Stúdentablaðið - 01.05.1973, Blaðsíða 2

StörfS.H.Í. kjörtimabilið 1972— 1973j
Skýrsla fráfaramfí formanns
Fyrsti fundur nýkjörins stúd-
entaráðs var haldinn í Stúd-
entaheimilinu við Hringbraut
20. marz 1972. Á þeim fundi
fór fram kosning stjórnar og
fór kosning sem hér segir:
Gunnlaugur Ástgeirsson, for-
maður, Guðmundur Ólafsson,
varaformaður, Ragnar Árna-
son, gjaldkeri, Eiríkur Brynj-
ólfsson, fltr. menntamálanefnd-
ar, Hrefna Sigurjónsdóttir fltr.
hagsmunanefndar, Sveinn
Kjartansson, fltr. utanríkis-
nefndar.
Síðar urðu þær breytingar á
stjórn að Hrefna Sigurjóns-
dóttir sagði af sér sem fulltrúi
hagsmunanefndar í stjórn og
var Erling Ólafsson kjörinn
í hennar stað. Sveinn Kjartans-
son hætti störfum í stjórn og
tók Gestur Jónsson sæti hans.
FUNDIR
Stúdentaráð hefur haldið sjö
fundi, þar af einn sem hald-
inn var í tvennu lagi. Reynt
hefur verið að halda fleiri
fundi, en þeir urðu ekki lög-
legir.
Stjórn SHl hefur haldið 62
fundi og eru það mun fleiri
en í fyrra en þá voru þeir 50,
en þaráður 60.
Eins o gsjá má hafa fundir
verið oftar en einu sinni í
viku að meðaltali. Á stjórn-
arfundum hefur mæting verið
nokkuð góð og innan stjórnar
hefur verið mjög gott sam-
starf.
Hagsmunanefnd hefur hald-
ið 22 fundi, sem er meira en
oftast endranær og hefur hún
starfað með miklum ágætum
síðastliðið ár.
Menntamálanefnd hefur
haldið 8 fundi. Sá fundarfjöldi
er heldur lítill og hefur þeim
málefnum sem heyra undir
nefndina ekki verið sinnt sem
skyldi sl. ár.
Utanríkisnefnd hefur haldið
16 fundi og má þar vel við
una.
STEFNUSKRÁ
Mikið af starfi síðasta árs
hefur varið í undirbúning að
gerð ýtarlegrar stefnuskrár
SHl. Unnu bæði nefndir og
stjórn að því máli. Stefnuskrá-
in var samþykkt á fundum í
jan. og febr. og má segja, að
sú stefnuskrá sé nokkur grund-
völlur áframhaldandi þróunar
stefnuskrár, því slíkt verk er
ekki unnið í eitt skipti fyrir
öll, heldur þarf stefnuskráin
að vera til sífelldrar umfjöll-
unar bæði með viðbætur og
breytingar fyrir augum.
SKRIFSTOFAN
I upphafi kjörtímabilsins
voru starfandi á skrifstofu
SHl Sifgús Gauti Þórðarson
framkvæmdastjóri SHl og
Margrét Gunnarsdóttir skrif
stofustúlka, bæði hálfan dag-
inn. Sigfús lét af störfum um
miðjan júní og var þá starf
Margrétar aukið lítillega. 1
nóvember var ákveðið að
hefja að nýju samstarf við
SÍNE um rekstur skrifstofu.
Var samið um að SHl og
SÍNE hefðu sameiginleg afnot
af aðalskrifstofu og fundar-
herbergi, en Stúdentablaðið
fengi afnot af skrifstofu SlNE.
Þá var enn aukið við starf
Margrétar ög hún sæmd fram-
kvæmdastjóratitli. Greiðir
SlNE þriðjung launa fram-
kvæmdastjóra en að öðru leyti
er kostnaði og bókhaldi hald-
ið sundurgreindu. Hefur þetta
fyrirkomulag lækkað kostnað
við skrifstofuhald og verið
öllum aðilum til aukinnar hag-
ræðingar.
LÁNAMÁL
I vetur hefur starf að lána-
málum verið tvennskonar. 1
fyrsta lagi var unnið að því að
fá sem mesta fjárveitingu til
LlN á fjárlögum þessa árs og
í öðru lagi var fylgst með
starfi nefndar sem vinnur að
endurskoðun laga um náms-
lán og styrki og unnið að til-
lögum um nýskipan lánamála.
Síðla sumars varð ljóst að
ríkisstjórnin hugði á stórfelld-
an niðurskurð á fjárlagatillög-
um LÍN. Fregnir af því voru
í fyrstu óljósar og brátt kom
í ljós að ríkisstjórnin hafði
samþ. að veita fé þannig að
raungildi lána væri hið sama
og í fyrra, þ.e.a.s. að ekki yrði
aukin umframfjárþarfarprós-
enta lánanna. SHl mótmælti
þessu og lý§ti yfir fullum
stuðningi við tillögur LlN.
Einnig kom í ljós eftir við-
ræður við ráðherra að fjár-
laga -og hagsýslustofnun lagði
annað mat á hvað væri óbreytt
raungildi lána en LÍN, SHl
og SÍNE.
Haldinn var almennur stúd-
entafundyr. með mennta- og
fjármálaráðherra í Norræna
húsinu í lok nóvember en
heldur lítið kom út úr þeim
fundi annað en það sem áður
var vitað.
SHl og SlNE sendu bæði
bréf og ályktanir til ráðherra,
fjárveitinganefndar Álþingis og
allra þingmanna, þar sem sett
voru fram okkar sjónarmið.
Lok þessa máls urðu þau að
í ár mun raungildi lána hið
sam'a eða ívið meira en í
fyrra.
Um endurskoðun laga um
námslán og námsstyrki er það
að segja, að í haust skipaði
ráðherra nefnd til að endur
skoða þessi lög. Enginn náms-
maður á sæti í þessari nefnd
og marglýsti SHl yfir óánægju
sinni með þau vinnubrögð og
krafðist þess að námsmenn
fengju fulltrúa í nefndinni.
Á næstunni mun nefndin ljúka
sínum störfum en einsýnt er
að málið mun ekki koma til
kasta þess þings sem nú situr,
og mun því næsta ráð fjalla
um nýskipanina þó hagsmuna-
nefnd hafi að undanförnu gert
ýmsar tillögur á grundvelli
stefnuskrár SHÍ, en þetta mál
er ekki ennþá til Iykta leitt.
STODENTABLAÐ
Á síðasta ári kom Stúdenta-
blaðið út reglulega nærri því
einu sinni í mánuði. Einar örn
lét af störfum ritstjóra í sept-
ember og var þá Stefán Unn-
steinsson ráðinn ritstjóri. Hann
lét af störfum í byrjun marz,
og nýverið var Rúnar Ármann
Arthúrsson ráðinn ritstjóri.
Rekstur blaðsins hefur gengið
nokkuð vel og hefur tap á
blaðinu verið mun minna en
í tíð síðasta ráðs.
HJÖNAGARÐAR
Stúdentaráð hefur samþykkt
þá stefnu að í framtíðinni
skuli stefnt að því að leysa
húsnæðismál stúdenta í sam-
vinnu við þá hópa sem svip-
aðar aðstæður hafa. Þrátt fyr-
ir það telur ráðið rétt að á-
fram sé unnið að byggingu
þeirra svonefndu hjónagarða
sem þegar eru fyrirhugaðir.
Þegar er búið að grafa fyr-
ir grunni og er platan á loka-
stigi. Svar er komið frá Hús-
næðismálastjórn um að hún
láni kr. 800 þús. per íbúð í
fyrsta áfanga, þ.e. 57 íbúðir.
Einnig mun byggingarsjóður
Reykjavikurborgar lána 100
þús. per íbúð, þannig að veru-
legt fjármagn er þegar fyrir
hendi. Unnið er nú að gerð
útboðsgagna og er ráð gert
fyrir að bjóða megi verkið út
næstu vikur.
BARNAHEIMILISMÁL
Unnið hefur verið að við-
gerðum og endurbótum á Val-
höll en sú framkvæmd hefur
reynzt mun dýrari en fyrir-
hugað var. Hagsmunanefnd
hefur unnið að því, að breyta
skipulagi dagvistunar stúdenta-
barna á þann veg að þau yrðu
ekki á sérstökum barnaheim-
ilum heldur dreifð á sem flest
barnaheimili, og þannig skipt
á plássum á barnaheimilum í
eigu stúdenta og plássum ann-
arsstaðar. Einnig að úthlutun
þeirra plássa sem stúdentar
hafa þegar á barnaheimilum
borgarinnar, en það eru um
12%, verði í höndum stúd-
enta sjálfra. Hefur þetta mál
verið rætt við Sumargjöf og
eru þeir fylgjandi þessum
breytingum, en hagsmunanefnd
telur að tregða stjórnar fé-
lagsstofnunar sé óeðlilega mik-
il.
OTGÁFUSTARFSEMI
Stúdentaráð hefur í ár gefið
út vandaða námsmannahand-
bók og önnuðust útgáfu henn-
ar Rúnar Ármann Arthúrsson
og Gestur Guðmundsson.
Einnig hefur SHl látið endur-
prenta bæklinginn Námstækni,
en hann er að sumra mati
mesta þarfaþing.
NÁMSKYNNING
Námskynning fór fram á
Akureyri, Laugarvatni og í
Reykjavík á vegum SHÍ.
Framkvæmd hennar var með
hefðbundnum hætti en nú hef-
ur menntamálaráðuneytið uppi
hugmyndir um að koma þeim
í fast form undir yfirstjórn
þess og hefur það æskt eftir
áliti SHl og fleiri um fram-
tíðarskipan þessara mála. SHl
hefur þegar sett fram nokkr-
ar tillögur en eftir er að sjá
hverjar verða lyktir þess máls.
REKTORSKJÖR
Síðastliðið vor fór fram
rektorskjör. Reynt var að ná
samstöðu með öllum fulltrú-
um stúdenta um kjörið en það
tókst ekki. Vinna þarf að því
fyrir næsta kjör að auka hlut
stúdenta í kjörinu, því þeirra
atkvæði getur vegið þungt ná-
ist samstaða meðal þeirra,
KOSNING FULLTROA
STODENTA I HÁSKÓLA-
RÁÐ
Á síðastliðnu vori var gerð
sú lagabreyting að kjósa
skyldi fulltrúa stúdenta í faá-
skólaráð almennri kosningu,
en áður voru þeir kosrúr af
Stúdentaráði. 15. september
rann út kjörtímabil Þorsteins
Pálssonar og tók stjórn SHl
þá ákvörðun um að framlengja
kjörtímabili hans fram í febrú-
ar þannig að hans kjörtíma-
bil og Jóhanns Tómassonar
rynni út samtímis, þannig að
hægt yrði að kjósa báða full
trúana samtímis, það er einn
til eins árs og einn til tveggja
ára, en næsta ár yrði kosinn
einn maður til tveggja ára og
þannig koll af kolli. Þegar
kosning átti að fara fram í
febrúar kom upp ágreining-
ur, vesen og vandræði sem á-
stæðulaust er að rekja hér.
Fresta varð kosningum, og var
reglugerð endurskoðuð og síð-
an auglýstar nýjar kosningar
með nýrri kjörstjórn og tókst
að halda kosningarnar þótt
ekki væri laust við, að fyrr-
greindra vandræða yrði vart.:
FERÐAMÁL
Á miðju sumri áttu Sveinn
R. Hauksson og Jón Ás. Sig-
urðsson viðræður við dönsku
stúdentaferðaskrifst. DIS,
um möguleika á að koma
Fraimhald á hls. 10.
Hvaö koí
REYKINGi
aulc heilsutjöns?
Ef þú leggur andvirði eins
sígarettupakka á dag inn í bankabók,
þá átt þú næga peninga fyrir ferð
til útlanda, jafnvel fyrir tvo, eftir
eitt ár, eða nýjum bíl
eftir 10 ár.

2 — STÚDENTABLAÐIÐ