Frjáls verslun - 01.05.1987, Blaðsíða 37

■ Sj
L' TJ

Nýjasta verslun BYKO, „Byggt og búiö” er í Kringlunni í Nýja miöbæ Reykjavíkur. Þar meö er BYKO komiö meö
verslanir í þremur bæjarfélögum.
um skipafélagið Jónar sf. árið 1982.
Flutningar eru stærsti einstaki
kostnaðarliðurinn í aðföngum
BYKO og til þess að ná sem mestri
hagkvæmni var farið út í skiparekst-
ur. Við leigjum skip og flytjum vörur
fyrir verslanir okkar. Við rekum
skipaafgreiðslu í Hafnarfirði í sam-
vinnu við fleiri aðila.“
Þið eruð með umtalsverðan inn-
flutning. Hvernig standist þið verð-
samanburð við önnur lönd?
„Við höfum reynt að fylgjast með
verðlagi á byggingavörum í verslun-
um annars staðar á Norðurlöndum
og í Þýskalandi. Að vísu vitum við
ekki hvernig útsöluverðið er samsett
í þessum löndum og þar með hvert
innkaupsverð er. En ef við miðum
við útsöluverð og tökum út áhrif
tolla á verðlag komum við mjög vel
út í þeim samanburði.
í sumum tilvikum höfum við náð
hagstæðari samningum. Til dæmis
kaupum við spónaplötur á um 20%
lægra verði en nágrannalöndin. Það
helgast af því að offramboð er af
þessari vöru. ísland er lokað mark-
aðssvæði og því truflar það ekki
markaðsstarfsemi framleiðenda á
öðrum svæðum þótt umframfram-
leiðslan sé seld á lægra verði hingað.
Þessi staðreynd mætti koma fram
þegar verið er að bera saman inn-
flutningsverð til íslands og annarra
landa. Það er ekki alltaf verið að gera
óhagstæð innkaup. Annars eru verð-
kannanir nauðsynlegar til þess að
menn fái að vita hvar þeir standa.
Verðlagsstofnun hefur ekki gert
nýlega samanburð á verði á bygg-
ingavörum hér og í nágrannalönd-
um en við mundum fagna því ef slík
könnun færi fram. Við mundum
vera mjög óánægðir með sjálfa okk-
ur ef í ljós kæmi að innkaupsverð
okkar væru lakari en hjá starfs-
bræðrum okkar á Norðurlöndum.“
1100 milljóna velta
Velta BYKO á síðasta ári var rúm-
ar 1100 milljónir króna. Hagnaður
fyrir tekju-og eignaskatt var um 38
milljónir króna. Eigiðfjárhlutfall
BYKO er mjög hátt en Jón Helgi var
ekki tilbúinn til þess að nefna
ákveðna tölu í því sambandi en
nefndi sem dæmi að hlutafé BYKO
hf. er 90 milljónir króna. „Hagnaður
af fyrirtækinu hefur alltaf runnið aft-
ur inn í reksturinn. Þannig hefur það
alltaf verið og við ætlum að hafa það
að leiðarljósi áfram. Þetta er eitt af
þeim atriðum sem hafa stuðlað að
velgengni fyrirtækisins“, sagði Jón
Helgi.
Þegar hlutafélagið var stofnað var
breytt um nafn á fyrirtækinu án þess
að margir hafi eflaust tekið eftir því.
Fyrirtækið hét Byggingavöruverslun
Kópavogs sf. BYKO var snemma
valið sem símnefni og sú skammstöf-
un var í merki fyrirtækisins. Nú heit-
ir félagið „BYKO byggingavöru-
verslun Kópavogs hf.“ Nýju hluthaf-
arnir eru fyrst og fremst fjölskyldur
stofnendanna, Guðmundar H. Jóns-
sonar og Hjalta Bjarnasonar. Synim-
ir, Jón Helgi og Jón Þór em mjög
stórir hluthafar í hinu nýja félagi.
37