjörn f Grýtubakkahreppi. Bláref-
urinn er fallegt dýr og feldur hans eftir sóttur af glæsikon-
um, en það er ekki á færi hvers og eins að kaupa kápu úr
bláref. Gert er ráð fyrir að fyrsta blárefslæðan að Lóma-
tjöm gjóti um 20. maí. Það er vissulega atburður sem
markar tímamót — flest bendir til að hér sé um arðvænlega
búgrein að ræða. Mynd:áþ
FÍSKELDI í ATHUGUN
Fiskeldi hefur verið mikið í um-
ræðu hér á landi undanfarið eins
og kunnugt er, og má telja lík-
Iegt að þar sé um framtíðarat-
vinnuveg fyrir okkur að ræða. í
ljósi þessa hefur þótt eðlilegt að
samvinnuhreyfingin kannaði
það, hvort hún, og þá hvernig,
geti tekið þátt í undirbúningi og
uppbyggingu á slfkri starfsemi.
Af þeim sökum hefur fram-
kvæmdastjórn Sambandsins nú
falið tveimur mönnum að kanna
þetta mál. Eru það þeir Magnús G.
Friðgeirsson sölustjóri hjá Sjávar-
afurðadeild og Axel Gíslason frkv.-
stj. Skipadeildar. Eiga þeir að safna
upplýsingum þar að lútandi og
leggja tillögur fyrir framkvæmda-
stjóm. Hafa þeir nú snúið sér til
allra sambandskaupfélaga og allra
fiskvinnslustöðva á vegum sam-
vinnuhreyfingarinnar og leitað eft-
ir upplýsingum um áhuga þessara
aðila og annað það er málið varðar.
í sambandi við þetta mál er m.a.
bent á það að við skoðun á norsk-
um fréttum um fiskeldi kemur í ljós
að Norðmenn hafa fengið svipað
markaðsverðmæti fyrir 6.800 lestir
af laxi og silungi og fslendingar
fengu fyrir allt loðnumjöl sem þeir
framleiddu á árinu 1979. Það voru
um 161.250 lestir, sem framleiddar
voru úr um það bil einni milljón
lesta af loðnu. Það fer því ekki á
milli mála að hér getur orðið um
verulega vermætasköpun að ræða:
Aukablað
Blaðinu í dag fylgir 8 síðna
aukablað, þar sem meðal
annars er að finna ályktanir
aðalfundar miðstjórnar
Framsóknarflokksins, 1. maí
ávarp verkalýðsfélaga á Ak-
ureyri, viðtal Erlings Davíðs-
sonar, fyrrv. ritstjóra, við Jón
Bjamason frá Garðsvík, auk
fleira efnis. Dagur kemur
næst út þriðjudaginn 6. maí.
Áhrif auglýsinga Dags
Það er ekki ofsögum sagt af
áhrifamætti smáauglýsinga
Dags. í síðasta tölublaði,
þriðjudaginn 22. apríl, var aug-
lýst eftir grábröndóttum ketti,
sem hafði verið týndur frá
fimmtudeginum áður. Síðast
hafði sést til hans í Ránargötu,
en heimilisfesti hans er í Norð-
urgötunni.
Dagur var ekki fyrr kominn út
áðumefndar þriðjudag, en hávært
mjálm heyrðist fyrir utan skrifstof-
ur blaðsins. Kattarvæl er heldur
óvenjulegt í nágrenni Dags, þar
sem algengara er að heyra töffar-
ana þenja bílvélar, til að heilla
væntanlega kaupendur notaðra
bíla, sem seldir eru á bílasölu í
Brandur á rítstjóm Dags. Mynd: á.þ.
nágrenninu. Blaðamanni var því
litið út um glugga, og viti menn, sá
bröndótti stóð úti fyrir og krafðist
inngöngu með það sama. Eftir að
hafa kynnt sér blaðaútgáfu fór
Brandur síðan til heimkynna sinna
í Norðurgötunni, þar sem honum
var vel fagnað og gefið nýsoðinn
silungur í tilefni dagsins. Stungið
var upp á því við eigendur, að
kötturinn yrði hér eftir kallaður
Dagbrandur. Var það tekið til at-
hugunar.
Dettur mönnum helst í hug að sá
bröndótti hafi litið í smáauglýsing-
ar Dags og séð auglýst éftir sér - eða
hvað heldur þú lesandi góður?
'í
Ungffrú Akureyri
Svanfríður Birgisdóttir, 18
ára nemi við Menntaskólann
á Akureyri, var kjörin ungfrú
Akureyri i Sjálfstæðishúsinu
á föstudaginn.
Svanfríður verður því meðal
12 keppenda um titilinn Ungfrú
Island. Björg Gísladóttir, ung-
frú Akureyri 1979, krýndi arf-
taka sinn, en Björg fer til
Lundúna á þessu ári og tekur
þátt í Miss Wold-keppninni.
Opið hús í
Gróðrarstöðinni
Fyrirhugað er að hafa opið hús i
Gróðrarstöðinni einu sinni í vjku
í vor. Verður það á fimmtudags-
kvöldum frá klukkan 8.30 til 10.
Fyrsta opna húsið verður n.k.
fimmtudagskvöld (1. maí) og það
síðasta 12. júní. Gestir geta m.a.
litið í garðyrkjubækur, skoðað
plöntulista frá gróðrarstöðvum og
fleira. Þetta er tilvalið tækifæri
fyrir allt áhugafólk um garðyrkju
að hittast og ræða áhugamál sitt
Baggabönd
Bændur athugið. Vistfólkið í
Skjaldarvík óskar eftir að fá
baggabönd ef menn eiga hægt
með að láta þau af hendi. Úr
baggaböndunum eru búin til
spyrðubönd. Móttaka er í
bögglageymslu KEA.
Ljósmynda sýning
Ljósmyndasýning Svavars A.
Jónssonar, Amar Inga og Ingólfs
Klausen stendur nú yfir í stúdíói
Amars Inga að Klettagerði 6. 40
myndir eru á sýningunni og eru
allar til sölu. Hún er opin kl.
16-18 og 20-22 nema hvað opn-
unartíminn er frá kl. 15-18 um
helgina. Sýningunni lýkur á
sunnudag.
Deild AA-
samtakanna
á Dalvík
Nýlega var stofnuð deild AA-
samtakanna á Dalvik. Fyrst um
sinn verða fundir haldnir í
Jónínubúð, húsnæði Slysavarn-
arfélagsins, á hverjum sunnudegi
milliklukkan 10 og 12.
Amtsbókasafnið
í sumar verður reynd sú breyting
á þjónustu Amtsbókasafnsins að
safnið verður opið til kl. 9 e.h. á
miðvikudögum.
Er þetta gert vegna þeirra sem
erfitt eiga með að sækja safnið á
venjulegum opnunartíma, sem er
frá kl. 1-7 síðdegis.
Safnið verður lokað á laugar-
dögum, eins og venja er á sumrin.