Morgunblaðið - 16.10.1974, Blaðsíða 15

MORGUNBLAÐIÐ MIÐVIKUDAGUR 16. OKTÓBER 1974
15
Um þessar mundir er starfandi stjórnmáiaskóii Sjálfstæðisflokksins. Þátttakendur komu f heimsókn til
Morgunblaðsins sl. mánudag, ræddu við ritstjóra blaðsins og kynntu sér starfsemi þess. Myndin var tekin
af hópnum f tæknideild Morgunblaðsins.
Vinsæl fyrirtæki
í FYRRINÓTT var brotizt inn f
tvö fyrirtæki f höfuðborginni,
sem áður hafa fengið heimsókn
næturgesta, Sundhöllina og verzl-
un Sláturfélagsins við Háaleitis-
braut.
Engu var stolið f Sundhöllinni,
en mikið rótað til og leitað að
verðmætum. Af ummerkjum
mátti ætla, að hinn óboðni gestur
hafi ekki fengið sér sundsprett,
eins og stundum gerist. í SS-verzl-
uninni var stolið nokkrum lengj-
um af vindlingum.
Ætlaði að stoppa
í þrjá daga, er
nú að hugsa um
ríkishorgararétt
„Ég kom hingað upphaflega
fyrir þremur mánuðum og ætlaði
að stoppa hér f þrjá daga á leið
minni f ljósmyndaleiðangur til
Evrópu, en það varð að mánaðar-
dvöl og nú er ég að hugsa um að
setjast hér að,“ sagði ungur
Bandarfkjamaður, Gary Over-
man, sem leit við á ritstjórnar-
skrifstofum Mbl. f vikunni.
Gary er byrjaður flugnám hjá
Flugstöðinni og ætlar að ná sér
hér í atvinnuflugmannsréttindi.
Við spyrjum hann hvað haí
orsakað hina miklu hrifningu
hans á Islandi og hann svarar:
„Fólkið er svo einstaklega
raunverulegt, heiðarlegt og hjálp-
legt, ég er búinn að ferðast vfða
um heim og hef aldrei fyrirhitt
svo elskulegt fólk. Ég hef lengi
haft áhuga á flugi og ætlað mér í
flugnám og hef ákveðið að læra
hér. Mér finnst námsáætlunin hér
miklu viðameiri en í New York,
þar sem ég er fæddur og uppalinn
og svo gilda þessi réttindi mín í
Bandaríkjunum, ef ég vil.
Við spyrjum Gary hvort hann
starfi eitthvað hér og hann segist
vera Ijósmyndari og hafi hug á að
starfa eitthvað við það hér, en þó
þannig að hann geti stundað sitt
flugnám, sem hann sækir stíft og
á pantaðar allt upp í 5 klst á dag.
Hins vegar hefur námið ekki
gengið eins vel og hann hefði vilj-
að, því að veðurguðirnir hafa ver-
ið honum gagnstaðlegir undanfar-
ið.
Aðspurður um hvað foreldrar
hans og vinir heima í Banda-
ríkjunum segi við þessarri land-
töku á Islandi segir Gary: „Þau
halda að ég sé eitthvað skrítinn,
en ég segi þeim á móti að þau viti
ekki hvers þ'au fari á mis, við að
koma ekki hingað til lands. Gary
er að byrja íslenzkunám og er
jafnvel farinn að velta fyrir sér að
gerast fslenzkur ríkisborgari. Og
með það kveður hann okkur og
hraðar sér út á flugvöll, þar sem
flugtfmi hans er að hef jast.
Gary Overman.
r
Obreytt verð
á loðnumjöli
LÍTIL sem engin breyting hefur
orðið á mjölmörkuðum Evrópu
síðustu daga, og er vart gert ráð
fyrir, að um miklar breytingar
verði þar á næstunni. Að sögn
Gunnars Petersen hjá Bernhard
Petersen h.f. er enn ekki ljóst
hvort skortur verður á soyabauna-
mjöli á næstunni og þó svo verði,
þá eru fleiri tegundir af mjöli,
sem hafa áhrif á markaðinn,
þannig að ekki er víst, að um
neinar verðhækkanir verði að
ræða.
Skýrsla um ansjóvetuveiðar
Perúmanna í síðustu viku var birt
í gær og þar kemur fram, að
veiðin fór vaxandi eftir því sem
leið á vikuna, en fyrrihluta
hennar lá hluti flotans bundinn í
höfn vegna jarðskjálftanna, sem
þar voru. Alls veiddust i vikunni
148.422 lestir af ansjóvetu og úr
þessu magni fengust 33.799 lestir
af mjöli og 6.534 lestir af lýsi.
Jeppinn fundinn
EINS OG fram kom i Mbl. í gær,
var Austin Gipsy jeppa stolið frá
Njálsgötu um helgina, og var aug-
lýst eftir honum í Mbl. í gær. Sú
auglýsing virðist hafa hrifið, því
strax i gærmorgun var hringt til
Kópavogslögreglunnar og til-
kynnt, að bíllinn stæði í Hófgerði
þar í bæ. Var hann alveg
óskemmdur, og hefur eigandinn
nú fengið jeppann sinn aftur.
I SlÐUSTU viku seldu 39 islenzk-
ir sildveiðibátar afla sinn i Dan-
mörku, samtals 2507 lestir, að
aflaverðmæti 82 milljónir króna.
Meðalverðið var mjög hátt, 32,70
krónur. Jón Garðar GK fékk hæst
meðalverð, 50,38 krónur fyrir
kilóið, en mestan af la fékk Loftur
Baldvinsson EA.
Frá því veiðarnar i Norðursjón-
um hófust 7. mai og fram til 12.
október hafa islenzku bátarnir
veitt samtals 28,865 lestir, að afla-
verðmæti 793,7 milljónir króna,
en í fyrra var aflinn samtals
34,442 lestir og aflaverðmætið
833,4 milljónir króna. Meðalverð-
ið i ár er nokkru hærra, og munar
þar 3,30 krónum.
Loftur Baldvinsson EA er sem
fyrr aflahæsta skipið, hefur feng-
ið 2053 lestir^ að verðmæti 55,6
milljónir króna. I öðru sæti kem-
ur Guðmundur RE með 1881 lest,
að verðmæti 53,2 milljónir. í
þriðja sæti er Gfsli Árni RE með
1269 lestir, að verðmæti 36,9
milljónir króna.
MÁL VERKASALA
NU stendur yfir í sýningarsal
Málverkasölunnar Týsgötu 3
sýning á myndum og mál-
verkum tæplega 40 fslenzkra
listamanna og eru verkin til
sölu. Mun sýningin standa út
þennan mánuð.
Meðal þeirra sem þarna eiga
verk, eru ýmsir af fremstu
myndlistarmönnum landsins,
núlifandi og látnir, og má þar
nefna Nfnu Sæmundsson, Ás-
grim Jónsson, Rikharð Jónsson,
Kjarval, Þorvald Skúlason, Jón
Engilberts, Finn Jónsson,
Scheving, Jóhannes Jóhannes-
son og Hring Jóhannesson, svo
að fáeinir séu nefndir auk þess
sem þarna er mynd eftir Bene-
dikt Gröndal og pennateikning
eftir Einar Benediktsosn skáld.
Sýningin er opin daglega frá
kl. 4—6, en ekki laugardaga.
Góð aðsókn að sögusýningunni
Hópferðir skólafólks að byrja
GÓÐ aðsókn hefur verið að
sögusýningunni, sem nú
stendur yfir á Kjarvals-
stöðum, að því er Indriði
G. Þorsteinsson, fram-
kvæmdastjóri Þjóðhátíðar-
nefndar 1974, tjáði Mbl. í
gær. Hafa á annað þúsund
manns komið á sýninguna
frá því hún var opnuð al-
menningi á föstudaginn.
Byrjað er að skipuleggja
hópferðir skólafólks á sýn-
inguna, og var fyrsti
hópurinn væntanlegur í
dag, nemendur Mennta-
skólans á Laugarvatni.
Á laugardaginn verður fluttur
fyrsti fyrirlesturinn af 19, sem
haldnir verða sýningardagana.
Hörður Ágústsson listmálari held-
ur fyrirlestur, sem hann nefnir
„íslenzkar kirkjur að fornu og
nýju“. Hefst hann klukkan 15. Á
sunnudag verða tveir fyrirlestrar.
Klukkan 15 heldur Páll Bergþórs-
son veðurfræðingur fyrirlestur,
sem hann nefnir „Loftslag á ís-
landi í 11 aldir“, og klukkan 16,30
heldur dr. Sigurður Þórarinsson
jarðfræðingur fyrirlestur, sem
hann nefnir „Jarðvegseyðing á ís-
landi“. Næsti fyrirlestur verður á
dagskrá þriðjudaginn 22. október
klukkan 21, en þá heldur Har-
aldur Sigurðsson bókavörður
fyrirlestur, sem hann nefnir
„Magnús Arason og landmæling-
ar hans“. Fyrirlestrarnir verða
framvegis aðallega fluttir um
helgar, svo og á þriðjudags- og
fimmtudagskvöldum.
Sögusýningin ísland-tslending-
ar, ellefu alda sambúð lands og
þjóðar, verður opin daglega frá
klukkan 14 til 23, nema mánu-
daga.
Frá opnun sögusýningarinnar. Ljósm. Mbl. Ól.K.Mag.
ÁGÆT VIKA í
NORÐURS J ÓNUM
Skemmdir á
Dómkirkjunni
Þessi Ijósmynd var tekin I gær
og sýnir skemmdir er orðið
hafa á Dómkirkjunni á
horninu þar sem mætast
Skólabrú og Kirkjustræti.
Þungt högg hefur komið á
horn kirkjunnar Skólabrúar-
megin og við það brotnað flfs
úr þvf f um það bil 110 cm hæð
frá jörðu.
Lögreglan sagðist ekkert um
málið vita. Séra Öskar J. Þor-
láksson dómprófastur sagðist
hafa tekið eftir skemmdum
þessum fyrir nokkrum dögum,
en sér væri ekki kunnugt um
með hverjum hætti þetta hefði
borið að.
Vera má að birting þessarar
myndar verði til þess að málið
upplýsist. Ljósm. Mbl.: EBB.