Íslendingur - 12.02.1980, Blaðsíða 1

6. TÖLUBLAÐ . 65. ÁRGANGUR . AKUREYRI . ÞRIÐJUDAGINN 12. FEBRÚAR 1980
ALHLIDA w
RAFEINDAÞJðNUSTA
Glerárgötu 32 ■ Akureyri
SVAL, Ijósmyndari fslendings, gerði þessa skemmtilegu mynd af
hinni margfrægu bifreið í kvikmyndinni „Land og synir“, sem sýnd
var hér nýverið við metaðsókn.
Niðursuðuverksmiðja K. Jónssonar:
Halldór Blöndal, alþingismaður, í viðtali við íslending:
„Ný vinstri stjórn“
í bága við Sjálfstœðisflokkmn
„Mjög hreinskilnar og opinskáar umræður urðu um
síðustu atburði á flokksráðsfundinum á sunnudaginn,“
sagði Halldór Blöndal alþingismaður í viðtali við fs-
lending í gær. „Flestir, sem til máls tóku, hörmuðu, að
Gunnar Thoroddsen, varaformaður Sjálfstæðisflokks-
ins, skyldi mynda ríkisstjórn, - nýja vinstri stjórn, - í
bága við Sjálfstæðisflokkinn og í samvinnu við tvo
höfuðandstæðinga hans, Alþýðubandalag og Frám-
sóknarflokk. Þetta er áréttað í ályktun flokksráðsins,
sem samþykkt var með yfirgnæfandi meirihluta.“
Jir
Rækjumálið í biðstöðu
„Segja má, að málið sé í bið-
stöðu eins og er, en niðurstöðu
er að vænta innan ekki mjög
langs tíma,“ sagði Mikael Jóns-
son hjá Niðursuðuverksrrtiðju
K. Jónssonar & Co., þegar
blaðið spurði hann um hvað liði
samningum við Þjóðverja
vegna skenimda sem upp komu
í rækjusendingu þangað. „Við
vorum í Þýskalandi nýlega með
ÍDAG
• H. Bl. skrifar leiðar-
ann, ,,Einhver ríkis-
stjórn“.
• A íþróttasíðu er sagt frá
suðurferðum KA og Þórs
í handboltanum og bœttri
aðstöðu í Hlíðarfjalli.
nýja framleiðslu, sem þeim leist
í alla staði vel á, en hún er nú í
rannsókn og tekur einhvern
tíma að fá niðurstöður úr þeirri
rannsókn. Þegar henni er lokið
munum við ræða þessi mál við
verslunarfulltrúa þeirra í
Reykjavík og þá er einhverra
frétta að vænta í þessu máli,“
sagði Mikael ennfremur.
Þá kom einnig fram, að
Mikael er nýkominn frá Rúss-
landi, þar sem hann ræddi við
þarlenda ráðamenn um sölu á
gaffalbitum. Ekki voru gerðir
neinir sölusamningar í þessari
ferð, en Rússar buðu tæplega
10% hækkun, sem er þó engan
veginn nægileg vegna 50-60%
hækkunar á framleiðslukostn-
aði hér heima. Fram kom, að
Rússar voru mjög ánægðir með
þá framleiðslu, sem þeir fengu á
sl. ári, en það voru um 4 millj.
dósa. Varðandi gölluðu gaffal-
bitana, sem þangað fóru, sagði
Mikael, að það mál hefði nú
verið leyst að fullu í mesta
bróðerni, og virðast fjölmiðlar
almennt ekki verajafn áfjáðir í
að skýra frá því og þeir voru að
tíunda erfiðleikana, meðan þeir
stóðu yfir.

- Sjálfstæðismenn eru settir í
mikinn vanda af Gunnari Thor-
oddsen. Sem leiðtogi flokksins
um áratugi hefur hann eðlilega
mikil ítök, enda hrífandi per-
sónuleiki, ef hann vill það við
hafa. Það réttlætir hins vegar
ekki gerðir hans nú. Það skýrist
best fyrir monnum, ef málefna-
samningur ríkisstjórnarinnar er
metinn og staða Sjálfstæðis-
flokksins eftir myndun hennar.
Við þessa ríkisstjórn eru engin
þau fyrirheit bundin, sem Sjálf-
stæðismönnum er mest í mun
að náist fram. Skírskotun Gunn
ars Thoroddsens til þess, að
hann þjóni þjóð sinni best með
því að þverbrjóta skipulags-
reglur Sjálfstæðisflokksins, sem
hann átti sjálfur þátt í að semja
og hefur ætlað öðrum að fylgja,
eru móðgun við Sjálfstæðis-
menn.
- Gunnar Thoroddsen gumar
mikið af því að hafa myndað
ríkisstjórn, sem aðrir hafi ekki
getað. Látum aðdragandann
liggja milli hluta í bili. Spyrjum
fyrst, hvað í málefnasamningn-
um standi um þær aðgerðir í
efnahags- og atvinnumálum,
sem brýnastar eru. Og þá sjáum
við, að það er allt óráðið og
Halldór Blöndal, alþingis-
maður.
ósamið enn. Það virðist sem
sagt eiga að leika sama leikinn
áfram og einkenndi allt valda-
tímabil síðustu vinstri stjórnar,
- að láta reka á reiðanum og
grípa til bráðabirgðaráðstafana
á síðustu stundu. Ekki lofar
þetta góðu. Ekki getur þetta
talist traustvekjandi, sérstak-
lega ekki fyrirlaunamenn, sagði
Halldór Blöndal að lokum.
íslendingur
kemur næst út þriðjudaginn
19. febrúar. Allir þeir, sem
vilja koma efni í blaðið eru
vinsamlegast beðnir að skila
því tímanlega. Einnig eru
auglýsendur hvattir til að
hafa handrit af auglýsingum
tilbúin með góðum fyrir-
vara, vegna vinnslu blaðsins
í prentsmiðju.
Fjárhagsáœtlun bœjarsjóðs til fyrri umrœðu:
• Norðangarri er í opnu.
• Þá er í opnu dálkurinn
„Punktar og kommur“ og
sagt frá heimsókn í Úr-
smíðaverkstœði Jóns
Bjarnasonar.
Hlutfall milli tekna
og kostnaðar versnar
Fjárhagsáætlun bæjarsjóðs Akureyrar er til fyrri umræðu í bæjar-
stjórn í dag, þriðjudaginn 12. febrúar.
Niðurstöðutölur áætlunarinnar tekjumegin eru kr. 5.898.200
þús. og útgjöld samkvæmt áætlun kr. 5.326.850 þú^., sem skiptist
í hrein rekstrargjöld kr. 4.190.350 þús. og gjaldfærð'an stofnkostn-
að kr. 1.136.500 þús. Til eignabreytinga voru því færðar kr. 571.350
þús. Áætlun um eignabreytingu gerir ráð fyrir því að eignabreyt-
ingar verði kr. 1.085 þús. og verða því lántökur kr. 513.650 þús.
Breytingar frá síðustu fjárhagsáætlun eru þær, að heildartekjur
vaxa um 53.3%, heildarrekstrargjöld um 57.2% og gjaldfærður
stofnkostnaður um 69.3%.
Rekstrarafgangur til eignabreytinga er núum9.7%en varásl. ári
13.3%. Hefur því hlutfall milli tekna og kostnaðar versnað sem
því nemur.
Nánar verður skýrt frá fjárhagsáætluninni hér í blaðinu síðar.
Samstaða náðist um að leggja þessa fjárhagsáætlun fyrir bæjar-
stjórn til fyrri umræðu, en óvíst er hvenær síðari umræða fer fram.
Ástæðan fyrir því er sú, að fjárlög liggja ekki enn fyrir og því óséð
hver hlutur ríkisins verður i þessari áætlun. Á það bæði við um
tekjuhlið frumvarpsins og framlag ríkisins til nýbygginga.
Þótt samstaða hafi náðst um að leggja áætlunina fyrir til fyrri
umræðu, þá áskilja einstakir bæjarráðsmenn sér rétt til að bera
fram og fylgja breytingartillögum við frumvarpið við afgreisðlu
þess hjá bæjarstjórn.
Það er SPARNAÐUR fyrir Norðlendinga að drekka SMÍÞdrykki