Tíminn - 07.10.1978, Blaðsíða 13
Laugardagur 7. október 1978
13
Sigurður Snorrason
— bóndi, Gilsbakka
Þegar haldið er fram veginn I
Hálsasveit i Borgarfirði i átt til
Húsafells, ensúleiðer fjölfarin af
ferðafólki vegna fegurðar, þá gef-
ur m .a. ef sæmilegt skyggni er, að
lita Eiriksjökul og Strútinn. Fast-
ur áningarstaður á þessari leið er
við Hvitá til að virða fyrir sér
náttúruundrin Hraunfossa og
hinn söguþekkta Barnafoss. Þeg-
ar dvalið er á þessum áningar-
staðverður flestum eða öllum lit-
ið á stórbýli, er vekur á sér at-
hygli i hliðum handan Hvitár.
Reisnog fegurðþessa býlis er slik
að það fellur ekki einu sinni i
skuggann i ljómanum er frá Ei-
riksjökli stafar. Þetta býli er
Gilsbakki i Hvitársiðu. Sigurður
Snorrason frá Laxfossi og fjöl-
skylda hans hefur setið þetta býli
s.l. 55 ár.
Sigurður Snorrason var fæddur
á Laxfossi i Stafholtstungum 23.
október 1894. Hann var kominn af
merkum borgfirskum bændaætt-
um. Foreldrar hans voru Snorri
Þorsteinsson frá Húsafelli, bóndi
á Laxfossi og kona hans Guðrún
Sigurðardóttir frá Efstabæ. Ætt-
stofna þessa þarf ekki að kynna
þeim er þekkja til merkra borg-
firskra ætta. — Sigurður var tek-
inn i fóstur á fyrsta ári af föður-
systur sinni, Astriði húsfreyju að
Húsafelli og eiginmanni hennar
Þorsteini Magnússyni bónda á
Húsafelli. Hjá þeim Astriði og
Þorsteini á Húsafeili ólst
Sigurður upp. Hann fór til náms i
héraðsskóla Borgfirðinga á
Hvi'tárbakka árið 1913 og lauk
þaðan burtfararprófi árið 1915.
Arið 1923 þann 23. júní giftist
Sigurður Guðrúnu Magnúsdóttur
prófasts og alþm. á Gilsbakka.
Magnús prófastur á Gilsbakka
þótti ekki einungis góður kenni-
maður heldur og einnig skörung-
ur á veraldlega visu. Guðrún og
Sigurður hófu búskap að Gils-
bakka þegar I upphafi hjúskapar
sins. — Mjög var talið mikið jafn-
ræði með þeim hjónum um allt er
að heimilishaldi og búskap laut.
M.a. hefur mér verið sagt frá þvi
að enda þótt Sigurður hafi alla tið
verið sérstaklega fjárglöggur,
hafi frú Guðrún i engu verið eftir-
bátur bónda sins um að þekkja
hverja á i hópnum með nafni né i
ööru er að umhyggju og hirðu
fjárins laut. Konu sina Guðrúnu
missti Sigurður eftir 20 ára sam-
búð. Þau hjón eignuðust þrjú börn
sem öll eru á lifi. Þau eru:
Magnús bóndi á Gilsbakka,
kvæntur Ragnheiði Kristófers-
dóttur frá Kalmanstungu og
dæturnar Sigriður er starfar við
embætti lögreglustjórans i
Reykjavik og Guðrúnu einkarit-
ara forsætisráðherra. Ekki þarf
orðum að þvi aö eyða að öll eru
börn þeirra Sigurðar og Guðrúnar
á Gilsbakka sannir afkomendur
foreldra sinna um mannkosti
alla.
Sigurður giftist aftur árið 1946
Onnu Brynjólfsdóáur kennara frá
Hlöðutúni og lifir hún mann sinn.
Frú Anna hefur setið húsmóður-
sætið að Gilsbakka með mikilli
prýði enda þekkt.vel gefin mann-
kostakona.
Sigurður á Gilsbakka var mikill
bóndi: sérstakt yndi hafði hann af
sauðfé. Hann var mjög glöggur á
skepnur, svo að hann þekkti
hvern einstakling i hjörð sinni.
Ræktunarmaður var hann mikill
hvortsemvará landeða bústofn.
Gilsbakki er kostamikil jörð. Það
lá þvi í hlutarins eðli að þegar slik
jörð var jafn vel setin og Gils-
bakki i búskapartið Sigurðar, þá
hlaut afraksturinn að reynast
mikill. Svo varð og raunin hjá
þeim Gilsbakkahjónum. Snyrti-
mennska og gestrisni hafa einnig
einkennt heimili Sigurðar og
eiginkvenna hans. Þá hefur orð
farið af þvi eins lengi og ég þekkti
til hve mikið var eftir þvi sótt að
koma börnum og unglingum til
starfa á heimili Sigurðar og önnu
á Gilsbakka. Þeir unglingar sem
nutu dvalar þar, munu minnast
verusinnar þarog þá sérstaklega
húsbændanna meö mikilli hlýju.
Sigurður á Gilsbakka var fyrst
og fremst bóndi og hugur hans
stóð ekki til annarra atvinnu-
greina. I þvi starfi náði hann slik-
um árangri að hann var óum-
deilanlega I fremstu röð fslenskra
bænda sinnar samtiðar og sem
slikur verður hans jafnan minnst.
En Sigurður á Gilsbakka haföi
fleira til brunns að bera. Hann
var maður friður sinum og hélst
svo til siöustu stundar. Hann var
skarpgáfaður og átti auðvelt meö
að skilja kjarnann frá hisminu.
Mikill fundamaður var hann
talaði fallegt islenskt mál og hafði
lipurt tungutak. Hann var hvort
tveggja I senn haröfylginn sér er
hann sótti eða varði mál sitt á
fundum, oglipurer hann taldi það
betur henta. Festa i ákvöröunum
var alltaf fyrir hendi af hans
hálfu.
Sigurður var á margan hátt
félagslega sinnaður t.d. mjög
heilsteyptur og einlægur sam-
vinnumaður. Tel ég að sá þáttur i
lifi Sigurðar hafi komið næst
stéttvisi hans i bændastétt enda
taldi hann hvort tveggja svo ná-
tengt.
Eins og áður er að vikið var
Sigurður kvaddur mjög til forustu
ifélagsmálum einsog hér mun nú
verða vikið að.
Arið eftir að hann varö bóndi
var hann kosinn i hreppsnefnd
Hvitársiöuhrepps og sat þar frá
1924-1958. Hann var i sóknarnefnd
Gilsbakkasóknar mesta sina
búskapartið og deildarstjóri i
deild Kaupfélags Borgfirðinga i
Hvitársiðu frá 1924.
Hann var formaður
búnaöarfélags sveitar
sinnar frá 1950 og fulltrúi á öllum
fundum Stéttarsambands bænda
frá og með stofnfundi til ársins
1972, sat alls 32 fundi. 1 stjórn
Búnaöarsambands Borgar-
fjarðar var hann frá 1953-1962,
búnaðarþingsfulltrúi frá 1953-1966
og i stjórn Mjólkursamsölunnar I
Reykjavik tvö kjörtimabil. Auk
þessasem hér hefur nú verið upp
talið þá hafði Sigurður á Gils-
bakka fleiri áhugamál eins og t.d.
Byggðasafn Borgarfjarðar, átti
verulegan þátt i stofnun þess og
var i stjórn þess um skeiö.
Þrátt fyrir það sem hér hefur
verið frá skýrt um hin mörgu
félagsmálastörf Sigurðar á Gils-
bakka orkar það ekki tvimælis
fyrir þá sem til þekktu að hann
hefði getað sótt fram á fleiri
sviðum félagsmála. Vilji hans
sjálfs réði þvi aö svo varð ekki.
Sigurður á Gilsbakka hafði t.d.
aldrei afskipti af stjórnmálum.
Þótt hann hafi að sjálfsögðu haft
sinar skoðanir á þeim þá flikaði
hann þeim ekki.
Mér barst fyrir stuttu sú fregn
að Sigurður á Gilsbakka væri
sjúklingur á Landspitalanum.
Annakonahans varhjáhonum og
stundaði hann ásamt hjúkrunar-
fólkinu þessa siðustu daga sem
hann liföi. Sigurður var ný-
vaknaður þegar mig bar að garði.
Eftir að ég hafði dvalið þar litla
stund þá var hann hress i tali og
ræddum við um daginn og veginn
sem fyrr mér til ánægju. Ekki gat
égá samtalinu fundið annað en að
hann væri á batavegi. Ég hafði
þvi hugsað mér að heimsækja
hann siðar á sjúkrahúsið en þó
fyrst og fremst að Gilsbakka,
þegar liði á vetur. Ferð min að
Gilsbakka verður farin fyrr en ég
hugði og erindiö annað, þvi
Sigurður Snorrason lést á Land-
spitalanum 2. september og
verður jarðsunginn frá Gils-
bakkakirkju i dag.
Ég vil ljúka þessum kveðju-
orðummeöþviaðþakkaSigurði á
Gilsbakka þaö samstarf sem ég
átti við hann og þau kynni sem ég
hafði af honum allt frá þvi að við
mættumst fyrst á stofnfundi
Stéttarsambands bænda i sept.
1945. Ég hafði mikla ánægju af
heimsóknum minum að Gils-
bakka og eiga þess kost að hitta
Sigurð og ræða við hann um þau
málefni sem efst voru á baugi eða
annað er til umræðu varð.
Við hjónin sendum frú Onnu og
börnumhans, Magnúsi, Sigriði og
Guðrúnu og fjölskyldum þeirra
innilegar samúðarkveöjur vegna
fráfalls Sigurðar. Ég enda þessi
orð með að segja að sliks manns
er jafnan gott að minnast.
Halldór E. Sigurðsson.
W
Húseign óskast
óskum eftir kaupum á húseign 2500
fermetra að stærð, eða stærri, á fokheldu
byggingarstigi eða lengra komið, til notk-
unar fyrir rikisstofnanir.
Tilboð með upplýsingum um stærð, sölu-
verð og greiðsluskilmála óskast send
skrifstofu vorri hið fyrsta.
INNKAUPASTOFNUN RÍKISINS
BORGARTÚNI 7 SÍMI 26844 PÓSTHÓLF 1441 TELEX 2006
HELLISSAIMDUR -
HÓLMAVÍK
Kauptilboð óskast i eldri húseignir Pósts og sima á:
Hellissandi, Bárðarás 20, sem er 47 fermetrar að stærð og
að brunamótamati kr. 3.618.000.-
Hólmavik, Hafnarbraut 31, tveggja hæða hús, 85 fermetr-
ar að stærð, brunabótamat kr. 11.053.000.-
Húsinverða til sýnis þeim er þess óska, miðvikudag og
fimmtudag 11. og 12. október n.k. klukkan 5.-7 e.h. og eru
kauptilboðseyðublöð afhent á staðnum.
Kauptilboð verða opnuð á skrifstofu vorri, föstudaginn 20.
október 1978, kl. 11:00 f.h.
INNKAUPASTOFNUN RIKISINS
- BORGARTÚNI 7 SÍMI 26844 PÓSTHÓLF 1441 TELEX 2006
Tilboð óskast
i eftirtaldar bifreiðar sem skemmst hafa
i umferðaróhöppum.
Lada sport árg. 1978
Volvo 144 árg. 1972
Cortina árg. 1976
V.W. Derby árg. 1978
Vauxhall Viva árg. 1972
V.W. sendi árg. 1972
Toyota MKII árg. 1974
Honda 250 bifhjól árg. 1975
Mazda 818 árg. 1977
og nokkrar fleiri
Bifreiðarnar verða til sýnis að Skemmu-
vegi 26, Kópavogi, mánudaginn 9. okt.
1978.
Tilboðum sé skilað til Samvinnutrygginga,
bifreiðadeild fyrir kl. 17. 10. okt. 1978.
Hreingerningar
Stór verslun I Reykjavik óskar eftir starfskrafti til hrein-
gerninga og tiltekta i verslun og fleira.
Vinnutimi frá 8-4.30.
Umsóknir er greini frá aldri og fyrri störf-
um óskast lagðar á Timann fyrir 13/10 n.k.
merkt 1295.
Kennara vantar
að Hliðaskóla vegna forfalla
Kennsla fyrir hádegi i 6. bekk. Upplýsing-
ar gefur skólastjóri i sima 24558 um helg-
ina og i skólanum eftir helgi i sima 25080.
Fræðslustjóri
Vélstjóri óskast
Viljum ráða vélstjóra með vélvirkjarétt-
indi. Viðkomandi þarf að starfa sem vél-
stjóri við korngeyma okkar i Sundahöfn.
Reynsla i verkstjórn og góðir stjórnunarhæfileikar nauð-
synlegir.
Umsóknir meö upplýsingum um fyrri störf,aldur og meö-
mæli sendist i pósthólf 853, fyrir 15. okt.
Kornhlaðan h.f. Sundahöfn