Menntamál - 01.03.1955, Blaðsíða 60
52
MENNTAMÁL
SNORRI SIGFÚSSON:
Að norðan
Einhvern tíma lofaði ég ritstjóra Menntamála því að
segja eitthvað í fréttum af skólamálum á námsstjórasvæði
mínu norðanlands, en litlar efndir hafa á því orðið. Er
nú annað hvort að hrökkva eða stökkva, þar sem ég er nú
horfinn úr námsstjórastarfinu og ekki eftir neinu að bíða
með efndirnar. En þetta verður stutt og slitrótt, enda er
ekki margt eða mikið í fréttum.
Svæði það, sem ég hef haft til yfirsóknar, hefur hin
síðari ár verið: Skagafjarðar-, Eyjafjarðar-, og Þingeyj-
arsýslur og nyrzti hreppur Norður-Múlasýslu. Fyrstu
árin hafði ég einnig Austur-Húnavatnssýslu, en hún hef-
ur nú upp á síðkastið talizt til annars námsstjórasvæðis.
Á þessu svæði eru 5 kaupstaðir, 6 allstór kauptún og
6 fremur lítil þorp, auk hinna dreifðu byggða, en alls eru
þar 51 skólahverfi og skólar.
1 þessum skólum voru s. 1. skólaár 2830 nemendur, en
prófskyld börn voru samtals 3151, og fullnaðarpróf (eða
barnapróf) tóku alls 441 barn.
Til samanburðar má geta þess, að á fyrsta skólaárinu,
sem ég hóf námsstjórn, 1941—1942, voru í þessum sömu
skólum 2961 barn, 3416 voru prófskyld og 462 luku fulln-
aðarprófi.
Hefur prófskyldum börnum á svæðinu fækkað um 265
á þessum árum. Stafar það fyrst og fremst af því, að í
fjölmennustu skólunum eru nú aðeins 6 ársdeildir skóla-
skyldar (í barnaskóla) samkv. nýju fræðslulögunum, en
7 áður, og svo af fólksfækkun í sveitunum á þessu tímabili.
Árið 1942 voru í sveitaskólunum (3 lítil þorp með talin)
790 börn, en 1140 prófskyld. Á s. I. vori voru í þessum