Útvarpstíðindi - 28.12.1942, Blaðsíða 8
Helgi Pálsson er nýtt tónskáld, sem
með tónverkum sínum hefur vakið
mikla eftirtekt á síðustu misserum.
Hefur hann unnið í kyrrþey og fáu
flíkað til þessa, en mun eiga allmargt
í fórum sínum.
Þann 17. janúar n. k. verður leikið
í útvarpið nýtt verk eftir hann; það
eru 4 lög, æskuverk, sem upphaflega
voru samin fyrir fiðlu og píanó, en
endursamin 1 fyrra fyrir strokhljóm-
sveit. Strokkvartett Tónlistarskólans
leikur. Tónverk, eftir Helga, sem áð-
ur hafa verið leikin opinberlega, eru:
Svíta fyrir fiðlu, leikin á háskóla-
hljómleikunum í hittiðfyrra; Viki-
vaki, leikinn á háskólahljómleik-
unum í fyrra og Tilbrigði fyrir
fiðlu og píanó leikið í sam-
bandi við listamannaþingið í haust.
Þá hefur hann samið 2 strokkvai tetta
fyrir fiðlusóló, og mun vera eini ís-
lendingurinn, sem færst hefur slíkt
í fang. Auk þess hefur hann samið
kórlög, sönglög o. fl. HeJgi fer ekki
troðnar brautir í verkum sínum og
Helgi Pálsson
tónskáld
þykir sýna mikla djörfung, svo að
tónlistarmenn vænta mikíls af hon-
um.
Eins og að líkum lætur, hefur Helgi
frá barnæsku hneigst að tónlist. Hann
er fæddur 2. maí 1899 á Norðfirði.
í Reykjavík stundaði hann nám í
hljómfræði hjá Sigfúsi Einarssyni og
fiðluleik hjá Þórarni Guðmundssyni
veturinn 1917—1918. En tónlistarnám
hóf Helgi fyrir alvöru undir hand-
leiðslu dr. Franz Mixa, er dvaldi hér
við Tónlistarskólann fyrir nokkrum
árum, og nú á síðustu árum undir
leiðsögn dr. Urbantsitch.
Helgi Pálsson er Skaftfellingur í
báðar ættir. Eru foreldrar hans Páll
Markússon trésmiður og Karítas
Bjarnadóttir. Er Páll ættaður frá
Hjörleifshöfða, en Karítas úr Meðal-
landi. Helgi Pálsson stundar nú skrif-
stofustörf í Reykjavík.
ALL-BRAN
Eiga allir
að nota daglega.
100
ÚTVARPSTÍÐINDI