Morgunblaðið - 14.07.2002, Blaðsíða 10

10 C SUNNUDAGUR 14. JÚLÍ 2002 MORGUNBLAÐIÐ
GISTIHEIMILIÐ Brekkubær og
Ferðaþjónusta Leiðarljóss á Helln-
um hlutu á dögunum, fyrst íslenskra
fyrirtækja, fullnaðarvottun Green
Globe 21 samtakanna en verið er að
vinna úttekt á Hópbílaafgreiðslu
Guðmundar Tyrfingssonar á Sel-
fossi.
Samtökin voru stofnuð í kjölfar
Ríó-ráðstefnunnar 1992 og eru þau
stærstu vottunarsamtök í heimi sem
votta bæði fyrirtæki og ákvörðunar-
staði í ferðaþjónustu um allan heim.
„Green Globe 21 veitir tvenns kon-
ar staðla, annars vegar fyrir fyrir-
tæki í atvinnugreininni og hins vegar
fyrir áfangastaði. Þegar fullnaðar-
vottun er náð metum við þau árlega
til að staðlinum sé haldið við. Ég kom
núna til Íslands vegna áhuga aðila
hér á landi á að koma á fót umhverf-
isstefnu á næstu árum,“ segir Reg
Easy, framkvæmdastjóri vottunar-
deildar Green Globe 21, en hann var
staddur hér á landi í vikunni.
Hólaskóli úttektaraðili samtak-
anna hér á landi
Að sögn hans er aðalskrifstofa
Green Globe 21 í Bretlandi en sam-
tökin hafa gert samninga við fyrir-
tæki í fjölda landa til að framkvæma
úttektirnar fyrir samtökin.
Easy segist hafa átt fund með
fulltrúum Hólaskóla sem hugsanleg-
um úttektaraðila hér á landi. Hann
segir Hólaskóla henta vel sem úttekt-
araðili vegna stöðu þeirra, áreiðan-
leika og fagmennsku. „Við náðum
samningum þannig að Hólaskóli mun
sjá um úttektir fyrir Green Globe 21
hér á landi. Áður en hann verður slík-
ur aðili hljóta starfsmennirnir þjálf-
un þannig að þeir fari eftir okkar að-
ferðum við matið,“ bætir hann við og
segir að þannig sé séð til þess að mat-
ið verði sambærilegt alls staðar í
heiminum.
Hann lýsir matsferlinu og segir að
samstarfsaðilar Green Globe 21
framkvæmi úttekt og sendi skýrslu
til skrifstofu samtakanna í London.
Þar er farið yfir skýrsluna og gengið
úr skugga um að aðilinn sem um ræð-
ir uppfylli staðalinn og hafi skilið skil-
málana rétt og ef nánari skýringa er
þörf er leitað eftir þeim. Síðan tekur
Green Globe 21 ákvörðun um matið.
„Við munum koma einu sinni á ári og
gera úttekt á Hólaskóla. Við skoðum
gögn þeirra og sjáum til þess að allt
sé í lagi. Þetta gerum við um allan
heim,“ undirstrikar Easy.
Ferðamannaiðnaðurinn er ekki
nógu stöðugur
Green Globe 21 veitir fyrirtækjum
af hvaða toga sem er innan ferða-
þjónustunnar vottun, að sögn hans,
og segir hann að forgangsröðunin í
matsferlinu sé misjöfn eftir því hvers
konar fyrirtæki eigi í hlut. Hann
nefnir sem dæmi að ef golfvöllur sé
við hótel þá sé vatnsnotkunin mjög
mikilvægt atriði en ef hótel standi
inni í borg þá sé orkunotkunin skoðuð
ítarlegar og svo framvegis.
Easy leggur áherslu á að Green
Globe framkvæmi einnig úttektir á
landsvæðum en það sé til þess að við-
halda ferðamannastraumnum á
þeim. „Spurningin er hvernig er
hægt að auka ferðamannastraum á
vistvænan hátt og halda honum stöð-
ugum,“ bætir hann við og segir að
auknum fjölda ferðamanna fylgi
meiri orkunotkun, sorplosun og svo
framvegis. Hann bendir á að ferða-
mannaiðnaðurinn sé ekki nógu stöð-
ugur og oft heimsæki fólk staði ekki
aftur. Hann telur að því þurfi að
vernda landslagið og ástæður þess að
fólk komi á staðinn.
Þurfum að gæta þess hvernig
við göngum um náttúruna
Easy átti fund með Siv Friðleifs-
dóttur umhverfisráðherra og Jóni
Birgi Jónssyni, ráðuneytisstjóra í
samgönguráðuneytinu. Að sögn
Easy var fundurinn mjög jákvæður
og voru ræddir möguleikar Íslands
til að hljóta fullnaðarvottun. „Það
yrði of flókið í framkvæmd að meta
Ísland sem eitt svæði. Betra er að
taka út tvo staði á Íslandi og hefja
sjálfbæra og umhverfisvæna þróun á
þessum stöðum,“ segir hann og nefn-
ir sem dæmi að þegar hafa áfanga-
staðir í Portúgal, Suður-Afríku og á
Englandi hlotið slíka fullnaðarviður-
kenningu.
Þegar hann er inntur eftir því
hvort fólk eigi frekar eftir að velja
staði sem hafi hlotið Green Globe 21
staðalinn í framtíðinni telur hann að
fólk vilji sækja áfangastaði sem það
viti að það geti farið aftur til. Hann
segir að við þurfum að gæta þess
hvernig við göngum um náttúruna
sem einstaklingar.
Easy segir sögu af því þegar Green
Globe 21 hélt teiknimyndasamkeppni
meðal ungra skólabarna fyrir bækl-
ing samtakanna. „Ég varð yfir mig
heillaður af mörgum myndunum en
ein mynd stakk mig sérstaklega. Það
var dæmigerð barnamynd, mynd af
strönd og fyrir ofan var himinn. Það
sem var sérstakt við þessa mynd var
að barnið hafði rifið niður blað og
beyglað og límt sem rusl á ströndina.
Þetta var sýn barnsins á strönd. Það
skelfir mig að barnið skuli ekki hafa
sett krossfiska og kuðunga á mynd-
ina heldur rusl,“ segir hann og ítrek-
ar mikilvægi þess að við göngum vel
um ferðamannastaði.
Reg Easy frá samtökunum Green Globe 21 í heimsókn á Íslandi
Íslensk fyrirtæki
hljóta fullnaðarvottun
Reg Easy, framkvæmdastjóri vottunardeildar Green Globe 21, Guðrún
Bergmann, einn eigenda Gistiheimilisins Brekkubæjar og Ferðaþjón-
ustu Leiðarljóss, Siv Friðleifsdóttir umhverfisráðherra og Jón Birgir
Jónsson, ráðuneytisstjóri í samgönguráðuneytinu.
HERDÍS Bjarnadóttir frá Bjarg-
húsum, sem var elst Vestur-Hún-
vetninga, er nýlátin og hefur útför
hennar farið fram. Herdís, sem
fæddist í febrúar 1901, átti heima á
fjölmörgum heimilum í Húnavatns-
sýslum og einnig um tíma á Sauð-
árkróki. Hún stofnaði aldrei eigið
heimili og var ókvænt og barnlaus.
Síðustu áratugi bjó hún á Heilbrigð-
isstofnuninni á Hvammstanga. Hún
var afar ern og las dagblöð og bækur
án gleraugna og hlustaði mikið á út-
varp. Hún hafði gott minni og hélt
upp á fjölda fólks sem tengdist ævi-
skeiði hennar.
Herdís hafði sagt fyrir um, hvern-
ig útför hennar skyldi fara fram. Ef
hún andaðist að sumri til átti kista
hennar að vera græn. Þá átti að
syngja ættjarðarlag, þegar kista
hennar yrði færð til kirkju á Breiða-
bólstað í Vesturhópi en þar var hún
fermd árið 1915. Hélt hún mikilli
tryggð við kirkjuna sína og styrkti
hana nýverið með stórri peningagjöf.
Fjöldi fólks fylgdi þessari heiðurs-
konu síðasta spölinn.
Morgunblaðið/Karl Ásgeir Sigurgeirsson
Kista Herdísar Bjarnadóttur borin til kirkju.
Útför elsta Vestur-
Húnvetningsins
Hvammstangi
ÞAÐ voru allar gerðir af kassabíl-
um sem tóku þátt í kassabílarallýinu
á Humarhátíðinni á Höfn. Gífurleg
stemning var í kringum keppnina
og tóku tólf bílar þátt. Tveir eru í
áhöfn á hverjum bíl, annar stýrir en
hinn gegnir hlutverki vélar og ýtir
bílnum áfram.
Fjölbreytni ökutækjanna var mik-
il, allt frá „formúlubíl til olíubíls“ .
Morgunblaðið/Sig. Aðalsteinsson
Kassabílarallý á Höfn
Norður-Hérað
S M Á A U G L Ý S I N G A RI
ÝMISLEGT
Heildræn heilun fyrir líkama,
huga og sál
Meðal annars hómópatía, lífsork-
uheilun, kristallaheilun, reiki,
nudd og ráðgjöf. Verið velkomin!
Nánari upplýsingar:
Martha Ernstsdóttir, hómópati
og sjúkraþjálfari 863-8125,
Sólbjört Guðmundsdóttir,
heilari 862-4545.
TILKYNNINGAR
Sálarrannsóknarfélag
Reykjavíkur,
Síðumúla 31,
s. 588 6060.
Miðlarnir, spámiðlarnir og hug-
læknarnir Þórhallur Guð-
mundsson, Ólafur Hraundal
Thorarensen, Bíbí Ólafsdóttir,
Ingibjörg Þengilsdóttir, Erla
Alexandersdóttir, og Garðar
Björgvinsson michael-miðill
starfa hjá félaginu og bjóða
félagsmönnum og öðrum uppá
einkatíma.
Upplýsingar um félagið, einka-
tíma og tímapantanir eru alla
virka daga ársins frá kl. 13—18.
Utan þess tíma er einnig hægt
að skilja eftir skilaboð á sím-
svara félagsins.
Netfang: mhs@vortex.is .
Sálarrannsóknarfélag Reykjavíkur
starfar í nánum tengslum við Sál-
arrannsóknarskólann á sama stað.
SRFR.
FÉLAGSLÍF
Hörgshlíð 12.
Boðun fagnaðarerindisins.
Bænastund í dag kl. 14.00.
Samkoma fellur niður vegna
sumarútilegu kirkjunnar.
Í kvöld kl. 19.30 Bænastund.
Kl. 20.00 Hjálpræðissamkoma í
umsjón majórs Elsabetar Daníels-
dóttur.
Allir hjartanlega velkomnir.
Sunnud. Samkoma kl. 16.30.
Gunnar Þorsteinsson predikar.
Þriðjud. Samkoma kl. 20.30.
Miðvikud. Bænastund kl. 20.30.
Fimmtud. Unglingarnir kl. 20.
Laugard. Samkoma kl. 20.30.
Almenn samkoma kl. 20.00.
Ræðum. Vörður L. Traustason.
Allir hjartanlega velkomnir.
Mið: Biblíulestur kl. 20.00.
Föst: Unglingasamk. kl. 20.30.
Lau: Bænastund kl. 20.00.
Bænastundir alla virka morgna
kl. 6.00.
ATVINNA
mbl.is