Jazzblaðið - 01.05.1949, Blaðsíða 12
é^nóhur clcinóh íjómóveitir
stutt viðtal við Gunnar Egilson
Gunnar Egilson,
scm var fremstur
á klarinet i kosn-
ingum blaðsins nú
um siðustu ára-
mót, er nýlega
kominn heim frá
Englandi, þar sem
hann dvaldi við
nám á klarinet.
Blaðið snéri sér til hans og bað hann
að segja lesendum þess eitthvaö frá
enskum jazzhljómsveitum. Gunnar sagð-
ist ekki hafa hlustað sérstaklega á
hljómsveitirnar, þar sem hann var mjög
bundinn við námið.
Bezta hljómsveitin er sú, sem
Ted Heath stjórnar, og er hún sambæri-
leg við beztu amerísku hljómsveitirnar.
Trompetleikarinn Kenny Baker, sem
leikur í þessari hljómsveit, er einhver
fremsti jazzleikari Englendinga um
þessar mundir, og Jack Parnell trommu-
leikari í sömu hljómsveit, stendur hon-
um ekkert að baki hvað jazzgetu snert-
ir. Annars sagði Gunnar, að það væri
mikið um góða einstaklinga í danshljóm-
sveitunum, en hljómsveitirnar sjálfnr
flestar lélegar, en þó hefur danshljóm-
sveitunum fjölgað mjög síðari ánn og
þá um leið hefur samkeppnin aukizt og
sumar þessara hljómsveita eru því all-
góðar, svo sem sú er klarinetleikarinn
Sid Phillips stjórnar. Nat Temple, ann-
ar klarinetleikari, var meö hljóm-
sveit, sem skipuð var klarinetum, flaut-
um, óbói, fagoti og rhythma, og var hún
mjög sérkennileg og skemmtileg, þó að
leikurinn væri ekki alltaf sem beztur.
Eins og flestir vita, þá hefur Gunnar
leikið í hljómsveit Björns R. Einarsson-
ar frá stofnun hennar. Þó lék hann þar
ekki seinni hluta ársins 1947, meðan
hann var við nám í Bandaríkjunum, og
heldur ekkert síðan í haust, en þá fór
hann til Englands. Þar sem Björn hefur
sagt, að Gunnar eigi víst sæti í hljóm-
sveit sinni, hvenær sem honum þóknist,
þá spurðum við Gunnar, hvort hann ætl-
aði ekki að byrja þar aftur. Hann segist
vera algjörlega hættur að leika dans-
músik og ætli að leggja klassiska músik
eingöngu fyrir sig hér eftir. En því mið-
ur er það ekki sem lífvænlegust atvinna
hér á landi sem stendur, en vonandi
stendur það til bóta.
Gunnar ætlar einnig að leggja fyrir sig
kennslu, og ætti það að vera mikill feng-
ur fyrir þá, sem vilja leggja fyrir sig
klarinetið, því Gunnar er einn lærðasti
klarinetleikari hér á landi, og þó hann
ætli ekki að lcika jazzmúsik hér eftir,
þá er hann jafnvígur á hvoru tveggja,
svo að það ætti strax að tryggja honum
nóga nemendur.
S. <*•
12