Alþýðublað Hafnarfjarðar - 29.05.1970, Blaðsíða 1

ALÞYÐUBLAÐ
HATNARF3ARÐAR
XXIX. ÁRG. 29. MAÍ 1970 9. TBL.
Heill Hafnarfjarðar,
velgengni bœjarbúa, framfarir
og umbœtur, byggist d öflugu
og fjölbreyttu atvinnulífi
Vinnan er undirstaSa velferðar í bæjarfélaginu, vinna eldri sem
yngri, hvar í stétt sem þeir standa. Vinnan skapar verðmætin,
heilbrigði og hagsæld.
Hafnarfjörður er í örum vexti á tímum tækniþróunar, nýrra við-
horfa til viðfangsefna og endurmats á úrlausnum og aðferðum.
Á lista Alþýðuflokksins, A-listanum, eru menn, sem gera sér fulla
grein fyrir verkefnum framtíðarinnar. Þeir byggja á fjölþættri reynslu.
en leggja þó áherzlu á ný viðhorf, nýjar leiðir, nýtt mat.
Við síðustu bæjarstjórnarkosningar vantaði Alþýðuflokkinn aðeins
innan við hundrað atkvæði til að fá þrjá fulltrúa kjörna í bæjar-
stjórn.
í baráttusæti A-listans að þessu sinni, 3. sætinu, er ungur vel-
menntaður maður, sem þekkir og skilur kröfur og úrlausnarefni
samtímans.
Kjartan Jóhannsson er sá ungi maður, sem fólkið vill styðja til
setu í bæjarstjórn. Hann beitir hlutlægu mati við lausn viðfangs-
efna og hefur til að bera bjartsýni hins unga manns, þrótt í
hugsun og djörfung í áformum.
Hafnfirzku kjósendur! Tryggjum kosningu Kjartans Jóhannssonar
og veitum þannig nýjum kröftum, nýrri hugsun og nýjum lífsvið-
horfum inn í bæjarstjórn.
Vinnum að framtíðarheill bæjarins okkar fagra í faðmi hrauns og
ása.
Eflum Alþýðuflokkinn til nýrra áforma og stórra átaka.
Kjósum A-listann