Málfríður - 15.10.2009, Blaðsíða 31

„Menntun skapar framtíðarsýn – Fjöltyngi opnar
nýjar víddir.“ Með þessum orðum hrinti þáver­
andi utanríkisráðherra Þýskalands, Frank Walter
Steinmeier, samstarfsverkefninu „Schulen: Partner
der Zukunft“ PASCH, af stað í Jakarta í Indónesíu í
febrúar 2008.
Hugmyndin að verkefninu er komin frá þýska
utanríkisráðuneytinu sem einnig sér um framkvæmd
þess, leggur til fjármagnið og markar stefnuna. Að
auki koma að verkefninu nokkrir samstarfsaðilar,
sem sjá um beina útfærslu bæði í Þýskalandi og í lönd­
um þátttakenda. Samstarfaðilarnir eru Deutscher
Akademischer Austauschdienst, Goethe­Institut,
Pädagogischer Austauschdienst og Zentralstelle für
das Auslandsschulwesen.
Meginmarkmið PASCH­verkefnisins er að efla
áhuga ungs fólks á Þýskalandi, þýskri tungu og
þýsku samfélagi samtímans, m.a. með því að stuðla
að auknum gæðum þýskukennslu á markviss­
an hátt. Með því opnast enn frekar aðgangur að
háskóla­ og öðru sérnámi í Þýskalandi. Með sístækk­
andi og virku tengsla­ og samskiptaneti skóla sem
kenna þýsku styrkist staða tungumálsins og sam­
vinna skólanna eykst. Þannig myndast smám saman
alþjóðlegt námssamfélag sem eykur gagnkvæman
skilning þjóða á milli.
Það sem gerir verkefnið enn áhugaverðara, er að
þátttakendur eru skólar ýmist á grunn­ eða fram­
haldsskólastigi, eða báðum stigum. Þannig er gras­
rótin virkjuð og beinu sambandi komið á við þá
sem mestu skipta upp á framgang verkefnisins, þ.e.
kennara og nemendur. Saman mynda PASCH­skól­
arnir samskiptanet. Tilgangurinn er virkt samstarf
til frambúðar. Þýskan er oft fyrsti snertipunktur en
aukinn gagnkvæmur skilningur fólks af mismun­
andi þjóðerni og alþjóðlegt námssamfélag eru þeim
sem að verkefninu standa ofarlega í huga.
Samstarfsnetið hefur vaxið ótrúlega hratt, því
samstarfsskólarnir eru orðnir rúmlega 1300 í yfir
100 löndum vítt og breitt um heiminn. Mismunandi
er hve margir PASCH­skólar starfa í hverju landi.
Hér á landi er einn slíkur. Þátttaka Borgarholtsskóla
í PASCH­verkefninu hófst opinberlega 27. jan­
úar 2009. Skrifað var undir þriggja ára samstarfs­
samning við Goethe­Institut í Kaupmannahöfn, sem
er opinber tengiliður skólans í verkefninu og aðstoð­
ar við skipulagningu og framkvæmd.
Af þessu tilefni var heill dagur tileinkaður þýsku
í skólanum og nemendur settu upp veglega dagskrá
á þýsku fyrir nemendur, starfsfólk skólans og gesti.
Fluttur var frumsaminn gamanleikur, kórinn söng
nokkur lög og einn nemandi hélt mjög sannfærandi
tölu á þýsku um gagnsemi og nauðsyn þýskunáms.
Að auki var nemendasýning á graffitiljósmyndum
frá Berlín og Reykjavík. Meðal gesta við opnunina
var þýski sendiherrann, dr. Karl­Ulrich Müller, en
einnig komu forstöðumaður og nokkrir starfsmenn
Goethe­Institut í Kaupmannahöfn, þýskukennarar
úr öðrum skólum ásamt kennurum og nemendum
úr Háskóla Íslands. Eftir hádegi stóðu tveir kunnir
þýskir rapparar ásamt þýskum kennara fyrir tveim­
ur vinnustofum í rappi, önnur var ætluð nemend­
um og hin kennurum. Báðar voru mjög vel sóttar.
Röppurunum tókst að virkja nemendur þannig að
það var stanslaust fjör. Meira að segja nemendur
sem ekki eru í þýsku röppuðu á þýsku. Kennarar
sýndu einnig á sér óvæntar hliðar.
PASCH er fjármagnað af þýska ríkinu og það eru
engar smáupphæðir sem fara í verkefnið. Árið 2008
voru það 45 milljónir evra en árið 2009 er áætlað að
fjárveitingin nemi 54 milljónum evra. Mismunandi
MÁLFRÍÐUR 31
Sigurborg Jónsdóttir. Bernd
Hammerschmidt.
Sigurborg Jónsdóttir og Bernd Hammerschmidt
eru bæði þýskukennarar við Borgarholtsskóla.
Kynning á:
„Schulen Partner der Zukunft“, PASCH