19. júní - 19.06.1992, Blaðsíða 4

Ritnefnd 19. júní: F.v. Unnur Stefánsdóttir, Erna Hauksdóttir, Ellen Ingvadóttir,
Bryndís Kristjánsdóttir, Vilborg Davíðsdóttir og Ragnhildur Vigfúsdóttir.
19. júní - 42. árgangur.
Útgefandi:
Kvenréttindafélag Islands
Ritstjóri og ábyrgðarmaður:
Ellen Ingvadóttir
Prófarkalesari:
Pórdís Kristleifsdóttir
Ljósmyndir:
Rut Hallgrímsdóttir, Grímur Bjarna-
son o.fl.
Auglýsingar:
Sigrún Gissurardóttir
Útlitshönnun, setning, prentun og bók-
band:
Prentsmiðjan Oddi
Ritstjóras pjal j
85 ára unglingur
Ýmislegt hefur gerst í þjóðmálunum síð-
an 19. júní kom út í fyrra en í innanbúð-
armálum Kvenréttindafélags íslands ber
það einna hæst að félagið varð 85 ára í
janúar sl. Á tímamótum lítum við gjarn-
an yfir farinn veg og íhugum hvað við
höfum gert rétt og hvað mætti betur
fara. Tímamót eru sem sagt gullið tæki-
færi til sjálfsskoðunar og það er einmitt
það sem KRFI gerði. Sett var á laggirnar
nefnd kvenna til að íhuga og ræða
stöðu félagsins nú á tímum og hvernig
starfi þess í framtíðinni verði best hátt-
að. Auðvitað væri æskilegast að félag
eins og KRFÍ þyrfti ekki að vera til í nú-
tímaþjóðfélagi en því miður þá bíða
þess ótæmandi verkefni þótt ýmis skref
til aukins jafnréttis hafi verið stigin í ár-
anna rás. Eitt af því sem Hugmynda-
nefnd KRFÍ gerði fljótlega eftir að hún
hóf störf var að kalla á sinn fund ungar
konur til að heyra hugmyndir þeirra um
félagið og hvernig megi virkja ungar
konur til starfa. I Ijós kom að þær höfðu
ýmislegt fram að færa og greinilegt að
konur, sem komnar eru út í atvinnulífið,
reka sig fljótt á það að mikið skortir á að
jafnrétti ríki, t.d. í launamálum og að-
gengi í stöður, þrátt fyrir að kvenurn-
sækjendur hafi jafn góða menntun og
reynslu og karlumsækjendur. KRFÍ hvet-
ur konur til að hafa samband við skrif-
stofuna og taka þátt í starfi félagsins.
í fyrra þegar 19. júní kom út og blað-
ið var kynnt á ýmsum stöðum á landinu
var það mikið áfall fyrir ýmsa sem að
dreifingunni stóðu að heyra ungar stúlk-
ur og konur spyrja: „19. júní, hvað er
nú það?" Þegar skýrt var fyrir þeim
hvaða merkingu dagurinn hefur í sögu
kvenréttinda á íslandi sögðu sumar: „Já,
en er ekki jafnrétti hjá okkur? Er virki-
lega nauðsynlegt að hafa kvenréttinda-
félag?" Flestar sem svona spurðu voru í
námi og löldu að hér 4 landi ríki ijafn-
rétti á borði sem í orði. Reynsla urjdan-
farinna ára sýnir að fæstar konur reka
sig alvarlega á misrétti kynjanna fyrr en
þær eru komnar út á launamarkaðinn
og oft er þetta rnikið áfall konum sem
héldu að allt væri í lagi í jafnréttismál-
um hér á landi. Svarið við spurningu
ungu kvennanna frá því í fyrra er já -
félög eins og Kvenréttindafélag íslands
og önnur er vinna að jafnréttismálunum
eiga ekki bara rétt á sér heldur eru þau
bráðnauðsynleg.
Ekkert félag lifir og þróast öðruvísi en
fólkið sem að því stendur. Á tímamót-
unum í langri sögu sinni er KRFÍ að
endurskoða uppbyggingu sína og verk-
lag og undirbýr nú landsfund að hausti.
Félagið stendur á gömlum merg en hef-
ur vakandi auga á öllu því er varðar
misrétti kynjanna. Þetta er þverpólitískt
félag, opið öllum sem vinna að jafnrétt-
ismálum, ungum sem öldnum. Félagið
sjálft er unglingur sem virðist ekki síður
áríðandi hluti af þjóðfélagi nútímans en
fyrir 85 árum þegar til þess var stofnað
af mikilli þörf.
Gleðilegt sumar.
UllM
EFNISYFIRLIT
4 Ritstjóraspjall
6 KONUR geta verið ótal margt
annað en MÆÐUR
Viðtöl: Vilborg Davíðsdóttir.
14 Ertu að leita að vinnu?
Erna Hauksdóttir leggur spurningar
fyrir tvo ráðningarstjóra.
18 Að kæra launamisréttið ...
Hildur Jónsdóttir, verkefnisstjóri nor-
ræna jafnlaunaverkefnisins.
20 Námskeið í sjálfsstyrkingu
eftir Önnu Valdimarsdóttur, sálfræð-
íng.
22 Ég sameina öll áhugamálin í ein-
um farvegi
Bryndís Kristjánsdóttir ræðir við Þór-
unni Gestsdóttur, ritstjóra.
for-
24 Inga Jóna Þórðardóttir, nýr
maður Kvenréttindafélags ísands
Viðtal: Ragnhildur Vigfúsdóttir.
26 Fósturnám aðeins fyrir konur?
Eftir Unni Stefánsdóttur.
28 íþróttir og konur: Ataks til úrbóta
er þörf
Ellen Ingvadóttir lítur á stöðu kvenna
í íþróttahreyfingunni.
30 Stungu niðurstöðunum undir stól
Viðtal við Lovísu Einarsdóttur í fram-
kvæmdastjórn ISI.
32 Hætti sátt eftir stórkostlegan tíma
segir íþróttamaður ársins í viðtali við
Vilborgu Davíðsdóttur.
34 Það sem börnunum er fyrir bestu
Grein um nýju barnalögin eftir Bryn-
dísi Kristjánsdóttur.
39 Byggt á gamalli hefð
Unnur Stefánsdóttir lítur við í Þing-
borg.
40 Þær lyftu Grettistaki - ritun sögu
KRFI
Viðtal: Ragnhildur Vigfúsdóttir.
42 Kvennasögusafn íslands
Rætt við Önnu Sigurðardóttur, for-
stöðumann
44 Ársskýrsla stjórnar Kvenréttinga-
félags íslands
48 Vestnorrænt kvennaþing: „Kvinnu-
ting Útnorðurs'*
eftir Ragnheiði Harðardóttur, for-
mann undirbúningsnefndar.
50 Ætla að vera ég sjálf
Viðtal við nýja þjóðgarðsvörðinn og
sóknarprestinn á Þingvöllum, Hönnu
Maríu Pétursdóttur.
1
'Jgr