Fréttablaðið - 13.03.2003, Page 6

Veistusvarið?
6 13. mars 2003 FIMMTUDAGUR
1Skipstjóri Bjarma BA frá Tálknafirðihefur verið ákærður fyrir að fleygja
fiski aftur í sjóinn í nóvember 2001. Hvað
heitir skipstjórinn?
2Samingaviðræður um ríkjabandalagtveggja þjóða á eynni Kýpur eru farn-
ar út um þúfur. Hvaða tvær þjóðir fara
með yfirráðin á eynni?
3Sigurjón Kjartansson og GunnarHjálmarsson eru umsjónarmenn nýs
morgunþáttar sem farinn er í loftið á
gamla X-inu 97,7. Hvað heitir þátturinn?
Svörin eru á bls. 22
MALTA Þó að innganga Möltu í Evr-
ópusambandið hafi hlotið fylgi
meirihluta landsmanna í þjóðar-
atkvæðagreiðslu
nú á dögunum ríkir
enn talsverð óvissa
um framhald mála.
Ljóst þykir að ekki
er einhugur um
málið meðal þjóð-
arinnar og hefur
þegar verið boðað
til þingkosninga
þar sem það mun
endanlega ráðast
hvort aðild landsins að samband-
inu verður að veruleika.
Þjóðarflokkurinn, sem nú er
við völd, hefur barist ákaft fyrir
aðild Möltu að Evrópusambandið
og unnið markvisst að því að fá
þjóðina á sitt band. Verkamanna-
flokkurinn, sem er í stjórnarand-
stöðu, hefur aftur á móti lagst al-
farið gegn inngöngu landsins í
sambandið, einkum á þeim for-
sendum að hún muni leiða af sér
atvinnuleysi í landinu og yfir-
drottnun stærstu aðildarríkj-
anna, að því er fram kemur á
fréttavef BBC.
En raddir fylgismanna aðild-
ar eru ekki síður háværar. Á
meðal röksemda þeirra er sú
aukna landkynning sem líklegt
er að fylgi aðild að Evrópusam-
bandinu og jafnframt sú hag-
ræðing sem upptaka evrunnar
mun hafa í för með sér fyrir
ferðaþjónustu í landinu. Ferða-
þjónusta er einhver mikilvæg-
asta atvinnugrein landsins og
gefur hún af sér stóran hluta
gjaldeyristekna þjóðarinnar. Það
kemur því varla á óvart að með-
al helstu stuðningsmanna aðild-
ar eru hóteleigendur og veit-
ingamenn.
Íbúar Möltu eru aðeins um
380.000 talsins og því liggur fyr-
ir að þjóðin verður sú langfá-
mennasta í Evrópusambandinu
ef inngangan verður að veru-
leika. Þetta hafa verið einhver
helstu rök fylgismanna jafnt
sem andstæðinga aðildar. Leið-
togi Verkamannaflokksins telur
víst að minni aðildarríkin verði
tilneydd til þess að hanga í
jakkalafi stærstu ríkjanna. Enn
fremur óttast hann að straumur
ódýrs vinnuafls frá Austur-Evr-
ópu muni hafa í för með sér al-
varlegar afleiðingar fyrir vinnu-
markaðinn í landinu. Hann telur
því vænlegri kost að Malta verði
eins konar „Sviss Miðjarðar-
hafsins“, með frjáls og óháð við-
skiptatengsl við lönd Evrópu-
sambandsins jafnt sem Norður-
Afríku.
Á hinn bóginn er öllum ljóst
að Malta er talsvert fámennara
og fátækara land en Sviss og því
erfitt að þurfa að sjá á bak fjár-
hagslegri aðstoð upp á tugi millj-
arða króna frá Evrópusamband-
inu. ■
SIGURVISSIR
Stuðningsmenn aðildar Möltu að Evrópusambandinu fögnuðu ákaft þegar úrslit þjóðaratkvæðagreiðslunnar lágu fyrir. Enn á þó mikið
vatn eftir að renna til sjávar áður en sigurinn er í höfn. Boðað hefur verið til þingkosninga í apríl þar sem tekist verður á um málið á ný.
Atvinnuleysi eða
auknar tekjur?
Enn ríkir talsverð óvissa um inngöngu Möltu í Evrópusambandið.
Stjórnmálaflokkar keppast um að koma sjónarmiðum sínum á framfæri
og færa rök fyrir afstöðu sinni í von um að vinna þjóðina á sitt band.
■
Leiðtogi Verka-
mannaflokksins
telur víst að
minni aðildar-
ríkin verði til-
neydd til þess
að hanga í
jakkalafi
stærstu ríkj-
anna.
Mörkinni 6 • Sími: 588-2061 • sala@bodeind.is
Kr. 134.900,-
BOÐEIND
w w w . b o d e i n d . i s
Vanda›ur og hljó›látur turnkassi frá Antec. Asus mó›urbor›
me› öllu flví n‡jasta sem flarf í leikina og skólaverkefnin!
AMD-XP-2400 MHz örgjörvi
256Mb DDR minni
60Gb har›ur diskur
DVD geisladrif
Flottur 17” ViewSonic skjár
Grí›arlega öflugt
skjákort: Asus V9180
AGP8X, DDR 64MB,
Geforce4, VGA, DVI,
2nd VGA og Video út
Microsoft XP Home
st‡rikerfi
AMD-XP-2400MHz
ára ábyrgð
SH
S
29
11
-2
00
3
TRÚMÁL Ásatrúarsöfnuðurinn hef-
ur lýst yfir stuðningi við Fríkirkj-
una og prest hennar í baráttunni
við þjóðkirkjuna um fermingar-
börn og aðra mismunun sem
frjáls trúfélög telja sig búa við:
„Við höfum sömu hagsmuna að
gæta og Fríkirkjan og því styðjum
við hana,“ segir Lára Jóna Þor-
steinsdóttir, lögsögumaður Ása-
trúarsafnaðarins. „Þá munum við
leita eftir samstarfi við Fríkirkj-
una og aðra í baráttunni fyrir að-
skilnaði ríkis og kirkju en aðgerð-
ir í þá veruna eru í undirbúningi,“
segir lögsögumaðurinn.
Fríkirkjupresturinn hefur sem
kunnugt er staðið í deilum við
ýmsa presta þjóðkirkjunnar
vegna fermingarbarna en Frí-
kirkjupresturinn fermir börn
ókeypis. Staðhæfði hann úr
predikunarstóli að prestar þjóð-
kirkjunnar reyndu að véla til sín
fermingarbörn utan þjóðkirkj-
unnar í sínar raðir í ferm-
ingarundirbúningi.
„Við verðum að stíga varlega
til jarðar í þessum málum og öðr-
um. Þjóðkirkjan hefur yfirburða-
stöðu á við önnur trúfélög og
verður að meta öll ágreiningsmál
í því ljósi,“ segir Kristján Valur
Ingólfsson á Biskupsstofu. ■
LÁRA JÓNA ÞORSTEINSDÓTTIR LÖGSÖGUMAÐUR
Hagsmunir ásatrúarmanna og Fríkirkjunnar fara saman.
Frjáls trúfélög og þjóðkirkjan:
Ásatrúarmenn styðja Fríkirkjuna
AÐALFUNDUR Breytingar urðu á
stjórn Flugleiða á aðalfundi fé-
lagsins. Jón Ásgeir Jóhannesson
og Einar Þór Sverrisson settust í
stjórn fyrir hönd fjárfestingarfé-
lagsins Gaums, sem er í eigu Bón-
usfjölskyldunnar. Úr stjórninni
fóru Birgir Rafn Jónsson og
Haukur Alfreðsson. Mikill við-
snúningur hefur orðið á rekstri
Flugleiða og skilaði félagið góðum
hagnaði síðasta ár.
Sigurður Helgason, forstjóri
félagsins, hefur um nokkurra ára
skeið verið með árangurstengdan
launasamning. Góð afkoma nú
skilar honum aukagreiðslu í
fyrsta sinn. Árslaun hans eru 18,7
milljónir. Við það bætast 3,8 millj-
ónir í kaupauka í ár. Lykilstarfs-
menn fyrirtækisins hafa einnig
gert kaupréttarsamninga á hluta-
fé í fyrirtækinu á genginu 1,8.
Gengi Flugleiða var um og undir
genginu 2 á þeim tíma sem samn-
ingarnir voru gerðir. Gengi bréfa
félagsins er nú þrefalt hærra.
Kaupréttur forstjóra nemur 13
milljónum að nafnverði. Miðað
við sölu nú myndi forstjórinn
hagnast um 45 milljónir. Sam-
kvæmt samningi verður hann að
eiga bréfin í tvö ár.
Á aðalfundinum kom fram að
vænta megi sviptinga í rekstri fé-
lagsins vegna yfirvofandi stríðs-
átaka í Írak. ■
GÓÐUR VÖXTUR
Undir stjórn Sigurðar Helgasonar hefur
orðið mikill rekstrarbati hjá Flugleiðum.
Sigurður uppsker nú kaupauka og hækk-
andi gengi hlutabréfa sinna í félaginu.
Gott ár að baki hjá Flugleiðum:
Fulltrúar Gaums setjast í stjórn
Atvinnuleysi:
Í jafnvægi
ATVINNA Rúmlega 4.000 manns eru
nú á skrá hjá Vinnumiðlun höfuð-
borgarsvæðisins:
„Það má líta svo á að það sé
jafnvægi í atvinnuleysinu. Miðað
við síðustu mánuði lítum við á það
sem góðar fréttir,“ segir Hugrún
Jóhannesdóttir, framkvæmda-
stjóri Vinnumiðlunar. „Atvinnu-
leysið jókst og jókst en nú er lát á.
Við erum bara bjartsýn.“ ■
HERSHÖFÐINGI
Noer Muis hershöfðingi var yfirmaður
indónesískra hersveita í Austur-Tímor þeg-
ar landið hlaut sjálfstæði árið 1999.
.
Mannréttindabrot í Aust-
ur-Tímor:
Hershöfð-
ingi dæmdur
INDÓNESÍA, AP Fyrrum yfirmaður í
indónesíska hernum hefur verið
dæmdur í fimm ára fangelsi fyrir
að stöðva ekki árásir á óbreytta
borgara í Austur-Tímor árið 1999.
Noer Muis er hæst settur af þeim
átján indónesísku ráðamönnum
og hermönnum sem færðir hafa
verið fyrir dóm vegna þátttöku
sinnar í blóðugum átökum sem
brutust út í Austur-Tímor um það
leyti sem landið hlaut sjálfstæði
frá Indónesíu.
Komið hefur verið á fót sér-
stökum mannréttindadómstól í
Jakarta til þess að rétta yfir
Indónesunum. Hefur dómstóllinn
nú þegar sýknað tólf hinna
ákærðu en fjórir hafa verið
fundnir sekir og dæmdir í þriggja
til tíu ára fangelsi. ■
Þrjú börn í Texas:
Myrt og
limlest
TEXAS, AP Mikinn óhug setti að íbú-
um Brownsville í Texas þegar lim-
lest lík þriggja ungra barna fund-
ust í lítilli íbúð í bænum. Yngsta
barnið, sem var eins árs gamall
drengur, fannst liggjandi í rúmi
og hafði höfuð hans verið skorið
af. Lík hinna barnanna tveggja
lágu í plastpokum á gólfinu.
Foreldrar barnanna hafa verið
færðir til yfirheyrslu en rannsókn
málsins er enn á byrjunarstigi.
Nákvæm dánarorsök liggur ekki
fyrir að svo stöddu. Þá er enn sem
komið er óljóst hvort börnin voru
myrt í íbúðinni eða líkin flutt
þangað síðar. ■
GENGI GJALDMIÐLA
Bandaríkjadalur 77.28 0.38%
Sterlingspund 124.63 1.10%
Dönsk króna 11.48 0.12%
Evra 85.22 0.14%
Gengisvístala krónu 122,05 0,13%
KAUPHÖLL ÍSLANDS
Fjöldi viðskipta 388
Velta 9.934 m
ICEX-15 1.382 0,0%
Mestu viðskipti
Fjárfestingarfé. Straumur hf. 324.497.637
Íslenski hugbúnaðarsj. hf. 229.720.672
Samherji hf. 75.573.251
Mesta hækkun
Íslenski hugbúnaðarsj. hf. 11,54%
Eimskipafélag Íslands hf. 2,52%
Íslandsbanki hf. 0,99%
Mesta lækkun
Líftæknisjóðurinn MP BIO hf. -9,09%
ACO-Tæknival hf. -5,00%
Flugleiðir hf. -3,57%
ERLENDAR VÍSITÖLUR
DJ*: 7440,6 -1,1%
Nasdaq*: 1257,9 -1,1%
FTSE: 3287,0 -4,8%
DAX: 2202,3 -4,5%
Nikkei: 7943,0 1,0%
S&P*: 790,7 -1,3%
*Bandarískar vísitölur kl. 17.00
Breytingar hjá
Kaupþingi:
Sigurður
stjórnarfor-
maður
VIÐSKIPTI Sigurður Einarsson, for-
stjóri Kaupþings, tekur við stjórn-
arformennsku af Guðmundi
Haukssyni, sparisjóðsstjóra
SPRON, í Kaupþingi. Sigurður
verður stjórnarformaður í fullu
starfi. Við starfi hans tekur
Hreiðar Már Sigurðsson aðstoðar-
forstjóri.
Umsvif Kaupþings hafa aukist
gríðarlega undanfarin ár. Velta fé-
lagsins hefur tvöfaldast árvisst.
Áhrif SPRON í Meiði, sem er
stærsti hluthafi Kaupþings, hafa
minnkað eftir að Bakkabræður
keyptu stóran hlut í fyrirtækinu. ■