Morgunblaðið - 19.01.1989, Blaðsíða 32

32
MORGUNBLAÐIÐ FIMMTUDAGUR 19. JANÚAR 1989
Opinn fundur á vegum fiilltrúa-
ráðs sjálfstæðisfélaganna:
Skiptar skoðanir
á heilsugæslustöð
norðan Glerár
Oánægja með nýgerðar breytingar á
leiðakerfi Strætisvagna Akureyriar
ÍBÚAR Glerárhverfis virðast óán-
ægðir með þær breytingar sem
nýlega voru gerðar á leiðakerfi
Strætisvagna Akureyrar. A þetta
var bent á fundi fulltrúaráðs sjálf-
stæðisfélaganna á Akureyri á
mánudagskvöldið. Lýstu menn
efasemdum á því að breytingam-
ar væra til bóta. Talsvert var
einnig rætt um heilsugæslumál,
og hvort koma bæri upp heilsu-
gæslustöð í Glerárhverfi. Til
fundarins var boðað undir yfir-
skriftinni „Mismunar bæjarstjóra
Æ bæjarbúum eftir búsetu? Era
hverfasamtök nauðsynleg?"
Hugmyndir hafa komið upp um
sérframboð íbúa í Glerárhverfi við
næstu bæjarstjómarkosningar á
Akureyri, eins og fram hefur komið
í Morgunblaðinu, vegna óánægju
með þjónustu í hverfinu. í framhaldi
af þessum hugmyndum boðaði full-
trúaráð sjálfstæðisfélaganna til
þessa fundar.
Sveinn Brynjólfsson, íbúi í Síðu-
hverfi og annar framsögumanna,
s sagðist telja að í hverfið vantaði
apótek, heilsugæslustöð og pósthús,
eins og hann sagði í samtali við
Morgunblaðið fyrir skömmu. Þá taldi
hann staðsetningu sundlaugar sem
nú er í byggingu við Glerárskóla
henta illa íbúum Síðuhverfís, svo og
staðsetning íþróttahúss.
Sigurður J. Sigurðsson, bæjarfull-
trúi, sagðist ekki hafa komið auga
á rök fyrir því að upp yrði sett heilsu-
gæslustöð í Síðuhverfi. Bæjarfulltrú-
inn Bjöm Jósef Amviðarson dró hins
vegar í efa nauðsyn þess að heilsu-
gæslustöð væri staðsett í miðbæ.
Ólafur H. Oddsson, héraðslæknir,
ræddi þróun heilsugæslustöðvar á
Akureyri. Hann sagði að í upphafí,
um 1971, hefði verið tekin ákvörðun
að byggja FSA upp sem aðal vara-
sjúkrahús landsins og hefði það tek-
ið mikla flármuni og m.a. tafið fyrir
uppbyggingu heilsugæslustöðvar-
innar. Hann skýrði frá því að það
hefði verið almennt sjónarmið er
heilsugæslustöðin á Akureyri var
sett upp, 1983-84, að staðsetja hana
í miðbænum. Ólafur taldi ekki útilok-
að að stofnsetja útibú frá heilsu-
gæslustöðinni en hann taldi að enn
um sinn væri rétt að bíða og fylgj-
ast með þróun þessara mála, Hafn-
firðingar væru nú t.d. að setja upp
slíkt útibú. Ólafur skýrði einnig frá
því hvaða afleiðingar það gæti haft
að setja upp útibú frá heilsugæslu-
stöð — menn vildu oft ekki skipta
um heimilislækni, en slíkt gæti orðið
nauðsynlegt ef læknirinn flytti ekki
út í hverfíð.
Tómas Ingi Olrich lagði áherslu á
að þjónustu yrði ekki dreift um of
og fleiri tóku í sama streng. Tómas
sagði að leggja ætti mikla áherslu
á „lifandi" miðbæ og taldi hag-
kvæmari kost að bæta almenningss-
amgöngur verulega frá því sem nú
er en að dreifa þjónustunni.
Hljóðbylgjan:
Dagskrá nú alfarið
send út frá Akureyri
DAGSKRÁ útvarpsstöðvarinnar
Hljóðbylgjunnar er nú að öllu
leyti send út frá Akureyri, en hún
nær nú til um 80% þjóðarinnar
að sögn Pálma Guðmundssonar
útvarpsstjóra. Stöðin fékk afnot
af hljóðveri i Armúlaskóla í
Reykjavík fi*á 1. desember síðast-
liðnum er hún hóf að senda út
um Suðurland, en frá 6. janúar
hefur verið útvarpað frá einum
stað, úr hljóðverinu á Akureyri.
Að sögn Pálma Guðmundssonar
skipar talað mál nú meiri sess í dag-
skrá stöðvarinnar en áður, og benti
hann þar sérstaklega á tvo þætti;
annars vegar þátt Ómars Pétursson-
’ ar, fyrrum útvarpsstjóra, milli kl. 7
og 9 á morgnana og hins vegar
þátt Þráins Brjánssonar kl. 17 til
19 á daginn. Þar er að finna viðtöl
og ýmsan fróðleik, en mest var um
tónlistarþætti í dagskrá stöðvarinnar
áður. Pálmi segir stöðina reyna að
höfða meira til eldra fólks nú en
áður var, fólks á aldrinum tuttugu
ára til fímmtugs „og við reynum að
sinna fólki vel alls staðar þar sem
stöðin heyrist, sunnanlands sem hér
fyrir norðan," sagði hann.
Pálmi kvaðst ánægður með við-
; tökumar sem stöðin hefði fengið
syðra, margir hefðu hringt þaðan
eftir að stöðin hóf sendingar þar og
verið ánægðir með efni hennar.
Starfsmenn útvarpsstöðvarinnar
eru 12 og sent er út frá kl. 7 að
morgni til kl. 1 að nóttu virka daga
og lengur inn í nóttina um helgar.
Stöðin nær, eins og áður sagði, til
■ um 80% þjóðarinnar. „Við náum til
álíka margra og Bylgjan og Stjam-
an. Þeir hafa Vestmannaeyjar fram
yfir okkur, en við heyrumst á stórum
hluta Norðurlands í staðinn, m.a.
Mývatnssveit og Húsavík — auk
þess sem sendingar okkar heyrast
langt út á sjó. Við höfum fengið
hringingar frá sjómönnum langt ut-
an við Grímsey, einn hringdi til
dæmis þar sem hann var staddur
15 mílum sunnan við Kolbeinsey og
náði sendingu okkar,“ sagði Pálmi
Guðmundsson.
Miðstjórn AN:
Málshöfðun
Flugleiða
er átalin
MORGUNBLAÐINU hefur borist
eftirfarandi ályktun sem sam-
þykkt var á fúndi miðstjómar
AJþýðusambands Norðurlands:
„Miðstjóm Alþýðusambands
Norðurlands átelur harðlega máls-
höfðun Flugleiða hf. gegn Verslunar-
mannafélagi Suðumesja.
Málaferli þessi eru bein árás á
verkalýðshreyfinguna í heild og verk-
fallsréttinn.
Miðstjóm AN bendir á að verka-
lýðshreyfingin er einn stærsti við-
skiptaaðili Flugleiða hf. hér innan-
lands og skorar á verkalýðshreyfing-
una að endurskoða þau samskipti."
Morgunblaðið/Jón Jónasson
Nemendur úr 8. bekk að líma upp myndir frá Japan,
Litlulaugaskóli í Reykjadal:
Nemendur tengjast erlendum
skólum með bresku tölvuneti
Magnús Arason, Guðný Jóna Valgeirsdóttir og Jóhanna Joch-
umsdóttir vinna á tölvuna.
Dalvík.
Tölvukennsla hefur verið
undanfarin ár á námskrá
Litlulaugaskóla í Reykjadal,
sem er grunnskóli. Hefur öll-
um nemendum hans verið
kennt á tölvur en skólinn er
búinn tölvum af gerðinni BBC.
Nú í vetur tengdist skólinn
tölvuneti í London og hafa
nemendur átt samskipti við
nemendur frá ýmsum þjóðl-
öndum í gegnum það. Um
þessar mundir eru þeir að
ganga frá kynningu á skóla
sínum og umhverfi hans sem
send verður til 7 erlendra
skóla í jafiunörgum löndum
en þeir tengjast allir sama
tölvuneti.
í Litlulaugaskóla eru 45 nem-
endur á aldrinum 6-14 ára. Skól-
inn hefur yfir að ráða 2 tölvum
af gerðinni BBC en Framhalds-
skólinn á Laugum er með sams
konar tölvur nettengdar og er
ráðgert að Litlulaugaskóli tengist
inn á það kerfí innan tíðar. í
fræðsluumdæminu eru fleiri skól-
ar með sams konar tölvubúnað
og hafa tekist góð samskipti
þeirra á milli. Á Laugum hefur
verið unnið brautryðjendastarf á
þessu sviði í fræðsluumdæminu
og hafa kennaranámskeið verið
haidin þar og þannig hefur starf-
inu verið miðlað til annarra skóla.
Tölvufræðsla hefur verið við
Litlulaugaskóla, allt frá árinu
1984, en þá gaf Lionsklúbburinn
Náttfari skólanum aðra tölvuna.
Aðaláhersla hefur verið lögð á
að kenna nemendum notkun ri-
tvinnslu og þá hafa tölvumar
verið notaðar við kennslu í stærð-
fræði og ensku, þá hefur nem-
endum verið kennd undirstöðuat-
riði forritunarmálsins Lógó. Að
sögn Jóns Jónassonar skólastjóra
er tölvufræðslan hluti af skóla-
starfinu en ekki kennd sem sér-
stök námsgrein. Búnaðurinn er
þannig notaður sem hjálpartæki
við kennslu hefðbundinna náms-
greina.
í haust fékk skólinn aðgang
að breska tölvunetinu TTNS.
Aðilar að því eru skólar og stofn-
anir víða um heim sem tengjast
uppeldis- og kennslumálum. Einn
annar íslenskur skóli er aðili að
þessu neti en það er Gagnfræða-
skólinn í Ólafsfírði. Kveikjan að
þessari aðild var að Jón kynntist
þessu tölvuneti er hann var við
nám í Skotlandi sl. vetur. Sagði
hann að tölvan væri upplagt tæki
til að víkka sjóndeildarhring nem-
enda og í gegnum slík samskipti
skapaðist tækifæri til fjölbreytt-
ari vinnubragða í skólanum.
Fljótlega eftir að aðild var
fengin að tölvunetinu fékk skól-
inn bréf í gegnum tölvunetið frá
8-9 ára nemendum í skóla í
Wales og hefur 3.-4. bekkur
skrifast á við þau síðan með að-
stoð kennara sinna. Nemendur
7.-8. bekkjar eru í sambandi við
jafnaldra sína í skólum í Eng-
Iandi, Svíþjóð, Austurríki, Japan,
Kanada og Bandaríkjunum.
Þessir skólar auk Litlulaugaskóla
mynda keðju. Samskipti þessara
skóla fara þannig fram að á 14
vikna fresti sendir hver skóli öll-
um hinna tölvubréf í gegn um
tölvunetið. Þetta þýðir það að
hver skóli fær sent bréf á hálfs-
mánaðar fresti. Efni þessara
bréfa er af ýmsu tagi s.s. upplýs-
ingar um skólann, nánasta um-
hverfí, land og þjóð, vinsældalist-
ann og annað er tengist áhuga-
sviði unglinganna. Um jól skipt-
ust skólamir á bréfum þar sem
greint var frá siðum og venjum
er tengjast jólahaldi í hvetju
landi.
Um þessar mundir eru nem-
endur Litlulaugaskóla að vinna
að því að senda frá sér sína aðra
sendingu. Nemendur vinna í litl-
um hópum eða einir að því að
semja þann texta sem þeir ætla
að láta frá sér fara. Textinn er
í fyrstu saminn á íslensku en
síðar snúa þau honum yfir á
ensku og njóta við það leiðsagnar
kennara sinna.
Skólanum hafa borist mörg
bréf í gegnum þetta tölvunet og
til gamans má geta eins frá
Nýja-Sjálandi þar sem beðið er
um ýmsar upplýsingar er snerta
landbúnað og íþróttir. Nemendur
fá það verkefni að afla upplýs-
inga um þessi mál og svara bréf-
inu.
Að sögn Jóns Jónassonar eru
samskipti sem þessi tilvalin til
að skapa fijórra skólastarf. Aug-
ljóst er hve gott er að nota þau
í enskunámi en nemendum hefur
fleygt fram í ensku á þessum
stutta tíma. Þau hafa fengið að
kynnast þeirri tæknibyltingu sem
tölvur eru og hversu öflug tæki
þetta eru til hvers konar sam-
skipta og skipta þá fjarlægðir
milli manna engu máli. Nemend-
um opnast viðari sýn og gefst
þeim tækifæri til að skyggnast
inn í reynsluheim jafnaldra sinna
erlendis og bera saman siði og
venjur. Nemendur verða virkari
í skólastarfínu og læra að skoða
umhverfi sitt og meta út frá öðr-
um forsendum en þau áður gerðu
vegna þess að þau eru að kynna
heimabyggð sína og sjá því aug-
ljósan tilgang með því sem þau
eru að gera.
Fréttaritari