Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Tķminn

og  
S M Þ M F F L
. . . 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 .
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |



Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Tķminn

						Fimmtudagur 23. júlí 1987
Tíminn   5
Jón Baldvin Hannibalsson fjármálaráðherra:
Vaxtahækkun á spariskírt-
einum skammtímaaðgerð
,Ef þessi ákvörðun um vaxta-
hækkun á spariskírteinum, sem í
raun hefur lítið gildi fyrir (netto)
tekjuöflun ríkissjóðs til skamms
tíma, þýðir þegar til lengri tíma er
litið stórhækkað vaxtastig og stór-
aukin útgjöld í vaxtamun fyrir
ríkið - sérstaklega er varðar lífeyr-
issjóðina í gegnum húsnæðislána-
kerfið - þá væri lítil skynsemi í
slíkri vaxtahækkun. Engu að síður
er það svo að ríkissjóður þarf á
peningum að halda núna, og vegna
aukinna innlausnarkrafna á spari-
skírteinum, sem fyrirsjáanlegar
eru á næstu árum, þá verður ekki
hjá því komist að hækka þessa
vexti," sagði Jón Baldvin Hanni-
balsson fjármálaráðherra við Tím-
ann í gær þegar hann var spurður
út í fyrirhugaða hækkun á vöxtum
spariskírteina ríkissjóðs.
Skammtímaaðgerð
Hins vegar minnti Jón Baldvin á
stefnuyfirlýsingu stjórnarinnar þar
sem segir að „ríkisstjórnin vilji
stefna að jákvæðum en hóflegum
raunvöxtum".    Fjármálaráðherra
sagði jafnframt: „En það er hægt
að hækka vextina með ýmsum
hætti. Það sem við erum að velta
fyrir okkur núna er hvernig þetta
verður gert með sem minnstum
langtímaáhrifum á vaxtastig -
þannig að þetta verði skammtíma-
aðgerð - og ekki skuldbindandi
fyrir ríkissjóð um hækkun vaxta til
lengri tíma."
Aðspurður um hvernig útfærslan
á slíkri vaxtahækkun yrði til þess
að ná fram þessum markmiðum
sagði fjármálaráðherra, „ég held
það væri ekki gott að fjölyrða um
slíkt fyrr en ákvörðunin hefur verið
tekin og það verður gert á næst-
unni."
Mismunandi vextir
Þrátt fyrir orð fjármálaráðherra
um að ekki sé gott að fjöíyrða um
hvernig vaxtahækkun á spariskírt-
einum geti komið til án þess að
hafa afgerandi áhrif á vaxtastig
almennt í landinu og sérstaklega á
þá vexti sem Húsnæðisstofnun þarf
að borga lífeyrissjóðunum, má
nefna   einföldustu   og  líklegustu
leiðina sem fyrir hendi er. Leiðin
er sú að gefa út marga flokka af
spariskírteinum með mismunandi
lánstíma og mismunandi vöxtum.
Tíminn hefur fyrir því heimildir að
þetta hafi verið til athugunar í
fjármálaráðuneytinu að undan-
förnu. Þau skírteini sem væru til
langs tíma, t.d. 25 ára bæru þá
hlutfallslega lægri vexti en skamm-
tímabréf sem bæru til þess að gera
háa vexti. Þetta yrði gert í þeirri
von að litið yrði á þessa háu vexti
sem skammtíma fyrirbæri, og þeir
vextir væru þar með ekki notaðir
sem viðmiðun við ákvörðun á vöxt-
um á langtíma skuldabréfum sem
lífeyrissjóðirnir kaupa af ríkinu
vegna húsnæðislánakerfisins.
Samningar við
lífeyrissjóði
Hvort lífeyrissjóðirnir eru til-
búnir til þess að semja á þessum
nótum, er hins vegar alls óvíst, en
eins og Tíminn hefur greint frá
hafa lífeyrissjóðirnir farið fram á
endurskoðun á lánakjörum fyrir
næsta ár á þeim lánum sem þeir
veita Húsnæðisstofnun. Hitt er
jafnframt ljóst að samningsstaðá
ríkissins er nokkuð góð því lífeyris-
sjóðirnir sem hafa yfir að ráða
verulegu fé þurfa að lána ríkinu
þar sem, þegar allt kemur til alls,
íslenski fjármagnsmarkaðurinn er
mjög lítill.
Vextir í dag
óeðlilega háir
Þessi leið til þess að hækka vexti
á spariskírteinum getur talist eðli-
leg, miðað við umsagnir margra
hagspekinga að undanförnu, um
að vextir séu nú of háir á íslandi
vegna spennu á fjármagnsmar-
kaðnum í tengslun við hallann á
ríkissjóði. Ætla má að þegar og ef,
það tekst að minnka þennan ríkis-
sjóðshalla og loks eyða honum
alveg muni komast á jafnvægi í
peningamálum sem leiði til miklu
lægri vaxta. Ótrúlegt er að hag-
vöxtur á fslandi verði meiri en ca
3-4% á ári og fjármagnsskuldbind-
ingar með á 7-9% raunvexti myndu
þá kollkeyra kerfið þegar til lengd-
ar léti. Því sé eðlilegt að langtíma-
lán beri vexti sem séu í samræmi
við slíkt langtímajafnvægi.
- BG
Þrír íslendingar í amfetamínmáli:
Teknir í Málm
ey og Kaup-
mannahöfn
Hluti af starfsfólki Vélaverkstæðis Sigurðar Sveinbjörnssonar.
Tfmamynd: Brein
Vélaverkstæði Sigurðar Sveinbjörnssonar:
Þrjátíu bátavindur
seldar á þessu ári
- 700 seldar frá upphafi starfsreksturs
„Við höfum aðeins haft óljósar
fregnir af þessu ennþá," sagði Reyn-
ir Kjartansson hjá ávana- og fíkni-
efnadeild lögreglunnar í gær um mál
íslendinga í Svíþjóð og Danmörku
sem viðriðnir eru amfetamínmál
þar. „Það er rétt að einn íslendingur
var handtekinn í Kaupmannahöfn á
mánudag með 1,3 kg af amfeta-
míni," sagði Reynir.
Um er að ræða 53 ára gamlan
karlmann sem hefur verið búsettur í
Kaupmannahöfn lengi. Hann hefur
ekki komið við sögu fíkniefnalög-
reglu hér á landi, en mun vera
þekktur hjá lögreglunni í Kaup-
mannahöfn. Hann hefur verið úr-
skurðaður í þrettán daga gæsluvarð-
hald meðan yfirheyrslur og rannsókn
fer fram. Talið er að mál Islendings-
ins tengist öðru fíkniefnamáli sem
kom upp f Málmey á þriðjudag,
enda skammt á milli Málmeyjar og
Kaupmannahafnar. Tveir íslending-
ar enn eru riðnir við það mál. Þeir
eru 44 og 24 ára gamlir og hafa
komið við sögu fíkniefnalögreglunn-
ar hér.
Reynir kvað dönsku lögregluna
ekki hafa beðið um aðstoð frá íslandi
við rannsókn málsins, aðra en þá að
fá upplýsingar um íslendingana sem
tengjast því, svo sem venja er.
Þj
Við Arnarvog í Garðabæ stend-
ur Vélaverkstæði Sigurðar Svein-
björnssonar sem framleiðir vindur
í togara. Fyrirtækið var stofnað
árið 1946 en var staðsett í Reykja-
vík fram til ársins 1969 þegar það
flutti í Garðabæinn. Fyrirtækið
hefur framleitt 700 vindur frá upp-
hafi, þar af hefur fyrirtækið afgreitt
30 vindur í ár. En eftirspurnin
hefur aukist mjög síðustu mánuð-
ina. Togarar þeir sem fyrirtækið
framleiðir vindur í eru ákaflega
mismunandi að stærð allt frá 20
tonna bátum upp í 350-400 tonna
skip og er togkraftur vindnanna frá
2 tonnum upp í 8 tonn. Fyrirtækið
framleiðir aðallega fyrir íslands-
markað þar sem ýmsir annmarkar
fylgja því að framleiða fyrir erlend-
an markað að sögn Sigurðar Svein-
björnssonar. Fyrirtækið framleiðir
alla sína framleiðslu sjálft.en fram-
leiðslan er mjög mismunandi yfir
árið auk þess sem fyrirtækið sér um
þjónustu fyrir þær vindur sem þeg-
ar eru seldar. Auk þess framleiðir
fyrirtækið djúpdælibúnað fyrir hit-
aveitu svo nóg er að starfa fyrir þá
25 manns sem eru við vinnu í
fyrirtækinu. Vinnuaðstaða á véla-
verkstæðinu er með afbrigðum
góð, hátt.er til lofts og vítt til
veggja auk þess sem tækja- og
lyftubúnaður er mjög fullkominn.
IDS
Nýtt íþróttahús:
Innan skamms
í Breiðholti
Borgarsj óður Reykj avíkur hefur
sótt um leyfi til byggingar íþrótta-
húss á lóðinni nr.3 við Austurberg
í Breiðholti. Teikningar munu
væntanlega verða samþykktar á
byggingarnefndarfundi eftir viku
og þá er ekkert til fyrirstöðu að
hefja framkvæmdir, að sögn Hilm-
ars Guðlaugssonar formanns Bygg-
ingarnefndar. Ákvörðun um bygg-
ingu hússins hafði verið frestað um
tíma til að athuga hvort unnt væn
að fjölga bílastæðum á svæðinu.
Fyrirhugað íþróttahús verður
u.þ.b. 2000 fermetrar að stærð.
Húsið er löglegur keppnisvöllur
fyrir stórmót og mun því koma sér
vel ef heimsmeistaramót í hand-
knattleik verður haldið hér árið
1994 eins og íslendingar hafa farið
fram á.                                   IDS
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20