Málfríður - 15.10.2009, Blaðsíða 20
Betra er seint en aldrei. Með réttu hefði ég átt að senda
þessa grein í Málfríði fyrir um ári síðan en Betra er
seint en aldrei. Með réttu hefði ég átt að senda þessa
grein í Málfríði fyrir um ári síðan en það fórst fyrir
hjá mér. Ég bið lesendur afsökunar á seinaganginum
en bendi um leið á að minningin um skemmtilegt
þing hefur orðið enn betri með tímanum.
Í júlí 2008 var haldið tólfta heimsþing frönskukenn
ara. Yfirskrift þingsins var „Faire vivre les identités
francophones“ eða „Við höldum sérkennum hins
franska samfélags“. Farið var yfir stöðu frönskunn
ar í heiminum og getum var leitt að því hver hún
yrði í framtíðinni þegar heimurinn hefur dregist enn
meira saman en orðið er.
Þingið var að þessu sinni haldið í Québec í Kanada
en Québec fagnaði einmitt 400 ára afmæli sínu á
þessu ári og þar með 400 afmæli franskrar tungu í
Ameríku.
Forseta alþjóðasamtaka frönskukennara, Dario
Pagel, var í ávarpi sínu tíðrætt um fagfélög frönsku
kennara en kraftur þeirra og samtakagleði er mjög
mikil. Einnig talaði hann um frönskukennarann sem
slíkan og vitnaði í blaðamanninn Jackson Nikjé sem
sagði: „Frönskukennarinn er eins og kerti sem lýsir
upp hin frönskumælandi samfélög því í skólastofu
sinni skapar hann á hverjum degi nýtt svæði hins
frönskumælandi samfélags.“ Abdou Diouf, aðalritari
hins franska samfélags, nefndi einnig í upphafsræðu
sinni lykilhlutverk frönskukennans og frönskukenn
arafélaganna fyrir framtíð hins frönskumælandi
samfélags. Hann lagði áherslu á hlutverk þeirra
að kenna nýjum kynslóðum að gera nútímatungu
mál úr frönsku tungumál menningar og alþjóðlegra
samskipta, sem er opið fyrir tækni, samskiptum og
efnahagssamböndum en umfram allt tungumál sem
fólk velur sjálft að nota og sem er því kært.
Þingið var haldið í stórri ráðstefnuhöll í miðbæn
um og voru aðstæður hinar bestu. Boðið var upp á
mjög marga fyrirlestra, umræðuhópa og hringborðs
umræður þessa fimm daga sem ráðstefnan stóð. Þar
má nefna sérstakan orðaforða Kanadafrönskunnar,
fyrirlestra um frönsku sem erlent tungumál, notkun
frönsku í hinum arabíska heimi til að tjá það sem
er bannað á arabísku o.fl. Á kvöldin voru skemmti
atriði, kanadísk og frönsk söngatriði, leikrit o.fl.
Einnig var boðið upp á skoðunarferðir um héraðið.
Þetta var í fyrsta sinn sem ég fer á svona þing og
það sem mér fannst merkilegast við það var að fransk
an réði ríkjum alls staðar. Mér fannst líka auðvelt að
kynnast fólki; þar sem allir voru frönskukennarar var
auðvelt að brydda upp á umræðuefni og allir töluðu
saman á frönsku hvort sem þeir komu frá Íslandi,
TrinidadTobago, Jemen eða Bandaríkjunum. Þetta var
mjög skemmtileg upplifun fyrir kennara frá Íslandi þar
sem enskan á svo sterk ítök. Það styrkti mig ennfremur
í þeirri trú að franskan á upp á pallborðið í alþjóða
samfélaginu og að það er full ástæða til að viðhalda
kennslu hennar og notkun hvar sem er í heiminum.
Í lokin fór fram kosning nýs forseta alþjóðasamtaka
frönskukennara og varð Frakkinn JeanPierre Cuq
fyrir valinu en hann er frönskukennurum á Íslandi
að góðu kunnur því hann hélt námskeið fyrir okkur
hér heima árið 2007. Einnig var kosið um staðsetn
ingu næsta heimsþings og var ákveðið að það yrði
haldið í Durban í SuðurAfríku árið 2012. Er það ekki
að ástæðulausu þar sem af um milljón frönskukenn
urum í heiminum starfar u.þ.b. helmingur í Afríku.
Sigríður Anna Guðbrands
dóttir er frönskukennari
við Menntaskólann við
Hamrahlíð.
20 MÁLFRÍÐUR
Sigríður Anna
Guðbrandsdóttir
Heimsþing frönskukennara
í júlí 2008