Norðurslóð - 25.10.1995, Blaðsíða 5

NORÐURSLÓÐ - 5
Bréf frá Afríku
Blaðinu barst nýlega bréf alla
leið frá Ghana í Afríku. Send-
andinn er ungur Dalvíkingur
Gunnþór E. Gunnþórsson sem
er þar skiptinemi og lofaði hann
áður en hann fór að senda okkur
línur öðru hverju.
Halló allir sem þetta lesa!
Ég heiti Gunnþór Eyfjörð Gunn-
þórsson, tvítugur, borinn og bam-
fæddur á þeirri vík er nefnist Dal-
vík í mynni Svarfaðardals. Ég er
nú staddur í Ghana í Vestur-Afríku
í borg sem heitir Tema rétt utan
við höfuðborgina Aura en báðir
þessir staðir eru við ströndina
syðst í landinu. Ég hef verið héma
í 2 mánuði þegar þetta er skrifað
og nú er þetta fyrst að verða gam-
an. Ég er hér á vegum Alþjóðlegra
ungmennaskipta; A.U.S. sem
senda ár hvert 15 skiptinema vítt
og breitt um heiminn. Ég er sá eini
frá Islandi í Ghana. Maður fer ekki
í skóla heldur að vinna og ferðast.
Þetta eru ýmis störf sem við vinn-
um, svo sem kennsla, vinna á
smíðaverkstæði, vinna með fötluð-
um bömum og ýmislegt fleira. Ég
bý hjá fjölskyldu héma í Tema. Að
sjálfsögðu er fólkið þeldökkt, sem-
sagt svertingjar. Þetta em foreldrar
og tvær systur, 22 og 24 ára og
tveir bræður 20 og 12 ára, ég og
eldabuska og tveir hundar að auki.
Húsið er frekar stórt og sambyggð-
ur er leikskóli sem þau hjónin eiga
og því er hér mikið fjör alla virka
daga. Hinumegin við götuna er
skóli; 4 byggingar með um 1500
nemendur og eiga þau hjónin skól-
ann. Frúin er skólastóri og hann
sér um allt sem gera þarf. Núna var
verið að byrja á viðbyggingu þar
sem verða geymslur fyrir bækur,
skrifstofa skólastjóra og fleira.
Þetta er Afríka og hér em allir stól-
ar og borð úr tré og lítið um þæg-
indi. Svo er hér lítið bókasafn og
þar vinn ég frá 8-14. Við vinnum
tvö á safninu ég og 23 ára stúlka,
innfædd. Maður fær ekki beint
borguð laun heldur dálitla vasa-
peninga sem em um 25.0000 þ.e.
um 1.300 íslenskar krónur en hér
er allt ódýrara en á íslandi.
Maturinn hér er á engan hátt
líkur matnum heima. Það em aðal-
lega 5 tegundir: „Yam“ sem er
næst því að vera kartöflur en mér
finnst það ekki líkt. Svo er það
„Kinkí, Tufu, Panten" og svo auð-
vitað hrísgrjón. Svo er stundum
smáræðis kjúklingur, fiskur eða
krabbi með. Þetta er maturinn sem
þeir borða hvað mest en auðvitað
er hægt að fara í „supermarket" og
kaupa sér pasta eða eitthvað gums
eða þá að skreppa á kínverskan
veitingastað. I Aura er mikið um
svona veitingastaði og þar er
Gunnþór með börn systra sinna, Ara og Árnýju, en á kortinu sést hvar
Ghana er niðurkomið í Afríku.
Olafur Valsson dýralæknir:
Um útigangshross
í rysjóttri tíð eins og verið hefur nú
undanfarið með slyddu, roki og
rigningu verður manni hugsað til
hrossa á útigangi. Það vita allir
sem eiga og sjá um skepnur að
veðrátta sem þessi er afleit fyrir
skepnur, sérstaklega ef þær geta
ekki leitað sér skjóls. Rokið lemur
vætuna inn í feldinn og inn úr fitu-
laginu, húðin blotnar og hlífi-
skjöldur sá sem feldurinn er verður
óvirkur með hættu á bólgum í húð
og í versta falli varanlegum
lungnaskemmdum. Bólgubreyt-
ingar í húðinni koma síðan fram
sem holdhnjúskar þar sem fita og
bólguvessar mynda hrúður sem
geta kæft hárrótina svo hárið fellur
af.
Hrossum getur liðið mjög vel á
útigangi, en til þess þarf að gera
vel við þau í fóðri og tryggja að
þau geti leitað vars. Nú á tímum er,
sem betur fer, algjör undantekning
ef ekki er gert vel við hross í fóðri,
en enn vantar nokkuð á að nógu
vel sé gætt að því að þau hafi gott
skjól fyrir veðri og vindum. Þetta á
sér eflaust margar skýringar og er
ein sú að íslenski hesturinn hefur
orð á sér fyrir að vera ákaflega
harðgerður. Svo rammt hefur
kveðið að þessu að útlendingar
sem hafa keypt íslensk hross hafa
sumir haldið að ekki þyrfti að hýsa
þau, jafnvel þó þau væru í brúkun.
Því miður sá ég sorglega mörg
dæmi þess, þau ár sem ég var dýra-
læknir í Danmörku, að íslensk
hross voru brjóstveik með krónísk-
an hósta vegna þess að ekki hafði
verið hirt um að hýsa þau þó þau
væru rennsveitt eftir brúkun. Eng-
um heilvita hrossaeiganda á Is-
landi dytti í hug að hýsa ekki hross
eftir brúkun í slæmum veðrum.
Ahrifum bleytu á útigangshross
má líkja við ofangreint dæmi um
hrossin í Danmörku, þar sem rign-
ingin hefur svipuð áhrif á eigin-
leika feldsins og svitinn. Það ætti
því að vera eins sjálfsagt að
tryggja útigangshrossum skjól eins
og að hýsa hross eftir brúkun í
slæmum veðrum.
A síðastliðnum vetri voru sett
ný lög um dýravemd. í þeim er
skýrt kveðið á um að tryggja beri
skepnum, sem hafðar eru úti að
vetrarlagi, nægt fóður og skjól
fyrir öllum veðrum. Þessi lög eru
mjög í takt við tímann þar sem
dýravemd og umönnun dýra er
mun meira í umræðunni en áður
var.
Lögin tóku gildi á þeim tíma árs
að ekki var mögulegt að bregðast
við, þar sem allt var á kafi í snjó.
Nú er hins vegar tími til að huga að
aðstæðum og gera úrbætur þar sem
þörf er á.
Ég vil því leyfa mér að hvetja
eigendur hrossa sem höfð verða úti
í haust og vetur að íhuga þessi mál
vandlega og útbúa skýli þar sem
skjól er ekki til staðar frá náttúr-
unnar hendi, svo skepnumar geti
betur varist þeim veðmm sem þeg-
ar eru farin að láta á sér kræla.
Olafur Valsson
dýralæknir
m.a.s. hægt að fá pizzur og ham-
borgara en ég hef ekki ennþá próf-
að þá staði, bara kínverska og það
var alveg yndislegt. Fyrsti mánuð-
urinn var nokkuð strembinn því
maður fékk stundum smá heimþrá
og saknaði þá allra heima, svo
varð ég töluvert veikur af malaríu
og þurfti að fara á sjúkrahús. En nú
er lífið mun skemmtilegra, engin
veikindi og maður er kominn
nokkuð vel inn í blessað kerfið hjá
þeim Ghanabúum.Svo er maður
farinn að ferðast töluvert og margt
framundan. Um síðustu helgi
eyddi ég föstudegi og föstudags-
kveldi í höfuðborginni Aura og þar
var ég með fólki sem vinnur á veg-
um ICYE í Ghana. Svo fór ég til
Kumasi sem er stór borg og nokk-
uð falleg sökum mikils gróðurs.
Svo skrapp ég og eyddi laugar-
degi, sunnudegi og mánudegi í
Ofinso. Þar eru tveir tveir strákar
skiptinemar hjá ICYE. Þeir eru frá
USA og Danmörku og ætlum við
þrír að ferðast mikið á næstunni og
skoða landið því maður er jú í
ævintýraleit hér og því eins gott að
skoða sig um því tíminn líður
alveg rosalega hratt og sérstaklega
þegar maður er að gera eitthvað
sem manni líkar. Það er svo ferða-
mánuður í júní og þá er stefnan sett
á Norður-Ghana þar sem öll dýrin
eru og svo leitar maður uppruna
síns í svörtustu frumskógum
Ghana. Það er heitt hérna hjá okk-
ur, alltaf um 25-30°C og næsta
mánuð mun hitna töluvert. Maður
venst þessum hita og saknar ekki
kuldans á Fróni þó ég viti svo sem
að ég muni sakna þess að missa af
vetrarferðunum sem félagar mínir
í hjálpar- og björgunarsveitinni
buna sér í. Og ég veit að það kem-
ur vetur eftir þennan vetur en það
eru litlar líkur á því að það komi
önnur svona ævintýraferð þannig
að rnaður er bara sáttur og lifir líf-
inu lifandi hér í Ghana.
Jæja þetta er svona smá ágrip af
öllu hér í Ghana og ég mun senda
meira skemmtilegra síðar. Annars
bið ég að heilsa ykkur öllum.
Kœrar kveðjurfrá Ghana.
Gunnþór Eyíjörð Gunnþórsson
Innilegar þakkir færi
ég öllum þeim sem
minntust mín á einn
eða annan hátt á
sextíu ára afmæli
mínu 5. október
síðastliðinn.
Gunnar Jónsson
Brekku
Vetrarskoðun
Mótorstilling í nýrri og fullkominni mótorstillitölvu með íslensku forriti. Þú færð útprentun úr
tölvunni, sem segir þér frá ástandi bílsins að stillingu lokinni.
Innifalið í vetrarskoðun bifreiðar er m.a.:
✓Mótorstilling
✓ Platínur athugaðar
✓ Kerti athuguð
✓ Hleðslukerfi og rafgeymir athugaður
✓ Frostlögur mældur
✓ Þurrkublöð athuguð
✓ Rúðupiss athuguð
✓ Viftureim athuguð
MILITEC-1
smur- og bætiefni
Verð kr. 5.61 5,- miðað við 4ra sílindra bíl án efnis.
Verð kr. 7.45QP- með efni, þ.e. kertum, platínu og vökva á rúðupiss.
Auk þess veitum við þeim sem kaupa vetrarskoðun 10% afslátt af olíuskiptum.
Vetrardekk í úrvali Ný og sóluð
BB dekk, REGULUS, Nord Frost, Kumho og MICHELIN
Umfelgun kr. 3.720,- m/öllu
UNIROYAL og GOODRICH jeppadekk
VKUUM ÍSLENSKT
Beinar línur:
Verslun 466-1122,
Bíladeild 466-
3202, Véladeild
466-3202
Bílaverkstæði Dalvíkur