Menntamál - 01.05.1944, Blaðsíða 10
108
MENNTAMÁL
Ásgeir Ásgeirsson
fyrrverandi fræðslumálastjóri fimmtugur
Fyrir fáum dögum (13. maí) átti einn af merkustu
mönnum þjóðarinnar fimmtugsafmæli, maður, sem um
langt skeið hefur látið flest stórmál hennar til sín taka,
ekki sízt á sviði uppeldis og menningarmála. Það er Ásgeir
Ásgeirsson, bankastjóri.
Hér er ekki rúm til að rekja störf Ásgeirs Ásgeirsson-
ar. Hann hefur verið alþingismaður Vestur-ísfirðinga
síðan 1923 og jafnan þótt með merkustu þingmönnum.
Hann var forseti sameinaðs þings á alþingishátíðinni 1930,
og var það allra manna mál, að ekki hefði fengizt glæsi-
legri og virðulegri maður í það starf. Hann var fjármála-
ráðherra 1931—34 og forsætisráðherra 1932—34. Hann
hefur verið bankastjóri Útvegsbankans síðan 1938.
Minnisstæðastur er Ásgeir kennarastétt landsins fyrir
störf sín í þágu menningarmála, allt frá því að hann var
kennari við Kennaraskólann (1918—26), og þó einkum
meðan hann var fræðslumálastjóri (1926—31 og 1934
—38). Skilningur hans og velvilji brást aldrei, hvort sem
um var að ræða hagsmunamál kennara eða umbætur á
skólastarfseminni. Náðu mörg merkileg nýmæli fram að
ganga, meðan hann var fræðslumálastjóri, ýmist fyrir for-
göngu hans eða ötulan stuðning.
Ekki má láta þess ógetið hér, að Ásgeir stofnaði tíma-
rit þetta, Menntamál, fyrir tuttugu árum og var rit-
stjóri þess fyrstu árin. Ber ritið honum gott vitni sem
áhugasömum skólamanni og fjölfróðum í menningarleg-
um efnum. Og alla tíð hafa hvers kyns menningarmál
átt þar staðfastan málsvara, sem Ásgeir hefur verið.
Slíkra manna væri þörf að nyti sem lengst.
Ó. Þ. K.