Morgunblaðið - 11.11.1984, Blaðsíða 58
58
MORGUNBLAÐIÐ, SUNNUDAGUR 11. NÓVEMBER 1984
Kristfn Svanhildur Hjilmtýsdóttir Kórinn i efingu.
Áhugasnmar stúlkur.
Árni Harðarson stjórnandi Hiskólakórsins.
Magnús Halldórsson
Litið inn á æfíngu hjá Háskólakómum:
„Stærri verkefni kórsins hafa
beinst í farveg nýsköpunar“
Kórastarfsemin er býsna blómleg í landinu um þessar mundir, ekki síst í
höfuðborginni og má jafnvel heita að hver sem kemur upp lítt brengluðum
hljóðum sé nú farinn að iðka söng, fara í raddþjálfun og taka þátt í tónleikum.
Og það fer tæpast á milli mála að við höfum notið uppskerunnar af þessum
vaxandi söngáhuga í æ vandaðri tónlistarflutningi með ári hverju.
Einn þeirra kóra, sem eru orð-
nir harla grónir í sönglífi borgar-
innar, er háskólakórinn, sem læt-
ur í sér heyra nokkrum sinnum á
vetri bæði utan skóla sem innan.
Hann er skipaður ungu, líflegu
fólki og reyndar annað árið í röð
með ungan ferskan stjórnanda,
Árna Harðarson, sem er tiltölu-
lega nýkominn frá námi erlendis.
Blm. lék forvitni á að heyra um
áætlanir og starf í vetur og leit því
eitt kvöldið fyrir skömmu inn á
æfingu. Það er óhætt að segja að
áhuginn hafi verið mikill, fólk lifði
sig inn í sönginn, en að þessu sinni
var verið að æfa verk þar sem
hinna ýmsu svipbrigða var krafist
af kórfélögum auk söngsins. Við
tókum fyrstan tali söngstjórann,
Árna Harðarson.
Kór er margslungið
hljóðfæri
— Árni, nú er þetta þitt annað
starfsár með kórnum. Hvernig lík-
ar þér sðngstjórastarfið?
Þetta er mjög skemmtilegt, en
jafnframt mikill lærdómur. Það er
nú þannig að hlutirnir þurfa oft
að vera erfiðir til að vera
skemmtiiegir. Kór er í sjálfu sér
margslungið hljóðfæri, ólíkt öðr-
um hljóðfærum því það er samsett
úr mannsröddum og öðrum mann-
legum þáttum sem þarf að glíma
við til að árangur náist. Ég fór
utan til að nema píanóleik og síð-
an tóku tónsmíðar hug minn. En
er námi lauk kem ég heim og finn
mig í kórstjórn. í raun og veru
bjóst ég ekki við að finna mig í
þessu starfi upphaflega.
— Er vant söngfólk í kórnum?
Það er nú upp og ofan. Meðal
félaga kórsins er fólk sem hefur
sungið í kórum áður og er jafnvel í
söngnámi, en sumir eru að fara í
kór í fyrsta skipti.
— Hvað er á verkefnaskrá hjá
ykkur í vetur?
Kórinn syngur við hin ýmsu
tækifæri utan sem innan skóla. í
augnablikinu erum við að æfa
dagskrá sem er unnin upp úr Sól-
eyjarkvæði eftir Jóhannes úr
Kötlum, og við flytjum um miðjan
nóvember. Tónlistin er eftir Pétur
Pálsson og er með því besta sem
gert hefur verið í íslenskri vísna-
tónlist, en ég hef útsett hana. Við
flytjum þetta í samvinnu við Stúd-
entaleikhúsið og það hefur reynd-
ar staðið til lengi að standa að
slíkri samvinnu innan þessara
tveggja menningarstofnana skól-
ans.
Þetta er óvenjulegt verkefni
fyrir kórinn, því þetta verða ekki
hefðbundnir hljómleikar, hér er
um að ræða tónlist og upplestur
en sá þáttur er i höndum Guð-
mundar ólafssonar leikara, og
möguleikarnir sem felast í fjölda
kórfélaga nýttir til ýtrasta sem
kemur fram í nýtingu á plássi og
hreyfingu samhliða söngnum. I
þessari uppfærslu er þetta tón-
verk með leikrænni umgjörð sem
er ætlað að leggja áherslu á það
drama sem felst i skáldskapnum í
ljóði Jóhannesar.
Það sem fyrir liggur fleira er að
árlega hefur það verið siður að
kórinn haldi sína sjálfstæðu tón-
leika, og undanfarin ár hafa
stærri verkefni kórsins beinst á
farveg nýsköpunar í islenskri
tónlist. Það er tvimælalaust við
hæfi stofnunar innan háskólans
að vera að fást við nýjungar og í
þessu tilfelli nýja tónlist.
Fyrir mig er þetta sérstaklega
heillandi. Þar sem ég er nú sjálfur
við tónsmíðar gefur þetta manni
aukið gildi að vera virkur i að
móta ný verk sem eru i fæðingu.
Þetta ár munu tvö ný islensk verk
verða sett saman fyrir kórinn.
Annað þeirra er pantað af kórnum
í gegnum Musica Nova og er samið
af Lárusi Halldóri Grimssyni.
Hitt verkið er eftir Hilmar Þórð-
arson en hann lýkur námi í vor í
tónfræðideild Tónlistarskólans í
Reykjavik. Auk þessa munu fleiri
nýleg íslensk verk verða flutt sem
hafa verið skrifuð fyrir kórinn,
m.a. eftir Jón Ásgeirsson og verk
eftir mig sem kórinn flutti á sið-
asta ári. Þetta tökum við með
okkur út til Hollands i mars ef að
líkum lætur og þar munum við
syngja islenska dagskrá viðsvegar
um landið og ýmist á okkar eigin
vegum eða þarlendra, þ.á m. Gau-
di Amus-stofnunarinnar sem er
félag er sér um kynningu á nú-
timatónlist i Hollandi.
Þetta eru nú aðalverkefni kórs-
ins i vetur að undanskildum föst-
um liðum.
Blm. tók síðan nokkra kórfélaga
tali, og spurði þá hvort þeir væru
vanir að syngja, hvernig tónlist
þeim líkaði að syngja, af hverju
þeir væru í kór, hvernig andinn
innan kórsins væri o.s.frv.
Kristín Svanhildur
Hjálmtýsdóttir:
Mjög gaman það
sem af er
Þetta er fyrsti veturinn minn i
Háskólakórnum , en áður var ég i
MS-kórnum og söng með „Sunda-
sveitinni". Það var skemmtilegt
svb ég ákvað um leið og ég byrjaði
i háskólanum að reyna við inn-
tökuprófið i kórinn. Það er búið að
vera mjög gaman það sem af er og
mér sýnist á öllu að áframhaldið
verði gott. Mórallinn er mjög öfl-
ugur og ég hlakka til að flytja Sól-
eyjarkvæði og vonandi fellnr það í
kramið hjá fólki núna á þessum
síðustu og verstu tfmum, eða eins
og skáldið sagði: „Þambara vamb-
ara þursinn er sterkur, heimurinn
harður og sljór.“
Sigurborg Rögnvaldsdóttir:
Hefur verið afar gefandi
og skemmtilegt
Þetta er þriðji veturinn núna
með Háskólakórnum og ég sé alls
ekki eftir þeim tíma sem i hann
hefur farið. Þetta hefur verið afar
gefandi og skemmtilegt starf. Mér
finnst gaman að fást við flestar
tegundir tónlistar en ég hugsa að
nútimatónlistin sé nú einna efst á
blaði hjá mér. Kórinn reynir alltaf
að frumflytja a.m.k. eitt nýtt ís-
lenskt verk á ári. Það er góður
andi i kórnum núna í haust og
ákaflega spennandi og skemmti-
legt að takast á við Sóleyjarkvæði.
Magnús Halldórsson:
Söngurinn veitir útrás
Ég hafði lengi ætlað mér f Há-
skólakórinn og nú vannst mér timi
til þess. Maður hefur gott af þvi að
syngja og söngurinn veitir manni
útrás. Mér líkar stórvel í kórnum
það sem af er og það er létt yfir
kórfélögunum. Sóleyjarkvæði er
spennandi verkefni og gaman að
syngja það og einnig skeggöldina
sem við höfum verið að smá
glugga i. Annars finnst mér yfir-
leitt gaman að syngja allt islenskt,
það er helst þetta erlenda sem
höfðar ekki eins til manns.
Oddgeir Eysteinsson:
Yfirleitt gaman af
allri tónlist
Þetta er mitt fjórða ár i Há-
skólakórnum. Áður var ég i
Hamrahliðarkórnum og hef einnig
sungið með Dómkórnum. Það er
gaman að syngja og félagsskapur-
inn hefur einnig mikið að segja.
Maður kynnist fjölda fólks í kór-
starfi og i Háskólakórnum er lif-
legt fólk. Ég hef nú yfirleitt haft
gaman af allri kórtónlist sem ég
hef komið nálægt og held ekki upp