Morgunblaðið - 20.05.1984, Blaðsíða 26

26
MORGUNBLAÐIÐ, SUNNUDAGUR 2ff. MAÍ1984
Doktorsrit-
gerð um félags-
þroska barna
8. MAI síðastlirtinn varði Garðar
G. Vilborg, sálfræðingur, dokt-
orsritgerð í sálarfræði við Lund-
arháskóla í Svíþjóð. Ritgerðin ber
heitið „Studies in the Develop-
rnent of Socialbehavior Underst-
anding“. Ritgerðin fjallar um fé-
lagsþroska barna á aldrinum 5 til
9 ára og samanstendur af fjórum
rannsóknarskýrslum og niður-
stöðum. Rannsóknirnar beindust
að því að kanna á hvern hátt börn
skylja og skynja atferli, tilfinn-
ingar og ætlanir jafnaldra við ýms-
ar aðstæður og hvernig þessi
skilningur þroskast á nefndu ald-
ursskeiði.
Dr. Garðar G. Vilborg.
Garðar G. Vilborg er 32 ára
gamall. Hann tók stúdentspróf
við Menntaskólann í Reykjavík
og hefur stundað nám í sálar-
fræði við Háskóla íslands og í
Svíþjóð frá 1975. Frá 1980 hefur
Garðar stundað kennslu í sálar-
fræði við Lundarháskóla sam-
hliða náminu. Foreldrar Garð-
ars eru Garðar Vilborg og Mar-
grét Ásmundsdóttir. Kona hans
er Fanný Jónsdóttir, uppeldis-
fræðingur.
INNLENT
TiUaga Sigurfiar GuOmunditonar
Tillaga Sigurðar Guðmundssonar arkitekts 1943, að veitingastað við hitaveitutanka í Öskjuhlíð. (Morgunblaðið/ Emilia)
Frá Skólabrú til Gullinbrúar
Strætisvagn í Reykjavík á fjórða áratugnum.
Sögu- og skipu-
lagssýning
Reykjavíkur
að Kjarvals-
stöðum
Á Kjarvalsstöðum stendur nú
yfir sýning um þróun skipu-
lagsmála í Reykjavík á þessari
öld, en sýningin ber heitið „Frá
Skólabrú til Gullinbrúar“. Sýn-
ingin er haldin að tillögu meiri-
hluta skipulagsnefndar Reykja-
víkur, sem samþykkt var í janúar
sl. og er markmið hennar að sýna
borgarbúum og öðrum lands-
mönnum ýmsa þætti úr skipulagi
Reykjavíkur, svo sem ný byggða-
svæði, tillögur um skipulag
ákveðinna svæða í borginni, sam-
göngutengsl, útivistarsvæði,
helstu þjónustustofnanir og
svæði til útivistar og tómstunda-
iðkana. Ennfremur er á sýning-
unni kynnt ágrip af sögu Reykja-
víkur.
f kynningarbæklingi sýn-
ingarinnar er þess ennfremur
getið, að Reykjavíkurborg hafi
vaxið gífurlega hratt frá alda-
mótum og eldri borgarbúar
eigi því fullt í fangi með að
fylgjast með tilkomu nýrra
hverfa fjarri miðborginni og
margt yngra fólk geri sér illa
grein fyrir því umhverfi og
þeim aðstæðum sem ríktu á
fyrstu áratugum aldarinnar
þegar Reykjavík var að breyt-
ast úr bæ í borg. Tilgangur
sýningarinnar sé einmitt að
gefa borgarbúum, ungum sem
öldnum, tækifæri til að kynna
sér þróun borgarinnar.
Sögu- og skipulagssýningin í
Kjarvalssal er brotin niður í
sex megindeildir: Söguleg
þróun byggðar, íbúar og at-
hafnalíf, félagsmál og frítíma-
iðja, þróun umferðarmála, ný-
leg skipulagsverkefni og fram-
tíðarbyggð. Sýningin er aðal-
lega í myndrænu formi, þ.e.
ljósmyndir, loftmyndir, kort,
skipulagsuppdrættir, skýringa-
myndir, líkön og „slides-
myndir". Þá hafa verið fíutt er-
indi, er varpa lj.ósi á ýmsa efn-
isþætti sýningarinnar. Sýning-
unni lýkur í kvöld.
Skoðanakönnun Hagvangs hf.:
Verulegur munur á af-
stöðu eftir kjördæmum
Of langt 17,3
Hæfilega langt 41,0
Ekki nógu langt 29,2
Veit ekki 12,4
Karlar Konur
Of langt 17,5 17,2
Hæfilega langt 40,1 42,1
Ekki nógu langt 33,9 24,2
Veit ekki 8,5 16,5
í skoðanakönnun, sem Hag-
vangur hf. framkvæmdi í apr-
ílmánuði sl. var viðhorf þátttak-
enda til mismunandi vægis at-
kvæða eftir kjördæmum kann-
að. Spurningin var svohljóö-
andi: „Miklar umræður hafa átt
sér stað um jöfnun á vægi at-
kvæða til Alþingiskosninga.
Samkvæmt gildandi lögum þarf
hlutfallslega séð 4 atkvæði til
að fá mann kjörinn í Reykjavík
á móti 1 atkvæði á Vestfjörðum.
Ef aðeins þyrfti 2Vfe at-
kvæði til að fá mann kjörinn í
Reykjavík á móti 1 atkvæði á
Vestfjörðum, fyndist þér þá
of langt gengið, hæfilega
langt eða ekki nógu langt til
að jafna vægi atkvæða?
Könnun þessi fór fram
6.—18. apríl sl. Úrtaksstærð
var 1.000 manns. Svarpró-
senta var brúttó: 86% og
nettó 92,5%. Aldur þátttak-
enda var 18 ára og eldri.
Könnunin fór fram i gegnum
síma og náði til alls landsins.
í greinargerð Hagvangs um
könnunina segir m.a.: „Rétt er
að benda á, að tiltölulega fá
svör eru að baki hlutfalls-
talna úr fámennari kjördæm-
um landsins. Þannig eru til
dæmis aðeins 35 svör að baki
hlutfallstalna í Norðurlandi
vestra. Ber því að gera sam-
anburð á milli kjördæma af
varúð.“
Hér fer á eftir sundur-
greind niðurstaða í skoðana-
könnun Hagvangs um vægi
atkvæða:
Höfuðborgar- Þéttbýli Dreifbýli
svæðið
Of langt 8,4 27,3 29,4
Hæfilega langt 43,0 40,1 35,8
Ekki nógu langt 38,5 17,4 18,3
Veit ekki 10,1 15,2 16,5
Rejkj.- Reykja- Vestur- Vest- Norðurl. Norðurl. Austur- Suður-
vík nes land firðir Vestra Kystra land land
Of langt 8,8 7,3 37,5 46,5 25,7 19,5 22,4 33,7
Hæfilega langt 40,8 48,8 33,9 25,6 42,9 52,4 40,8 29,1
Ekki nógu langt 41,1 31,1 17,9 16,3 8,6 15,9 12,2 22,1
Veit ekki 9,4 12,8 10,7 11,6 22,9 12,2 24,5 15,1