Dagur - 19.04.1988, Blaðsíða 1

Sauðárkrókur:
Vatnsskortur yfiwofandi
í Hlíðarhverfi
„Við vonum svo sannarlega að
það hláni á næstu dögum, því
við erum alveg á ystu nöf með
kalda vatnið í Hlíðarhveríi,“
sagði Páll Pálsson veitustjóri á
Sauðárkróki. í gær var þeim
tilmælum beint til íbúa þar, að
þeir spöruðu vatnið vegna yfir-
vofandi vatnsskorts.
Að sögn Páls hefur vatnið frá
Molduxaveitunni minnkað mjög
mikið núna síðustu 10 dagana og
hefur það aldrei verið jafnlítið
sfðan virkjað var árið 1980. Auk
Hlíðarhverfis fær sjúkrahúsið
vatn frá veitunni. Sagði Páll að
útlitið væri ekki gott, en þó ætti
þetta að bjargast ef fólk sparar
við sig vatnið eins og frekast er
kostur.
í sumar verður ráðin frekari
bót á neysluvatnsöflun til bæjar-
ins þegar ráðist verður í virkjun í
landi Gils í Staðarhreppi, liðlega
5 kílómetra frá bænum. Með því
ætti neysluvatnsmálum Sauðár-
króks að vera borgið um næstu
framtíð. -þá
Alþingi:
Bjórinn samþykktur
í neðri deild
- tillaga um þjóðaratkvæði felld 19:18
Bjórfrumvarpið margfræga var
samþykkt í neðri deild í gær
með 23 atkvæðum gegn 17.
Allar breytingartillögur, utan
ein, við frumvarpið, þar á
meðal tillaga um þjóðarat-
kvæði, voru felldar. Nú fer
málið til efri deildar og má
búast við hörðum umræðum
um bjórinn þar.
Ragnar Arnalds (G), einn af
stuðningsmönnum frumvarpsins
var þokkalega ánægður með
þessa niðurstöðu: „Það hefur
alltaf verið skoðun mín að fáran-
legt sé að taka út eina tegund af
áfengi og banna hana. Því fagna
ég þessari niðurstöðu. Hins vegar
finnst mér rétt að í slíku deilu-
máli fái þjóðin að segja sitt álit,
en það var því miður fellt.“
Steingrímur J. Sigfússon (G),
sem greiddi atkvæði á móti frum-
varpinu, var ekki eins ánægður:
„Ég skil vel þann vilja að leyfa
bjórinn en ég er ekki sáttur við
þessa málsmeðferð. Allar hliðar-
ráðstafanir til að reyna að draga
úr áhrifum þessa aukna áfengis-
magns í umferð voru felldar.
Greinilegt er að bjórsinnar liafa
stillt sína strengi og ætla sér að
keyra frumvarpið í gegn án nokk-
Verslunarfólk:
Árangurslaus
sáttafundur
Fundur ríkissáttasemjara með
verslunarmönnum og viðsemj-
endum þeirra í gær var árang-
urslaus og ekki hefur verið
ákveðið hvenær næsti fundur
verður haldinn.
Allsherjarverkfall verslunar-
fólks skellur á næstkomandi
föstudag hafi samningar ekki tek-
ist og raunar má segja að verk-
fallið hafi áhrif strax á morgun
því frídagur er á fimmtudaginn,
sumardaginn fyrsta. í ljósi þess-
ara tíðinda má búast við að ys og
þys verði í verslunum í dag og á
morgun. SS
urra varnarráðstafana. Þeim sem
vildu fara einhvern milliveg hefur
verið stillt upp við vegg og því má
búast við hörðum umræðum í efri
deild um þetta mál.“
Tillagan um þjóðaratkvæði var
felld með einungis einu atkvæði
19:18. Eina breytingartillagan
sem samþykkt var fjallar um
aukna fræðslu um áfengi og áhrif
þess.
Bjórfrumvarpið fer nú til efri
deildar og þar fara fram þrjár
umræður um málið. Síðast þegar
bjórfrumvarp kom til kasta
Alþingis stoppaði það einmitt í
efri deild á deilum um þjóðarat-
kvæði. Það er því líklegt að bjór-
andstæðingar reyna svipaða
málsmeðferð til að hindra að
frumvarpið verði að lögum. AP
Ekki er ráð nema í tíma sé tekið. Steindór Gunnarsson hreinsar snjó af þaki
Hamborgar. Mynd: tlv
Fiskmarkaður
Norðurlands:
Stærsta
uppboöið
frá
upphafi
- 50 tonn boðin upp
í síðustu viku
„vegna brælu“
Þótt starfsemi Fiskmarkaöar
Noröurlands hafi nær alveg
legið niðri síðustu vikurnar þá
rættist heldur úr í síðustu viku
þegar seld voru um 50 tonn af
þorski úr tveimur togurum. Á
fimmtudaginn voru seld tæp 30
tonn og er það mesta magn
sem selt hefur verið á einum
degi frá því markaöurinn tók
til starfa.
Uppboðin fóru fram á miðviku-
dag og fimmtudag og kornu ekki
til af góðu. Á miðvikudag voru
boðin upp 20 tonn úr togaranum
Þorsteini sem fyrr í vikunni kom
til hafnar eftir hrakningar í
hafís. Á fimrntudaginn var svo
um að ræða 30 tonn af þorski úr
togaranum Súlnafelli frá Þórs-
höfn en til Akureyrar kom skipið
vegna veðurs og vegna þess að
það þurfti að fara í slipp.
Fyrir fiskinn úr Þorsteini
fékkst þokkalegt verð og gott
verð fyrir afla Súlnafells eða tæp-
ar 43 krónur að meðaltali. „Ég er
ánægður með þetta verð. Þarna
sér maður greinilega þann mun
sem er á því verði sem tíðkast
víðast hvar og því sem fæst á
mörkuðunum," sagði Grétar
Friðriksson útgerðarstjóri Súlna-
fells í samtali við Dag. ET
Deilur um skömmtun á heitu vatni til Bjarkar í Ongulsstaðahreppi:
Verður málinu enn á ný
vísað til dómstóla?
Útlit er fyrir að 9 ára ganialt
dcilumál vegna borana Hita-
veitu Akureyrar í landi
Bjarkar í Öngulsstaðahreppi
fari á ný fyrir dómstóla en nú
þegar hefur málið farið fyrir
héraðsdóm og þaðan fyrir
Hæstarétt. Deila þessi snýst
um skömmtun á heitu vatni
til jarðarinnar Bjarkar en fyr-
ir stuttu var tekið fyrir í stjórn
veitustofnana Akureyrarbæj-
ar bréf frá lögmanni fyrrver-
andi eiganda Bjarkar þar sem
farið er fram á skaðabætur.
Stjórn veitustofnana féllst
ekki á þau sjónarmið sem
fram komu í bréfinu og hug-
leiðir Þorkell St. Ellertsson,
fyrrverandi eigandi Bjarkar,
að sækja málið á ný fyrir
dómstólum.
Þorkell St. Ellertsson keypti
jörðina Björk árið 1976 og
hugðist hefja þar garðávaxta-
rækt og nýta til þess volgt vatn í
lindum í landi jarðarinnar.
Stuttu síðar óskaði Hitaveita
Akureyrar eftir að fá að bora á
landamerkjum Bjarkar og Ytri-
Tjarna og gerður var samningur
um borunina þar sem sagði að
ef heitt vatn fyndist þá skyldi
hitaveitan leggja heitavatns-
leiðslu heim að Björk og sam-
kvæmt samningnum átti Björk
að fá vatnsmagn sem svaraði til
0,5 sekúndulítra af 90 gráðu
heitu vatni. Þorkell Ellertsson
segir að aldrei hafi jörðin fengið
svo mikið vatn né svo heitt,
þrátt fyrir samninginn.
Um þetta atriði risu fljótt
deilur og málið fór fyrir héraðs-
dóm á Akureyri. Þar féll dómur
þannig að Hitaveita Akureyrar
hafi staðið við sínar skuldbind-
ingar samkvæmt samningi.
Forsendur dómsins voru þær að
þar sem holurnar sem boraðar
voru á þessu svæði séu ekki all-
ar í landi Bjarkar þá sé það
vatnsmagn sem veitt er til jarð-
arinnar í samræmi við það sem
fáist úr landi hennar. Þessum
dómi áfrýjaði Þorkell til Hæsta-
réttar og óskaði jafnframt eftir
mati sérfræðinga á þessum for-
sendum. Dómur Hæstaréttar
féll þannig að þrátt fyrir að ekki
séu allar borholurnar í landi
Bjarkar þá komi heita vatnið úr
vatnsæðum í landi jarðarinnar.
Samkvæmt þessu hafi ekki verið
staðið við samning.
Þorkell Ellertsson segir í
samtali við Dag að hann telji
Hitaveitu Akureyrar hafa selt
heitt vatn á fullu verði til neyt-
enda, vatn sem með réttu hafi
verið eign Bjarkar. Krafa hans
sé því sú að Hitaveitan greiði
skaðabætur vegna þess vatns
sem Björk hafi aldrei fengið á
þessu 9 ára tímabili.
„Þetta mál tók mig 8 ár í
dómskerfinu. Ég reikna með að
ef það sem kemur fram í bókun
stjórnar veitustofnana er af-
staða þeirra gagnvart kröfu
minni þá verði látið á það reyna
fyrir dómstólum hvort eðlilegt
sé að Hitaveita Akureyrar geti
haldið eftir meirihluta af því
vatni sem átti að fara til
Bjarkar. Hæstiréttur hefur
dæmt samning um þetta atriði
gildan og samkvæmt honum
hefði Hitaveitan átt frá upphafi
að afhenda mun meira vatn til
Bjarkar," segir Þorkell Ellerts-
son. JÓH