Skólavarðan - 01.09.2001, Blaðsíða 24

Kjaramál
Samninganefnd Félags tónlistar-
skólakennara hefur falið kjörstjórn
Kennarasambands Íslands að
standa að allsherjaratkvæða-
greiðslu um boðun verkfalls félags-
manna FT er hefjist 22. október nk.
Atkvæðaseðlar voru sendir út til
félagsmanna Félags tónlistar-
skólakennara 20. september og er
lokadagur atkvæðagreiðslunnar
28. september. Talning atkvæða
fer fram 4. október.
Atkvæðagreiðslan fer fram í
tvennu lagi:
1. Hjá félagsmönnum sem
starfa við tónlistarskóla sem sveitarfélög starfrækja.
2. Hjá félagsmönnum sem starfa við tónlistarskóla sem eru í
einkaeigu eða teljast sjálfseignarstofnanir.
Þeir sem starfa við einn eða fleiri skóla, sem falla undir sama
lið, greiða aðeins eitt atkvæði.
Þeir sem starfa við tvo eða fleiri skóla, sem falla undir báða
liði, (1 og 2) fá senda tvo atkvæðaseðla, hvorn í sínum lit, og
greiða atkvæði í báðum flokkum.
Öllum félagsmönnum Félags tónlistarskólakennara hefur
verið sent bréf þar sem teknar eru saman nokkrar samanburð-
artölur sem varpa ljósi á hvað samninganefnd launanefndar
sveitarfélaga býður tónlistarskólakennurum.
Skólastjórar og tónlistarskólakennarar eru hvattir til að koma
þessum upplýsingum á framfæri við sveitarstjórnarmenn á
hverjum stað.
Sigrún Grendal
formaður Félags tónlistarskólakennara
Tónlistarskóli
Allsherjaratkvæðagreiðsla um boðun verkfalls
Þegar nýr kjarasamningur tók að
fullu gildi 1. ágúst varð kerfis-
breyting á röðun skólastjóra
vegna nýs stigamats. Nú reiknast
allir nemendur 1,5 stig og því þarf
að endurreikna stigafjölda skól-
anna. Í þessum samningi sem og
í þeim fyrri er ákvæði sem hljóðar
svo: „Grunnröðun skólastjóra og
aðstoðarskólastjóra í launaflokka,
sbr. 14.1.2 og 14.2.2, skal ekki
lækka þó að nemendum fækki á
meðan sami aðili gegnir stöð-
unni.“ Menn þurfa því að fylgjast
með því að þeim sé rétt raðað í
launaflokk, þ.e. að tekið sé mið af nemendafjölda eins og hann
hefur verið mestur í skólanum á þeim tíma sem viðkomandi
hefur gegnt stöðu skólastjóra eða aðstoðarskólastjóra.
Þá er rétt að minna á bókun tólf í kjarasamningnum en hún
fjallar um skólastjórnendur sem snúa aftur til kennslu hjá
sama vinnuveitanda.
Áður en skólinn var fluttur til sveitarfélaganna voru allir hjá
sama vinnuveitanda, þ.e. ríkinu, en eftir flutninginn þá fluttu
menn öll réttindi með sér til viðkomandi sveitarfélags. Haldi
menn áfram að vinna þar gilda þessi ákvæði, þ.e. að eftir tíu ár
í skólastjórn raðist menn einum launaflokki ofar en ella sem
kennarar og þremur launaflokkum ofar eftir tuttugu ár í skóla-
stjórn.
Kári Arnórsson
starfsmaður Skólastjórafélags Íslands
Grunnskóli
Kjarasamningur - ný ákvæði
Við gerð kjarasamnings í janúar
sl. varð að samkomulagi milli
Félags leikskólakennara og launa-
nefndar sveitarfélaga að fara þess
á leit við menntamálaráðherra að
hann beitti sér fyrir breytingum á
reglugerð um leikskóla sem mið-
uðu m.a. að því að fjölga fimm
ára börnum á hvern leikskóla-
kennara. Með þessu átti bæði að
bæta nýtingu rekstrarútgjalda og
þess fjármagns sem bundið er í
húsnæði. Til að gefa þessari fjölg-
un svigrúm var viðmiði um lág-
marksrými á barn einnig breytt.
Aðilar voru sammála um að skoða þyrfti aðstæður í hverjum
leikskóla sérstaklega svo að ekki yrði um einhliða ákvarðanir
rekstraraðila að ræða.
Að undanförnu höfum við sem störfum hjá Félagi leikskóla-
kennara orðið vör við mistúlkanir á þessum lið kjarasamnings-
ins. Sveitarfélög hafa verið að endurskoða fermetrafjölda eftir
að nýju reglurnar tóku gildi og sums staðar kemur í ljós að
leikskólar hafa ekki fullnýtt fermetrafjölda samkvæmt eldra
viðmiði. Fjölgun barna getur því orðið veruleg í einstökum
leikskólum ef fullnýta á fermetrana nú.
Sú fjölgun tengist á engan hátt nýja kjarasamningnum en er
tilkomin vegna vannýtingar á fermetrum hingað til. Eðlilega
hefur mörgum leikskólastjóranum brugðið þegar börnin tvö til
fimm (eftir stærð skóla), sem rætt var um er kjarasamningur-
inn var kynntur sl. vetur, eru nú allt í einu orðin tíu eða jafnvel
fleiri. Þegar leitað er skýringa á þessu hefur fólk fengið framan
í sig að það hafi samið um þetta!!! En það er af og frá.
Sveitarfélög þurfa að greina þarna á milli. Aðskilja þarf fjölgun
barna á grundvelli kjarasamningsins og þá sem verður vegna
þess að leikskólarnir hafa verið vannýttir hingað til. Fjölgun sem
byggist á því síðarnefnda hefur ekkert með kjarasamninginn að
gera og kallar á fleiri stöðugildi leikskólakennara.
Þröstur Brynjarsson
varaformaður Félags leikskólakennara
Leikskóli
Kjarasamningur og fermetrar - að hengja bakara fyrir smið
27