Vikan - 20.08.1992, Blaðsíða 55

LAGLINURNAR
RÁÐA
- segir Guðlaugur Falk, gítarleikari hljómsveitar-
innar Exizt, en hann truflaði meðal annars messu
hjó Krossinum viÖ upptöku plötunnar AFTER
MIDNIGHT
Z f g hef alltaf verið mikill
Q rokkari en ég hlusta
^3 líka á „fusion-djass”.
Ég vil að fólk reyni eitthvað á
£0 sig og vil heyra hæfileika end-
'<C urspeglast í tónlistinni,” segir
rd Guðlaugur Falk, gítarleikari
hljómsveitarinnar Exizt sem
2 nýverið sendi frá sér sína
Z fyrstu breiðskífu, After
^ Midnight. „Ég get orðið leiður
.. á að hlusta á rokk en ekki að
^ spila það. Eiginlega er ekki
,q hægt að lýsa þeirri tilfinningu
ZD sem um mann streymir þegar
O maður spilar rokk, samt er
O það þessi kraftur sem er svo
^ heillandi og gítarleikararnir
lli njóta sín vel og ég er náttúr-
lega gítarleikari.”
VISS ÁHÆTTA
Guðlaugur segir Exizt spila
melódískt rokk, það sé ekki í
ætt við þá hörðu rokktónlist
sem er svo vinsæl um þessar
mundir og ber nöfn á borð við
dauðarokk, ruslrokk og þess
háttar.
„Ég hefði samt ekkert á
móti því að blanda inn (okkar
rokk smávegis áhrifum frá
þessum tegundum rokktónlist-
ar því sumt sem er f gangi þar
passar alveg inn í okkar tón-
list. Það mætti þó ekki vera á
kostnað laglínunnar því hún
ræður.”
Hann segir hljómsveitina
vera ánægða með plötuna,
hljómurinn sé góður en strax
og afurðin sé komin út vilji
menn breyta ýmsu og gera
betur, þessi tilfinning sé ofur
eðlileg. Og Exizt lætur ekki
deigan síga því næsta plata
er tilbúin, stefnt er að því að
gefa hana út fyrir lok ársins.
Guðlaugur segir að á henni
verði meira rokk en á After
Midnight.
„Við gefum hana að öllum
líkindum út sjálfir því mér
heyrist útgefendur ekki hafa
neinn áhuga á okkur. Þeir
vilja gefa dauðarokkið út á
safnplötum og poppið á alltaf
upp á pallborðið hjá þeim, við
dettum einhvers staðar þarna
á milli. Við verðum að vinna
að því að finna okkar mark-
hóp og okkur finnst gaman að
þessu. Þetta er náttúrlega
alltaf viss áhætta en hver er
munurinn á þessu og manni
sem kaupir sér vélsleða upp á
hálfa milljón, fer upp á jökul
og kannski keyrir hann í
klessu?”
TRUFLAÐI MESSU HJÁ
KROSSINUM
After Midnight var tekin upp í
Stúdíó Stefi í Kópavogi og á
hæðinni fyrir ofan hljóðverið
er trúarsöfnuðurinn Krossinn
með aðstöðu sína. „Altarið er
beint fyrir ofan herbergið þar
sem ég tók upp gítarinn og ég
man að einn daginn komu
tvær feimnar og hikandi stúlk-
ur niður til okkar og báðu um
að ég yrði látinn hætta því ég
truflaði messu sem væri í
húsinu. Þennan dag var ég að
taka upp gítarsóló og var með
magnarann stilltan nokkuð
hátt.
Annars heyrðu nokkrir
menn frá Krossinum lögin eftir
á og þeim fannst þau alveg í
lagi því það er ekki tónlistin
sem hefur þessi áhrif á þá
heldur eru það textarnir sem
þetta fólk er á móti. Þeir dill-
uðu sér þarna við tvö eða þrjú
lög frá okkur og einnig kíktu
þeir á nokkra texta og gerðu
engar athugasemdir við þá.
Til dæmis fjallar einn textinn
um það að foreldrar passi að
börnin lendi ekki í eiturlyfjum.”
f KANAÚTVARPINU
Guðlaugur segir að erfitt sé
fyrir hljómsveitina að komast í
útvarp hérlendis og miklir for-
dómar séu hjá sumum sem
vinna við þann miðil.
„Sumir sem vinna í útvarpi
beinlínis hata þessa tónlist og
þá spyr ég bara; hvað er þetta
fólk að gera í útvarpi?”
Þrátt fyrir andstreymi í ís-
lensku útvarpi hafa méðlimir
Exizt ekki verið „útvarpslausir”
ef þannig má orða það. „Það
var gerður með okkur klukku-
tímalangur þáttur í Kanaút-
varpinu um daginn, sá fyrsti
um íslenska hljómsveit. Þar
var ferill Exizt rakinn frá upp-
hafi, alls átta ár. Kunningi
okkar á Vellinum, Hanz Kon-
rad, kom okkur á framfæri.
Hann sér um þátt í Kanaút-
varpinu og kynnir þar íslenska
tónlist. Könunum líkar tónlistin
okkar vel, segja hana ekki of
þunga og ekki of létta. Það
stendur til að fá leyfi til að
senda þáttinn út hjá öllum út-
varpsstöðvum hersins sem
eru tæplega sex hundruð.”
Exizt verður á ferðinni á
næstunni og kynnir plötuna,
„bara reyna að spila á sem
flestum stöðum”. Þeir verða
með svokallað „cover pró-
gramm" sem þýðir að þeir
spila lög eftir aðra. „Til dæmis
Zeppelin, Nazareth, þessa
gömlu melódísku kappa,”
segir Guðlaugur. Hann var að
setja niður á blað fimm uppá-
halds hljómsveitir, gítarleikara
og lög að beiðni blaðamanns.
Kíkjum á það sem Guðlaugur
valdi:
HLJOMSVEITIR
1. RUSH
2. VAN HALEN
3. AEROSMITH
4. OZZY OSBOURNE
5. LED ZEPPELIN
GÍTARLEIKARAR
1. RITCHIE BLACKMORE:
DEEP PURPLE
2. EDDIE VAN HALEN: VAN
HALEN
3. JOE SATRIANI
4. STEVIE RAY VAUGHAN
5. STEVE VAI
LÖG
1. SNORTIN’ WHISKEY,
DRINKING COCAINE: PAT
TRAVERS
2. DR. FEELGOOD: MÖTLEY
CRUE
3. DREAM ON: AEROSMITH
4. ENTER SANDMAN:
METALLICA
5. HOT FOR TEACHER: VAN
HALEN
17. TBL. 1992 VIKAN 55