Alþýðublaðið - 14.12.1983, Blaðsíða 1
Miðvikudagur 14. desember 1983
209. tbl. 64. árg.
Halldór Ásgrímsson sjávarútvegsráðherra
Alþingi getur
breytt lögum
„Auðvitað sjá menn fyrir marg-
vísleg vandamál varðandi fram-
kvæmd þessara laga um veiðar í
fiskveiðilandhelginni, en ég tel
nokkuð langsótt að ráðhera fari að
starfa gegn meirihlutavilja Alþing-
is. Þessi lög eiga að gilda til eins árs
og Alþingi getur alltaf breytt þeim
ef svo ber undir. Siðan er þess að
geta að í frumvarpinu segir að sam-
ráð skuli haft við sjávarútvegs-
nef ndir Alþingis og ef þær sætta sig
ekki við framkvæmdina geta þær
haft frumkvæði að breytingum‘,‘
sagði Halldór Ásgrímsson sjávar-
útvegsráðherra, er Alþýðublaðið
innti hann álits á því að menn ótt-
uðust það mikla vald sem hann öðl-
Góðar undirtektir:
Bjartsýnn á
að takmark-
ið náist
— segir Guðmundur
Einarsson fram-
kvæmdastjóri Hjálp-
arstofnunar
„Við finnum, að það er greinilega
mikill áhugi hjá fólki á þessari söfn-
un nú og það undirstrikar það, sem
við höfum reyndar fundið undan-
farin jól, að fólki finnst þetta vera
orðinn sjálfsagður hluti af undir-
búningi jólahátíðarinnar,“ sagði
Guðmundur Einarsson hjá Hjálp-
arstofnun kirkjunnar, þegar Al-
þýðublaðið spurði hann í gær,
hvernig jólasöfnun Hjálparstofn-
unar miðaði. Takmarkið með söfn-
uninni að þessu sinni er að ná inn
nægu fé til að senda eina milljón
matarskammta til þurrkasvæðanna
í Afríku, þar sem milljónir manna
lifa á sultarmörkum. „Við erum
bjartsýnirá að þetta takmark náist
en til þess að svo verði, þarf hver
fimm manna fjölskylda að leggja
fram eitthundrað krónur.
Guðmundur Einarsson sagði, að
það hefði mælst mjög vel fyrir, að
peningarnir yrðu notaðir til að
kaupa íslenskar afurðir: fisk-
skammta, sem reynslan hefði sýnt
að skiluðu undraverðum árangri í
baráttunni við hungrið. En hve
mörgum getur þessi aðstoð frá ís-
landi komið til hjálpar?
„Það er erfitt um það að segja
nákvæmlega; við gerum ekki áætl-
anir um dreifingu fyrr en útkoma úr
Framhald á 2. síðu
ast ef frumvarpið um fiskveiðarnar
verður samþykkt.
Aðspurður um það atriði, að
ekki væri fyrir hendi stefnumörkun
um hvernig framkvæma ætti þessi
lög, hvernig úthlutun kvóta ætti að
fara fram o.s. frv. sagði Halldór að
Framhald á 3. síðu
Frumvarpið um veiðar í fiskveiðilandhelginni:
Engin stefnumörk-
un fyrir hendi
„Ég tel rétt að stefna að því að
allar veiðar verði leyfisbundnar
og að eins og aðstæður eru þá
verði innifalið einhvcrs konar
kvótafyrirkomulag. Hins vegar er
þetta frumvarp sjávarútvegsráð-
herra mjög sérkennilegt að gert er
ráð fyrir því að ráðherra fái nán-
ast fulla heimild til úthlutunar án
þess að fram hafi komið stefnu-
mótun um hvernig eigi á annað
borð að gera það“, sagði Kjartan
Jóhannsson, formaður Alþýðu-
flokksins, þegar Alþýðublaðið
leitaði álits hans á frumvarpi
sjávarútvegsráðherra og ríkis-
stjórnarinnar um breytingu á lög-
um um veiðar í fiskveiðilandhelgi
íslands.
„Ég tel það mjög óeðlilegt að
alþingi framselji svona mikið vald
Kjartan Jóhannsson: Meðan eng-
in stefnumörkun er fyrir hendi er
hœtta á því að ráðherra nýti sér
slíka heimild að eigin geðþótta,
jafnvel þvert gegn meirihlutavilj-
anum.
án þess að til stefnumörkunar
hafi komið um það hvernig slík
heimild verður notuð, annað
hvort í lagatextanum sjálfum eða
þá í sérstakri þingsályktunartil-
lögu. Auk þess sem ætla verður
sjávarútvegsnefndum alþingis
sérstakt eftirlit með þessu, en það
kemur til skoðunar.
„Þetta er geysilega viðamikið
og mikilvægt mál og okkur er ætl-
aður mjög naumur tími til að
fjalla um það. Framkvæmdin
sjálf skiptir auðvitað öllu máli og
því óheppilegt mjög þegar hug-
myndir vantar um það hvernig á
að framkvæma þetta. Það er
nefnilega hætta fólgin í því að
ráðherra geti notað þetta svigrúm
eftir eigin geðþótta, jafnvel þvert
Framhald á 3. síðu
Verkalýðshreyfingin að guggna á kröfunni um 15 þús.kr. lágmarkslaun?
„Krafan um 15 þúsund króna
lágmarkslaun fyrir dagvinnu:
Verkalýðsforingjar telja hana nú ó-
framkvæmanlega" Þannig hljóð-
aði fyrirsögn fréttar Tímans í gær
þess efnis að ýmsir verkalýðsfor-
ingjar sem blaðið átti tal við teldu
að samningur til bráðabirgða um
hækkun lágmarkslauna fyrir dag-
vinnu sé óframkvæmanlegur í raun.
Hefur blaðið eftir Ásmundi
Stefánssyni, forseta ASÍ, að stóra
vandamálið væri að taxtar myndu
renna saman og að verkalýðshreyf-
ingin gæti staðið frammi fyrir því
að yfirvinnuálag hjá stórum hópum
myndi lækka mjög. Þá vitnar Tím-
inn í Þóru Hjaltadóttur, forseta Al-
þýðusambands Norðurlands, og
Jón Agnar Eggertsson, formann
Verkalýðsfélags Borgarness (bæði
eru þau framsóknarmenn) um að
þessi leið væri ófær af ýmsum or-
sökum, t.d. yrði erfitt að hemja að
hækkun sem þessi færi upp eftir
öllum launastigum.
Alþýðublaðið leitaði í gær álits
nokkurra forystumanna úr verka-
lýðshreyfingunni um þennan frétta-
flutning.
Asmundur Stefánsson. forseti AST:_
Framkvæmdaerfiðleikar -
en úrlausn þolir ekki bið
„Það hefur væntanlega öllum
verið Ijóst þegar þessi krafa um 15
þúsund króna lágmarkslaun var
samþykkt á Verkamannasam-
bandsþinginu á sínum tima að það
eru ákaflega margir framkvæmda-
erfiðleikar i sambandi við þessa
kröfu, ef hún á að standa til ein-
hvers lengri tima. En þá er hins aö
geta að í þeirri kröfugerð sem við
setjum fram, þá er um tímabundinn
samning að ræða, bráðabirgða-
samning sem við teljum að sé nauð-
synlegur vegna þess að staða þeirra
sem verst eru staddir, neyðin hjá
þessu fólki er orðin slík að það þolir
enga bið að veita því einhverja úr-
lausn“, sagði Ásmundur Stefáns-
son, forseti ASÍ,þegar Alþýðublað-
ið leitaði álits hans á þeim fréttum
Framhald á 3. síðu.
Ekki heyrt
slíkar raddir
„Við hjá Verkamannsambandinu
munum standa mjög fast á þessari
kröfu, við teljum það forgangs-
atriði að hækka við þá sem eru
lægst launaðir og við munum berj-
ast fyrir þvi í gegnum þykkt og
þunnt“, sagði Karl Steinar Guðna-
son, varaformaður Verkamanna-
sambands íslands,er Alþýðublaðið
ræddi við hann um frétt Timans
þess efnis að verkalýðsforystan
væri að guggna á kröfunni um 15
þúsund króna lágmarkslaun, þar
sem hún væri óframkvæmanleg.
Karl Steinar sagði að þessi frétta-
flutningur væri fleipur eitt.
„Það er aldeilis enginn hugur í þá
veru hjá okkur eða þeim félögum
Framhald á 3. síðu
Ragna Bergmann, formaður Framsóknar:
Höldum fast
yið þessa kröfu
„Mér finnst þetta vægast sagt
furðulegur fréttaflutningur hjá
Tímanum. Ég veit ekki annað en
Verkamannasamband íslands hafi
samþykkt 15.000 króna lágmarks-
laun sem meginatriði í komandi
samningum og verkakvennafélagið
Framsókn heldur fast við þá kröfu.
Við vitum vel umgallanaá þessari
kröfugerð, en hitt er aðalatriði að
það getur enginn lifaö á 10—12 þús-
und króna launum í dag og því
hljótum við að sameinast um að
hækka lægstu launin“. Þetta sagði
Ragna Bergmann, formaöur verka-
kvennafélagsins Framsóknar,! gær,
er leitað var álits hennar á þeim
fréttum dagblaðsins Tímans í gær,
að margir verkalýðsforingjar teldu
kröfuna um 15.000 króna lág-
markslaun óframkvæmanlega. „Ég
kannast ekki við þetta sjónarmið".
sagði Ragna Bergmann.
„Það eru alveg hreinar línur í
kröfugerð Verkamannasambands-
Framhald á 3. síðu
Þórunn Valdimarsdóttir:_
Sjálfsögð og
nauðsynleg krafa
„Nei, ég hef ekki orðiö vör við
neitt slíkt, krafan um 15 þúsund
króna lágmarkslaun er alveg sjálf-
sögð og nauðsynleg. Þessu mark-
miði hefðum við þurft að ná fyrir
nóvember til að ná skammtíma-
samningi um þetta til 1. febrúar. Ég
hef talið þetta vera hina réttu leið til
að ná fram smá lyftingu á þeirri
hörmung sem laun láglaunafólks
eru“ sagði Þórunn Valdimarsdóttir
er blaðamaður Alþýðublaðsins
ræddi við hana á sambandsstjórn-
arfundi ASÍ í gær um fréttaflutning
Tímans.
Þórunn sagði kröfuna um 15
þúsund króna lágmarkslaun vera
Framhald á 2. síðu