Menntamál - 01.12.1944, Blaðsíða 17

MENNTAMÁL
193
XIII.
Ég hef hér í þessum erindum mínum gert mér far um
að draga fram hlutræn eða raunhæf dæmi til stuðnings
við málefni það, er ég hef hér flutt.
Ég hef ekki valið þann kost, að tala hér á máli tilfinn-
inganna, og er það ekki vegna þess, að ég líti smáum
augum á, þegar svo er gert.
Það er miklu fremur vegna hins, að ég tel, að hér sé
fyrst og fremst um að ræða skynsamlegt framkvæmda-
atriði. En þetta framkvæmdaatriði hefur jafnframt í för
með sér aukna mannúð og aukið réttlæti.
Málefnið er því mál framtíðarinnar, því að allar vonir
benda nú til þess, að við færumst óðum nær þeim tímum,
þegar raunsæi og mannvit greiðir fyrir aukinni mannúð
og auknu réttlæti.
Arngrímur Kristjánsson.
Fréttir og félagsmál
Pétur Jónsson frá Stökkum
varð áttræður fýrir skömmu (f. í Skáleyjum á Breiðafirði 6. nóv.
1864). Pétur hefur stundað farkennslu síðan 1925, fyrst á ýmsum
stöðum í Patreksfirði, Tálknafirði, Arnarfirði og Dýrafirði, en siðan
1937 í Strandasýslu. Nú er Pétur hættur kennslu og dvelur í Reykja-
vík, en ern og minnugur er gamli maðurinn enn. Pétur er fróðleiks-
maður mikill á gamla og þjóðlega vísu. Má sjá þess glögg dæmi í
Vestfirzkum sögnum, og drjúgan skerl hefur Pétur lagt til Barðstrend-
ingabókar.
Anna Hlöðversdóttir,
kennari á Reyðará, varð sjötug fyrir skömmu (f. 29. sept. 1874).
Hún stundaði nám við kvennaskólann í Ytri-Ey 1894—95. Að far-
kennslu hefur hún starfað síðan 1928, jafnan í Austur-Skaftafells-
sýslu, í Bæjarhreppi 1928—41 og í Borgarhafnarhreppi síðan 1941. —