Norðurljósið - 28.05.1891, Blaðsíða 1

Stærð 94 arkir
Yerð: 2 krónur.
Borgist fyrir lok júli.
NORÐURLJÓSIÐ.
Yerð auglýsinga:
15 aura línan eða
ÖOa.hver þml.dálks.
11). blað. Akureyri 28. mai 1891. 6. ár.

Akureyri
(Sumardaginn fyrsta 1891.)
Heil og blessuð Akureyri,
æfi minnar vetrarskjól;
fáar betri friðarstöðvar
fann eg undir skýjastól;
börnum mínum bauðstu hlýjan
blíðufaðm og líknarsól.
átt flest er friðinn boðar,
íjarðardrottning mild og holl,
vefur grænum fagurfaðmi
fiskiríkan silfurpoll,
en í suðri Súlur háar
sólargeislum prýða koll.
Skrúðaveggur Yöðlubeiðar
vendir að pðr betri blið;
ramlegt fjall með reknar herðar
reisir gafl. við hánorðrið;
út og suður sveitaraðir
sumargrænar taka við.
Björg og lif á báðar hendur,
blómatún og engi frjó,
síldarhlaup og sjóbirtingar
silfurglita lygnan sjó,
sett er borð, en sægur fugla
syngur hátt, að veitt sé nóg.
Leita skip að lægi blíðu,
Ijómar vor um Ránar skaut,
enginn leit á landi ísa
listum fegri hafnarbraut;
ekkert hérað haganlegri
höfuðstað sér kaus og hlaut.
Hér er mitt á milli flestra
meginöfga lífs og hels;
stöðugt móti illum árum
andar banda fagrahvels:
sælublíðir sunnanvindar
svæfa reiði frosts og jels.
s ■
Hér er svást á sumardegi,
sefa vindar dagsins glóð,
Norðri og Suðri saman kveða
sáttamál og gamanljoð,
kallast peir á kvöld og morgna:
,,kveðum bræður fjör í pjóð,*1
Héðan sól á sumarnóttu
sýnist kyssa fjarðarmunn,
heimsins drottning hálf í baði
helgum eldi sveipar grunn;
litt’ á drottins Ijómann vígja
lífsins svala nægtabrunn!
Sólin rís, og rauðagulli
reifar tind og fjallaskörð,
dögg er enn á blíðu blómi,
blundar enn in raka jörð,
undan sólu silfurþoka
svífur létt um Eyjafjörð.
Sólin deyr, en drottinn reisir
dýrðarstóra vetrarhöll,
pegir hrönn og helgir vindar,
hlustar jörð og skuggafjöll,
þúsund himinlampar lýsa
lagarkringlu spegilvöll!
önnur hönd þín, eyrin breiða,
afli Ránar breiðist mót,
Ægir flanar hrár og harður,
horfir fyrst á blíða snót,
hrekkur við og hjartalostinn
hlær og sofnar við þinn fót!
J>ú átt einn, mín eyrin fríða,
óvin, þann er skerðir lán,
það er landsins forni fjandi, —
fari hann lengi hróðurs án,
þó hann fremur þér en öðrum
þykist stundnm bæta rán !
J>ú ert glöð, hin börnum blíða,
bernskan er hér fljót á legg,
Höfðinn deyfir súg og svala,
sjaldan geysar lengi hregg;
skemmtiþing á græðisgleri
gleður unga snót og segg.
J>ú ert ung og ör í skapi,
áfram vilt, en skortir margt;
frjálsir menn, er fremdum unna
færi þig i gull og skart;
þú munt vaxa, þú munt sigra,
þó að stríðið verði hart.
Saga þín er enn í æsku,
eyrarrósa, fjórðungsbót!
dafna vel i fullu frelsi, .
frægðartíma gaktu mót;
stunda menntir, styrk þinn anda,
stattu fast á landsins rót!
Lif svo blessuð, Akureyri,
auðnu þinnar leiki hjól,
þó að tímans sterku stormar
sturli lýð og byrgi sól.
Blessi þig með börnum þínum
blessun Guðs og náðarskjól!
Mattli. Jochumsson.