Morgunblaðið - 01.10.1982, Blaðsíða 13

Morgunblaðið - 01.10.1982, Blaðsíða 13
MORGUNBLAÐIÐ, FÖSTUDAGtJfU.OKTÓBER 1982 13 Thorvaldsen vel samtíðarmaður okkar Pic- asso komst ekki í hálfkvisti við Thorvaldsen, hvað aðdáendur snertir. Það er til ágætt lesmál um meistarann og hans daglega líf, sem þjónn hans skrifaði, og ef ég man rétt, hefur það verið lesið hér í útvarpið. Afköst Thorvaldsen voru einn- ig með ólíkindum. Hann hafði fjölda manns í vinnu og var sjálfur afar iðjusamur. Um tíma þótti það ekki mjög framúrstefnulegt að vera að- dáandi Thorvaldsen, en nú á seinni árum hefur frægð hans blossað upp að nýju. Þannig gengur það nú einu sinni til í listaheiminum, eitt er gott í dag, annað á morgun. Til eru þó þau listaverk, er standast allar sveiflur líðandi stundar. Þannig er um verk meistarans Bertil Thorvaldsen, þau eru sígild og hafa allt það sem höggmyndum er mest til kosta fundið. Það er jafnmikið ævintýri að koma í Smíðahús Thorvaldsen í kóngs- ins Kaupmannahöfn á líðandi stundu, eins og þegar íslands- bóndinn Eiríkur frá Brúnum gekk þar um dyr á árum áður. Og nú hafa Danir sýnt mikla rausn og gefa okkur tækifæri til að kynnast bæði sjálfum meist- aranum og einnig verkum hans, á þeirri sýningu, er hér er ritað um. Kjarvalsstaðir voru ekki nægilega hentugir fyrir þessa sýningu, svo að menn gerðu sér lítið fyrir og endurbyggðu Kjarvalssal og gerðu nokkurs konar eftirlíkingu af því um- hverfi, sem sýningarmunir eiga heima í dagsdaglega. Þetta er mjög vel heppnað fyrirtæki hjá þeim dönsku og sýnir, hvað er mögulegt, þegar vilji og fé er fyrir hendi. Þarna á sýningunni er margt til að gleðja augað, bæði verk meistarans, og einnig þeir hlutir, er honum voru hvað kærastir. Það má til að mynda benda á nokkrar teikningar, eða frum- myndir eftir Thorvaldsen, sem sýna hver meistari hann hefur verið á því sviði. Það yrði of langt mál að tíunda þessa sýn- ingu að nokkru ráði hér, ég fer því fljótt yfir sögu og læt fólki eftir að skoða hina einstöku muni. En það er heildin og and- rúmsloftið á þessari sýningu sem heillar mig. Öllu er þarna sérlega vel fyrirkomið, og allt hefur verið vandað til þessarar sýningar. Enda hafa margir að- ilar sameinast um þetta fyrir- tæki, og er sómi að. Gefið hefur verið út fallegt rit í tilefni þessarar sýningar, og er það sérlega skemmtilegt. Þar er fróðlegt lesmál og myndir af mörgum verkum Thorvaldsen. Ekkert hefur verið til sparað í þá veru að gera þessa heimsókn Thorvaldsen til íslands sem veglegasta. Enda er hér einn merkasti listviðburður fyrir okkur í áraraðir, og hafi Danir mikla þökk fyrir þessa ágætu sýningu. Aðgangur er ókeypis, og ég óska þess af heilum hug, að sem allra flestir hafi tækifæri til að kynnast þessum listviðburði. Þar á ég bæði við unga og aldna, sem ég veit að hafa munu mikla skemmtan af þessari merku sýn- ingu. Með henni hefur enn einu sinni verið styrktur sá vinarhug- ur, sem rikt hefur millum Dana og íslendinga, síðan samkrulli þeirra var slibið hér á árunum. Bertel ' I Tiomldsen 1770-1844 kunnar. „Leiðin til frama", eftir Bjarne Jörnæs, segir frá því þeg- ar styrkur Thorvaldsen til Róm- arveru er á þrotum og allt bendir til að hann verði, þess ófús, að snúa aftur heim. Enskur auðmað- ur, Thomas Hope, gerði honum kleift að vera áfram í Róm og hefur það án efa haft drjúg áhrif á áframhaldandi þroskaferil hans sem listamanns. Sami höfundur skrifar einnig kaflann „Dvöl í Kaupmannahöfn". Þar er vikið að ýmsum listaverkum sem Thor- valdsen gerði að beiðni danskra og voru sett upp í Kaupmanna- höfn meðan hann lifði. „Stóru minnisvarðarnir", eftir Bjarne Jörnæs lýsir helztu stórverkum Thorvaldsen. Höfundur segir þar: „Minnisvarðar eru minnismerki um sögulega atburði eða merkt fólk, þar sem oftast liggja ákveðnar stjórnmálaskoðanir eða þjóðernishugmyndir að baki. Ekki skiptir máli, hvort verkið hefur verið unnið í þágu konungs, kirkju, aðals eða lýðveldis. Thor- valdsen vann nær allar tegundir minnisvarða, svo sem brjóst- myndir, riddarastyttur og graf- íklíkneski. Hann lét ekki neinar stjórnmálaskoðanir í ljósi, þegar hann tók við pöntun að einhverju verki og vann jafnt fyrir kaþ- ólsku og lútersku kirkjuna, kon- unga, aðalinn sem borgarstjórnir og ýmis samtök borgara." Það yrði of langt mál að tíunda efni hverrar greinar, en auk framantalinna eru greinar Dyb- eke Helsted, „I vinnustofunum" og „Listaverkasöfnun Thorvald- sen“. Eva Henschen skrifar um „Hinstu ár Thorvaldsen" og Bjarne Jörnæs á enn tvær grein- ar um „Thorvaldsensafn" og „Eft- irmæli". Birt er ítarleg myndskreytt skrá um 75 verk eftir Thorvald- sen og aftast er ártalaskrá um líf og starf hans. Júlíana Gottskálksdóttir þýddi greinarnar, að undantekinni grein Kristjáns Eldjárn, sem er skrifuð á íslenzku. Það er mikill fengur að því lesmáli sem er í þessari skrá, öllu nær væri að kalla hana bók. Hún er veglega úr garði gerð, með mörgum myndum og þeim til sóma sem að hafa unnið. SUMIR VERSLA DÝRT - AÐRIR VERSLA HJÁ OKKUR Góð kaup í frystikistuna * Lambakjöt í 1/1 skrokkum niðursagað á GAMLA VERÐINU Ath.: 30% lægra verð en af nýslátruðu (57.35 ) pr.kg. 5 slátur í kassa ADF'NS 300 .00 Aukavambir, Mör, Sláturgarn og nálar Frystipokar | Frystibakkar |I Frostfilmur. Ódýrlifur AE.00 AÐEINS pris Rúgmjöl 5kg. JAnFINS° JJ 7.00 Rúgmjöl 2kg. Katla 19 .80 Unghænur 45 JgO Kynnumídag: ekta Medisterpylsu á danska vísu * ^ » mm og okkar AÐEINS 55’0g .Danskt 2^.80 Ljúaus kaffi á AÐEINS Opið á laugaidag: í Austurstræti til kl. 12. . en í Starmýri tii kl.4e h- AUSTURSTRÆT117 STARMÝRI 2

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.