Tíminn - 06.02.1992, Blaðsíða 8

8 Tíminn
Fimmtudagur 6. febrúar 1992
Jón Sigurðsson
bankamaður
Fæddur 13. júlí 1925
Dáinn 29. janúar 1992
Mér brá er ég frétti lát hans, þrátt
fyrir það að ég vissi að hann væri
mikið veikur og hefði verið um hríð,
en það er alltaf þannig þegar maður
heyrir lát góðs vinar og vinnufélaga
um áratuga skeið.
Ég minnist þess, er ég hóf störf í
Búnaðarbanka íslands á haustdög-
um 1953, hve Jón Sigurðsson tók
mér vel. Þá hófust okkar kynni og
vinskapur er hélst æ síðan.
Það var æði margt sem við sýsluð-
um saman. Við vorum saman í
skemmtinefndum um árabil og þá
var æði erfitt að halda skemmtanir,
því að bæði vantaði sæmilegan sam-
komusal og svo borð og stóla, en það
fengum við lánað í Landsbankanum
og bárum það milli okkar út í Bún-
aðarbankann og skiluðum síðan eftir
notkun. Þetta var raunar nokkuð erf-
itt, en það var ekki sett fyrir sig og
skemmtikvöld og þorrablót í Búnað-
arbanka íslands urðu æ skemmti-
legri og það var því að þakka að Jón
hélt uppi fjöri með frábærum hljóð-
færaleik.
Löngum hefur Búnaðarbankinn
verið þekktur fyrir að þar unnu góð-
ir skákmenn, og margar skákir háð-
um við Jón, bæði okkar í milli og svo
fyrir bankans hönd. Þegar við tefld-
um saman, var talsmátinn oft ekki
fagur og það svo, að einn frægur
skákmaður, er starfaði um hríð, kom
til okkar og sagði eitthvað á þá leið,
að það væri leitt að heyra þetta og
hélt að við værum eitthvað gramir
og meintum þetta, og ég man enn
hve undrandi við urðum báðir, því að
þetta var svona krydd til að bæta upp
á getuna í skákinni. En lengst mun
ég muna er við einu sinni vorum
saman í hraðskáksveit bankans
ásamt tveimur öðrum góðum vinum
og starfsfélögum og staðan þannig
fyrir seinustu umferð að við gátum
farið heim, en unnið samt. Þá held
ég að bæði skákmenn bankans og
aðrir samstarfsmenn hafi verið upp
með sér.
Við Jón fórum oft saman að veiða
og þó að bflakostur væri ekki rúmur
í þann tíma, létum við það ekki á
okkur fá heldur fórum í „strætó" upp
að Elliðavatni, en í seinni tíð höfum
við verið veiðifélagar í Hrútafjarðará
og við munum Iengi minnast þeirra
góðu daga þar og þess hve Jón var
frábær kokkur. Á sl. hausti var Jón
því miður ekki slíkur sem áður var;
hann hafði þá um hríð kennt þess
meins sem dró hann til dauða og
kappið var minna og úthaldið þorrið,
en þrátt fyrir það dró hann margan
fiskinn.
Jón hafði mikinn áhuga á trjárækt
og ég minnist þess, þegar hann var
formaður starfsmannafélags Búnað-
arbankans, að hann stóð fyrir ferð til
Heklu, en þar höfðu ökuglaðir menn
valdið spjöllum á gróðri. Fór sveit
Búnaðarbankans og jafnaði út hjól-
förin og sáði í þau. Þannig var Jón,
hann hugsaði um fegurð síns lands
Afmælis- og
minningargreinar
Þeim, sem óska birtingar á afmælis- og/eða
minningargreinum í blaðinu, er bent á, að
þær þurfa að berast a.m.k. tveimur dögum
fyrir birtingardag.
Pœr þurfa að vera vélritaðar.
Barn sem situr í barnabílstól
getur sloppið við meiðsl
í árekstri!
m|UMFERÐAR
Uráð
iililli
og það mættu margir taka sér til fyr-
irmyndar.
Ég er þess fullviss að Jóns verður
getið lengi með okkar þjóð fyrir frá-
bæra texta og lög sem hann samdi.
Það var nú einu sinni haft í flimting-
um, að ég kynni alla hans texta, en
það er langt frá því. En það var mjög
gott að Iæra textana hans Jóns, þeir
voru þannig lipurt kveðnir að það
festist í huga manns og lögin hjálp-
uðu til þess.
Á sl. hausti var þáttur í sjónvarp-
inu um lög og ljóð Jóns, sem bar hið
vel viðeigandi nafn, „Manstu gamla
daga?“. Jú, ég man vel gamla daga og
það yljar mér oft. Ég var við upptöku
þessa þáttar, ásamt fjölda annarra
starfsmanna Búnaðarbankans, og
þar luku allir upp einum munni um
það, hve þátturinn hefði tekist vel,
því að þar fór saman góð músík,
flutningur og síðast en ekki síst hin
hógværa og látlausa framkoma Jóns.
Hann margtók það fram að hann
væri ekki skáld, en svona bara hag-
yrðingur, en skáld verða ekki skáld
við það að kalla sig það og slíkt var
eitur í beinum Jóns að kalla sig
skáld.
Söngkona, sem starfað hafði með
Jóni í mörg ár, lýsti Jóni í einu orði,
sem ég vildi gjöra að mínu: hann var
Eiginmaöur minn
Jón Sigurðsson
frá Skíösholtum
Þórunnargötu 1, Borgamesi
er lést 30. janúar s.l. verður jarðsunginn frá Borgarneskirkju laugardaginn
8. febrúarkl. 14.00.
Ólöf Sigvaldadóttir
Þökkum innilega auðsýnda samúð og hlýhug við andlát og útför móður
okkar, tengdamóður, ömmu og langömmu
Ragnheiðar Hannesdóttur
Haga, Selfossi
Hannes Gunnarsson
Magnús Gunnarsson
Ólafur R. Gunnarsson
Sigurður K. Gunnarsson
barnabörn og
Ása Bjarnadóttir
Guðrún Ingvarsdóttir
Bergrún Sigurðardóttlr
Þórunn Jónsdóttir
barnabarnabörn
ljúflingur, og það var orð að sönnu;
hann var orðvar og aldrei sagði hann
öfúgt orð um nokkum nema í gríni
við skákborðið. Alltaf var hann boð-
inn og búinn að hjálpa hverjum sem
var. Ég minnist þess æ með þakklæti
hversu vel hann bjargaði málum er
við stúdentar MR 1950 vorum í
vandræðum með hljómlist á árlegri
samkomu okkar eitt haustið, er sá
bekkjarbróðir, er venjulega spilaði,
forfallaðist. Þá hringdi ég í Jón og
bjóst við að hann væri upptekinn.
Það var hann, en hann bjargaði með
því að þeir feðgamir komu og hjálp-
uðu okkur og hinn hluti hljómsveit-
ar hans spilaði á þeim stað sem þeir
voru á venjulega. Svona var Jón
ávallt tilbúinn að hjálpa — hann var
ljúflingur.
Jón var fæddur að Brúnum í
Rangárvallasýslu 13. júlí 1925. Son-
ur hjónanna Sigurðar Vigfússonar
og Bjargar Jónsdóttur. 22. maí 1948
gekk hann að eiga Helgu Helgadótt-
ur. Þeim varð fjögurra bama auðið,
sem em Björg, Hulda, Sigrún og
Trausti. Bamaböm em 9 og eitt
bamabarnabarn.
Þegar nú leiðir skiljast, þakka ég
Jóni alla vináttu og samstarf um ára-
tuga skeið. Allt samstarf við að
skemmta okkur og öðmm sam-
starfsmönnum, allar skákir, líka þær
sem ég tapaði og þær vom fleiri en
hinar, og síðast en ekki sfst allar
veiðiferðir og einkum þær seinustu í
Hrútafjarðará. Það er mín trú að
hinum megin sé einhver slík á og þá
mun hann veiða þar og við allir síðan
félagarnir úr Hrútafjarðará. Þá verð-
ur hann sá sem leiðbeinir hinum
sem á eftir koma.
Nú er strengur brostinn í hörpu
íslenskra manna, þeirra sem fást við
dægurlagagerð. Sumir kunna svo að
halda að það sé eitthvað lakara en
önnur gerð laga og ljóða, en ég held
að svo sé einmitt ekki. Þau ljóð, sem
þeir er fást við dægurtónlist láta fara
frá sér, em auðvitað misjöfn, en ég
held að þar gnæfi upp úr nokkrir.
Þar em nokkrir sem vom kallaðir
þjóðskáld, svo sem Jóhannes og
Tómas, en jafnfætis þeim stóð Jón
með sína ljúfu texta, sem ég veit fyr-
ir víst að verða munaðir svo lengi
sem okkar góða mál er talað. Og eitt
hafði Jón framyfir: hann samdi líka
lögin.
í þættinum í sjónvarpinu, sem ég
minntist á, var ljóð og lag Jóns, sem
þar var sungið af syni hans; það heit-
ir Sigling, og við samstarfsmenn
sungum viðlagið. Þetta var svana-
söngur þessa góða drengs, þessa öðl-
ings, sem nú hefur horfið okkur
sjónum, en hann lifir um aldir vegna
þeirra laga og ljóða sem hann samdi.
Veri minning um Jón í raun lofi
betri.
Halldór Ólafsson
Almennir stjórnmálafundir
Framsóknarflokksins
Þingmenn Framsóknarflokksins efna til almennra stjómmálafunda í öllum kjördæmum landsins á tímabilinu
26. janúar til 18. febrúar.
kl.20:30 Halldór Ásgrimsson, Flnnur Ingólfsson
kl. 20:30 Halldór Ásgrimsson, Finnur Ingólfsson
kl. 20:30 Ólafur Þ. Þórðarson, Stefán Guðmundsson
kl. 21:00 Páll Pétursson, Ólafur Þ. Þórðarson, Sigrún Magnúsdóttir
kl. 21:00 Inglbjörg Pálmadóttlr, Stelngrlmur Hermannsson
kl. 21:00 Ingibjórg Pálmadóttir, Halldór Asgrímsson
kl. 20:30 Steingrlmur Hermannsson, Ingibjörg Pálmadóttir, Jóhannes Geir Sigurgeirsson
kl. 20:30 Steingrímur Hermannsson, Guðmundur Bjamason
AUSTURLAND:
06.02. Framsóknarhúslnu, Höfn
07.02. Hótel Egilsbúð, Neskaupstað
VESTFIRÐIR:
06.02. Þlngeyrl
07.02. Blldudalur
VESTURLAND:
06.02. Stykklshólmur
12.02. Grundarfjörður
REYKJANES:
10.02. Kópavogur
11.02. Hafnarfjörður
Breyttur opnunartími
skrifstofu
Framsóknarflokksins
Skrífstofa okkar I Hafnarstræti 20, III. hæð, er opln frá kl. 9.00-17.00 alla
virka daga.
Verið velkomin.
Framsóknarfíokkurlnn
Borgarnes -
Opið hús
I vetur verður að venju opið hús á mánudögum frá kl. 20.30 til 21.30 I
Framsóknarhúsinu, Brákarbraut 1. Bæjarfulltrúar flokksins verða þar til
viðtals ásamt ýmsum fulltrúum I nefndum á vegum bæjarfélagsins.
Heitt verður á könnunni og allir velkomnir til að ræða bæjarmálin.
Slmi 71633.
Framsóknarfélag Borgamess.
REYKJAVÍK:
18.02. Hótel Sögu, Súlnasal kl. 20.30 Finnur Ingólfsson, Steingrlmur Hermannsson
Fundirnir eru öllum opnir, verið velkomin
FRAMSÓKNARFLOKKURINN
Kópavogur
Skrífstofan að Digranesvegi 12 veröur framvegis opin á laugardögum Id.
10.00-12.00.
Lltið inn og fáið ykkur kafflsopa og spjalliö saman.
Framsóknarfélögln I Kópavogl.