Málfríður - 15.10.2009, Blaðsíða 26

Dagana 3.–8. ágúst síðastliðinn var 14. alþjóðleg
ráðstefna þýskukennara (XIV. Internationale Tagung
der Deutschlehrerinnen und Deutschlehrer – IDT)
haldin í Jena og Weimar í Þýskalandi. Yfirskrift ráð­
stefnunnar var Deutsch bewegt sem mætti útleggja:
Þýskan hrífur. Undirtitill var Sprache und Kultur:
Deutsch als Fremdsprache weltweit sem merkir:
Tungumál og menning: Þýska sem erlent tungumál
um heim allan.
Friedrich Schiller háskólinn í Jena var aðalráð­
stefnusetrið. Alls voru þátttakendur yfir 3000 frá um
115 löndum sem er aðsóknarmet á slíka ráðstefnu.
Færri komust að en vildu og varð að vísa um 500 frá
vegna skorts á hótelrými og aðstöðu, samt bjuggu
margir í nokkurri fjarlægð frá ráðstefnusölunum.
Héðan frá Íslandi sóttu 17 manns ráðstefnuna sem má
kallast harla gott þegar þess er gætt að í Félagi þýsku­
kennara (Fþ) eru um 100 félagar og kom ráðstefnan í
stað endurmenntunarnámskeiðs Fþ síðastliðið sumar
en félagar í Kennarasambandi Íslands gátu sótt um
endurmenntunarstyrk til að fara á ráðstefnuna.
Jena er fornfræg háskólaborg, háskólinn var stofn­
aður árið 1558. Ýmsir frægir einstaklingar hafa kennt
við skólann, svo sem Hegel og Schiller sem skólinn
er kenndur við. Einnig er borgin þekkt fyrir smíði
sjóntækja hvers konar. Borgin Weimar er þekktust
fyrir að við hana er Weimarlýðveldið (1919–1933)
kennt því stjórnarskráin var samþykkt þar. Í lok
18. aldar og í upphafi þeirrar 19. var borgin mið­
stöð þýskrar menningar og mennta því á þeim tíma
störfuðu þar meðal annarra Herder og skáldjöfrarnir
Goethe og Schiller. Liszt var einnig um tíma hirð­
tónskáld í Weimar. Þá má nefna að Bauhaus lista­
skólinn, sem haft hefur gífurleg áhrif á evrópska
iðnhönnun, var stofnaður í Jena árið 1919. Hann var
svo fluttur til Dessau og hraktist síðar til Berlínar en
nasistar lokuðu honum árið 1933. Aðeins lokaathöfn
ráðstefnunnar var haldin í Weimar.
Borgirnar Jena og Weimar eiga það sameiginlegt
að þær eru báðar í fyrrum Austur Þýskalandi. Síðan
landið var sameinað hefur gífurleg uppbygging og
endurnýjun átt sér stað og borgirnar gengið í endur­
nýjun lífdaga. Innan um má samt ennþá sjá hús
sem eru í niðurníðslu en það mun oftast vera af því
að óljóst er um eignarhald. Eftir sameiningu land­
anna (1990) var þjóðnýttum eignum skilað aftur til
fyrri eigenda en þar sem langt var um liðið (Austur
Þýskaland stofnað 1949) hefur stundum reynst erfitt
að fá eignarhaldið á hreint.
Það kom vissulega skemmtilega á óvart hvað
ráðstefnan var fjölbreytt, bæði að formi og inni­
haldi. Skiptust á fyrirlestrar sem voru fyrir alla
(Plenarvorträge), pallborðsumræður (Podien),
kynningar (Foren), fagmálstofur í smærri einingum
(Fachprogramme) og voru margar haldnar sam­
tímis, veggspjöld (Poster), kynningar á kennslu­
efni (Verlagspräsentationen) og upplýsingagluggar
(Fenster). Alls voru 1300 viðburðir í boði á ráðstefn­
unni. Dagskrárhefti ráðstefnunnar (Programmheft)
var um 180 síðna bók, nauðsynleg handbók um
ráðstefnuna, sem er margslungin og flókin. Á ráð­
stefnum Alþjóðlegra samtaka bókasafnasamtaka
og stofnana (IFLA) eru haldin stutt námskeið fyrir
nýliða svo ráðstefnan nýtist sem best og væri heldur
ekki vanþörf á að bjóða upp á slíkt á IDT. Segja má
að með skipulagningunni hafi undirbúningsnefndin
og Háskólinn í Jena unnið þrekvirki.
Fyrirlestrar, pallborð og kynningar
Fyrirlestrar voru haldnir á morgnana um hin fjöl­
breyttustu mál sem tengdust þýsku og þýskukennslu
bæði sem móðurmáli og erlendu tungumáli. Hægt
var að velja á milli allt að 11 mismunandi fyrirlestra
Þórdís T. Þórarinsdóttir er
forstöðumaður bókasafns
og þýskukennari í Mennta­
skólanum við Sund.
2 MÁLFRÍÐUR
Þórdís T.
Þórarinsdóttir.
Alþjóðleg ráðstefna þýskukennara
í Jena og Weimar