Fréttablaðið - 27.05.2008, Blaðsíða 40
24 27. maí 2008 ÞRIÐJUDAGUR
Hljómsveitin Hitakútur hefur
gefið út sitt fyrsta lag, G-era. Um
er að ræða ekta sumarslagara sem
ætti að koma flestum í gott skap.
Söngvarinn Sigurjón Unnar
Sveinsson segir að viðbrögðin við
G-era hafi verið frábær og það
hafi komið þeim skemmtilega á
óvart. „Það er búið að spila það
eitthvað á Rás 2 og á Suðurland
FM og síðan er það komið í hend-
urnar á hinum útvarpsstöðunum.
Það kemur bara í ljós hvort þær
vilji spila það,“ segir hann og vonar
það besta. Lagið hefur jafnframt
verið fáanlegt ókeypis á síðunni
Tónlist.is.
Hitakútur er skipuð fjórum
ungum Hvergerðingum og einum
Selfyssingi og hefur sveitin spilað
víða síðustu ár. Fyrsta plata hennar
kemur út seinna á árinu og er nýja
lagið forsmekkurinn að því sem
koma skal. „Þetta verður konsept-
plata með heildarhugmynd. G-era
er eitt púsluspilið inn í þá heildar-
mynd sem verður máluð upp á
disknum,“ segir Sigurjón.
Sveitin spilar á hin ýmsu hjálpar-
tæki á plötunni, þar á meðal íbúfen-
glas. „Við erum að leika okkur í
stúdíóinu með alls konar hljóð og
það er rosalega flott sándið úr
íbúfen glasi,“ segir hann.
Nafnið Hitakútur er óvenjulegt
en Sigurjón hefur góða skýringu á
því: „Við vorum að taka upp efni
fyrir tíu árum, við tveir félagarnir,
og þá var allt í einu eitthvert suð í
upptökunum sem við föttuðum
ekki hvað var. Síðan kom í ljós að
þetta var suð úr hitakúti,“ segir
hann og bætir því við að nafnið
passi einstaklega vel fyrir ball-
hljómsveit sem sér um að kynda
upp í hverjum skemmtistaðnum á
fætur öðrum með spilamennsku
sinni. - fb
ÖSKUR BERA ENGAN
ÁRANGUR!
NÝTT Í BÍÓ!
SÍMI 462 3500
SÍMI 564 0000
12
14
7
INDIANA JONES 4 kl. 5.40 - 8 - 10.20
HAROLD & KUMAR ESCAPE FROM GB kl. 6 - 8
WHAT HAPPENS IN VEGAS kl. 10
12
12
INDIANA JONES 4 DOLBY DIGITAL kl. 5.20 - 8 - 10.40
INDIANA JONES 4 LÚXUS DOLBY D kl. 5.20 - 8 - 10.40
PROM NIGHT kl. 6 - 8 - 10
WHAT HAPPENS IN VEGAS kl. 5.45 - 8 - 10.15
MADE OF HONOUR kl. 8 - 10.15
SUPERHERO MOVIE kl. 4 - 6
BUBBI BYGGIR Í VILLTA VESTRINU kl. 4
HORTON kl. 4 ÍSLENSKT TAL
5%
5%
5%
FÆRÐ 5% ENDURGREITT EF ÞÚ BORGAR
BÍÓMIÐANN MEÐ KREDITKORTI
50 KR. AFSLÁTTUR EF ÞÚ
KAUPIR BÍÓMIÐANN Á
12
14
16
7
INDIANA JONES 4 kl. 6 - 8.30 - 11
PROM NIGHT kl. 6 - 8 - 10
WHAT HAPPENS IN VEGAS kl. 5.45 - 8 - 10.15
STREET KINGS kl. 10.30
BRÚÐGUMINN kl. 6 ÍSLENSKUR TEXTI
BEYOND THE VOID kl. 8
5%
SÍMI 551 9000
7
12
12
7
KICKIN ÍT OLD SKOOL kl.5.40 - 8 -10.20
HAROLD & KUMAR ESCAPE FROM GB kl.5.45 - 8 - 10.15
MADE OF HONOUR kl.5.50 - 8 - 10.10
21 kl. 8 - 10.30
BRÚÐGUMINN kl. 6 ENSKUR TEXTI
SÍMI 530 1919
FÓR BEINT Á TOPPINN Í
BANDARÍKJUNUM!
TILBOÐSVERÐ
GILDIR Á ALLAR SÝNINGAR
MERKTAR MEÐ RAUÐU
ÁLFABAKKA
KRINGLUNNI
AKUREYRI
KEFLAVÍK
SELFOSS
3-D DIGITAL
DIGITAL
DIGITAL
Abagil BRESLIN Jodie FOSTER Gerard BUTLER
FRÁBÆR
RÓMANTÍSK
ÖRLAGASAGA
TILNEFND TIL
GOLDEN GLOBE
VERÐLAUNA
ÁLFABAKKI
Florentino Ariza (Bardem) eyðir lunganum úr lífi sínu í að bíða eftir hinni
fögru Ferminu Daza (Mezzogiorno). Florentino fer frá konu til konu í
örvæntingafullri tilraun til að lækna sitt brotna hjarta á meðan Fermina
situr hamingjusöm í hjónasæng. Hversu lengi myndir þú bíða eftir ástinni?
einnig til á kilju
Rowald Harewood
Mike Newell
fyrir „The Pianist“
í leikstjórn
„Four weddings and a funeral“
„Donnie Brasco“
„Harry Potter“
eftir
„ÁSTIN Á TÍMUM KÓLERUNNAR“
INDIANA JONES 4 kl. 5:30D - 8D - 10:40D 12
INDIANA JONES 4 kl. 5:30 - 8 - 10:40 VIP
LOVE IN THE TIME OF... kl. 5:30 - 8 - 10:40 7
NEVER BACK DOWN kl. 8 - 10:30 14
NIM´S ISLAND kl. 5:30 L
IRON MAN kl. 5:30 - 8 - 10:30 12
DRILLBIT TAYLOR kl. 5:30 10
IN THE VALLEY OF ELAH kl. 8 16
THE HUNTING PARTY kl. 10:40 12
INDIANA JONES 4 kl. 6:30D - 9D - 10D 12
NEVER BACK DOWN kl. 11:30 14
NIM´S ISLAND kl. 6 - 8 L
U2 3D kl. 11:40/3D L
IRON MAN kl. 6:30 - 9 12
INDIANA JONES 4 kl. 8 - 10:30 12
MADE OF HONOR kl. 8 L
THE HUNTING PARTY kl. 10:10 12
IRON MAN kl. 5:40 12
NEVER BACK DOWN kl. 8 12
NIM´S ISLAND kl. 6 - 8 12
INDIANA JONES 4 kl. 8 - 10:30 12
DEFINETLY MAYBE kl. 8 L
SHINE A LIGHT kl. 10:30 L
- bara lúxus
Sími: 553 2075
INDIANA JONES 4 - POWER kl. 4.30, 7 og 10 12
HAROLD & KUMAR 2 kl. 4, 6, 8 og 10.10 12
FORGETTING SARAH MARSHALL kl. 8 og 10.10 12
SPIDERWICK CHRONICLES kl. 4 og 6 7
1/2
SV MBL
- V.J.V., Topp5.is / FBL
- Þ.Þ., DV
- J.I.S., film.is
- V.J.V., Topp5.is / FBL
1/2
SV MBL
Hitakútur með sumarslagara
HITAKÚTUR Hljómsveitin Hitakútur hefur gefið út sitt fyrsta lag, G-era.
Þá er hún komin, fyrsta plata
Bryndísar Jakobsdóttur, eða Dísu
eins og hún kýs að kalla sig. Dísa er
þrátt fyrir ungan aldur búin að vera
að vinna í tónlist í nokkur ár og hélt
m.a. fjölsótta tónleika á Nasa á Ice-
land Airwaves-hátíðinni 2006.
Platan er að mestu unnin með
breska lagasmiðnum og upptöku-
stjóranum Sam Frank, en hann
hefur áður gert plötur með söng-
konunum Siu Furler og Martinu
Topley-Bird auk þess að hafa unnið
með fjölda annarra tónlistarmanna
og að hafa gefið út eigin tónlist
undir listamannsnafninu The Hour.
Sam semur flest laganna á plötunni
með Dísu, þó ekki öll, smáskífulagið
Temptation er t.d. samið af Dísu og
Shelly Poole fyrrum liðskonu
Alisha’s Attic og tvö laganna eru
eftir Dísu eina, þ. á m. hið frábæra
Ljáðu mér eyra.
Eins og ferilskrá Sam Frank
gefur tilefni til að ætla er platan
svolítið trip-hop skotin, en hún er
samt fjölbreytt og hefur ferskan og
nútímalegan hljóm. Dísa er fín
söngkona og það hefur heppnast
vel að koma söngröddinni hennar á
band. Það eru mörg fín lög á plöt-
unni. Þar á meðal má nefna Temp-
tation, Excuses, Ljáðu mér eyra,
Back Home og Anniversary. Útsetn-
ingarnar eru líka skemmtilegar og
margt vel gert þar. Þetta er mikið
forrituð tónlist, en fyrrnefnt Ljáðu
mér eyra er tekið upp með hljóm-
sveitinni Shady og þar fer Davíð
Þór Jónsson á kostum á hammondið.
Lokalagið, Heyr mína bæn, er svo
flutt án undirleiks. Sú ákvörðun að
vera ekki að mæna of stíft á heild-
arsvipinn og láta bara allt flakka
með sem er gott hefur skilað fjöl-
breyttari og betri plötu heldur en
hún hefði orðið ef öll lögin væru
komin úr stúdíóinu hjá Sam Frank.
Á heildina litið er þetta býsna
sterk frumraun hjá Dísu. Hún hefur
greinilega mikla hæfileika og er
hér mætt með eina af bestu plötum
ársins til þessa.
Trausti Júlíusson
Sannfærandi frumsmíð
TÓNLIST
Dísa
Dísa
★★★★
Þessi fyrsta plata Dísu er mjög vel
heppnuð. Tónlistin er mikið unnin
og nútímaleg, en platan er líka bæði
fjölbreytt og persónuleg.
Kjartan Sveinsson, hljóm-
borðsleikari Sigur Rósar, og
Birgir Jón Birgisson, sem
rekur hljóðver sveitarinnar,
Sundlaugina, ætla að kaupa
hljóðverið af hinum með-
limum sveitarinnar.
„Þetta er allt í pípunum,“ segir
Birgir Jón. „Það er svolítið síðan
þetta kom upp. Hluti af kaupunum
yrðu í úttektum þannig að þeir
gætu haldið áfram að vinna þar að
einhverju leyti. Það er erfitt að fá
lán núna og ég er sjálfur að túra
svolítið mikið og síðan hafa strák-
arnir verið að túra þannig að þetta
hefur aðeins legið niðri,“ segir
Birgir, sem er hljóðmaður á tón-
leikaferð Mugison um Evrópu sem
stendur nú yfir.
Hentar báðum aðilum
Birgir telur að það myndi henta
bæði honum og hljómsveitinni vel
ef hljóðverið yrði selt. „Þeir þurfa
ekki að eiga þetta þannig séð, eins
og þeir hafa notað það,“ segir hann
og bætir við: „Þeir hafa forgang
inn og það er því erfitt að fara á
fullt með þetta á markað en það
ætti að vera auðveldara ef ég
kaupi þá út. Það verður enginn
ríkur á því að reka hljóðver en
þetta er þægileg innivinna.“
Gömul hugmynd
Georg Holm, bassaleikari Sigur
Rósar, segir að hugmyndin um að
selja hljóðverið hafi verið uppi í
tvö til þrjú ár án þess að eitthvað
hafi orðið úr henni. „Hljóðverið
var byggt sérstaklega þegar við
tókum upp svigaplötuna (sem kom
út 2002). Við höfum alltaf gaman
af því að prófa eitthvað nýtt en við
notum það kannski minna en við
höfðum búist við. Við tókum
reyndar upp Takk-plötuna þar líka
en við tókum nýju plötuna upp í
New York og kláruðum síðan í
öðrum stúdíóum.“
Ekki annað hljóðver
Georg segir að þeir félagar hafi
gaman af að prófa nýja upptöku-
staði enda mismunandi andrúms-
loft í kringum hverja plötu. „Það
er erfitt að vera alltaf á sama
staðnum. En annars er þetta fínt
stúdíó og rekur sig sjálft enda er
fullt af fólki að taka þar upp.“
Að sögn Georgs hefur sveitin ekki
í hyggju að kaupa sér annað hljóð-
ver. Frekar myndi hún festa kaup
á æfingahúsnæði en ekkert hefur
þó verið ákveðið í þeim efnum.
freyr@frettabladid.is
Sigur Rós selur Sundlaugina
SIGUR RÓS Á TÍMAMÓTUM Hljómsveitin Sigur Rós ætlar að selja hljóðverið sitt, Sundlaugina, sem er í Mosfellsbæ. Birgir Jón
Birgisson, sem rekið hefur Sundlaugina, og Kjartan Sveinsson hljómborðsleikari kaupa hljóðverið. FRÉTTABLAÐIÐ/HEIÐA.IS