Morgunblaðið - 19.06.1987, Blaðsíða 1
80 SIÐUR B
STOFNAÐ 1913
135. tbl. 75. árg.
FÖSTUDAGUR 19. JÚNÍ 1987
Prentsmiðja Morgnnblaðsins
Noregur:
Gro biður
Reagan
afsökunar
Osló, Rcuter.
GRO HARLEM Brundtland, for-
sætisráðherra Noregs, hefur
sent Bandarílqaforseta bréf þar
sem hún harmar ólöglega sölu
norskrar vopnaverksmiðju á
tölvubúnaði til Sovétríkjanna og
viðurkennir að sljórnvöld hafi
ekki brugðist rétt við.
í bréfinu segir einnig að norska
stjómin muni grípa til sérstakra
ráðstafana til að koma í veg fyrir
að slíkt endurtaki sig, en norska
lögreglan rannsakar nú hvort um
fleiri tilvik ólöglegs útflutnings hafi
verið að ræða hjá vopnaverksmiðj-
unni, Kongsberg Vaapenfabrikk,
sem er í eigu ríkisins.
Furstadæmið Sharjah:
til valdaráns
Fjölskyldu-
deilur leiða
Bahrain, Reuter.
BRÆÐRADEILUR í furstadæm-
inu Sharjah á Arabíuskaga tóku
óvænta stefnu f fyrradag, þegar
Sheikh Abdel-Aziz lýsti þvf yfir
að hann héldi nú um valdataum-
ana. Yngri bróðir hans, soldáninn
Mohammed al-Quassimi, var
ásamt fjölskyldu sinni á Englandi
þegar Abdel-Aziz sætti lagi og tók
völdin. Æðsta ráð Sameinuðu
furstadæmanna hefur málið nú til
umfjöllunar, en Abdel-Aziz hefur
sagst munu hlfta úrskurði þess þó
svo að það hafi ekki eiginlega lög-
sögu f málinu.
Abdel Aziz, sem er 48 ára gam-
all, heldur því fram að efnahags-
stefna bróður hans sé á góðri leið
með að gera út um efnahag lands-
ins, en telur auk þess að soldáninn
sé of mikill sveimhugi til þess að
geta stjómað landinu. í furstadæm-
inu búa um 220.000 manns, en það
er skuldum vafið og telja fjármála-
sérfræðingar að þær nemi um einum
milljarði Bandaríkjadala. Ver fursta-
dæmið nú um helmingi tekna sinna
til vaxtagreiðslna af téðum lánum.
íslendingar héldu þjóðhátíðardaginn hátíðlega í fyrra-
dag, 17. júní. Meirihluti landsmanna naut einstakrar
veðurblíðu og varð hún eflaust til þess að mun fleiri
tóku þátt í hátíðahöldunum en ella. Þau fóru mjög vel
fram um allt land. Mynd þessi var tekin í Hallargarðin-
Þjóðhátíðardagur
Morgunblaðið/Einar Falur
um við Fríkirkjuveg og sýnir hluta þess gífurlega
mannfjölda, sem safnaðist niður í miðbæ í góða veðrinu
til þess að halda upp á 43 ára afmæli lýðveldisins.
Sjá ennfremur ávarp forsætisráðherra og fréttir af
hátiðahöldunum á miðopnu.
Götuóeirðir brjótast út
víðs vegar í Suður-Kóreu
Seoul, Reuter.
GÍFURLEGUR mannfjöldi barð-
ist í gær við óeirðalögreglu víðs
vegar um Suður-Kóreu. Mótmæli
stúdenta gegn stjórn Chuns Doo
Sviss:
Mestu rigningar
í manna minnum
ZUrich, frá Önnu BjamadAttur, fréttaritara Morgunblaðsins.
ELSTU menn muna varla aðrar
eins rigningar og íbúar megin-
lands Evrópu þola nú. í Sviss er
kalsaveður, en nú þegar hefur
mælst meiri úrkoma en allajafna
í mánuðinum öllum. Eru ár og
vötn orðin barmafull og flóða-
hætta mikil.
Ástandið er sérlega slæmt í mið-
hluta Sviss og hefiir lögreglan í
Luzem gert miklar varúðarráðstaf-
anir skyldi Vierwaldstattersee
flæða yfir bakka sína. Frekari rign-
ingar geta valdið miklu tjóni og
eins er voðinn vís ef hitastig hækk-
ar og leysingar aukast.
Rigningarnar hafa haft neikvæð
áhrif jafnt á bændur sem borgarbúa
og eru jafnvel regnhlífasalar óá-
nægðir, þvi regnhlífar seljast best
þegar úrkoman kemur fólki á óvart,
en þessa dagana fer enginn regn-
hlífarlaus út úr húsi.
Veðurspáin lofar góðu fyrir suð-
Reuter
Þessi mynd var tekin í jámbrauta-
safninu í Luzem og segir sina sögu.
urhluta Evrópu um helgina. Sama
skúraveðrið með einstaka hagléli á
hins vegar að halda áfram fyrir
norðan Alpafjöll og rofar varla til
fyrr en í byijun næstu viku.
Hwan, sem nýtur stuðnings hers-
ins, hafa nú breyst í götubardaga
og er talið að tugir þúsunda hafi
látið til sín taka, og voru þar
bæði námsmenn og almennir
borgarar á ferð. Hingað til hafa
nær eingöngu róttækir stúdentar
haft sig i frammi, en nú virðist
fleirum blöskra harkaleg hand-
tök Chuns við stjórnartaumana.
Miklar óeirðir blossuðu upp í
Seoul, höfuðborg landsins, Inchon,
Pusan, Kvangju, Taegu og Taijon.
í Pusan mótmæltu áttatíu þúsund
manns á götum úti þegar hæst lét,
að því er haft var eftir lögreglu.
Erfitt hefur reynst að fá áreiðan-
legar fregnir af átökunum, en vitað
er töluverður mannfjöldi liggur slas-
aður eftir átökin. Enn sem komið
er hafa þó engar fréttir borist af
mannnskaða.
Að sögn sjónarvotta í Seoul hafa
ofbeldisverk orðið æ algengari og
má nefna að nokkur hundruð náms-
menn réðust á fjörutíu óeirðarlög-
regluþjóna, rifu af þeim gasgrímur
og vopn og börðu til óbóta.
Hermt var að stjómleysi og ring-
ulreið hefði gripið um sig í nokkrum
borgum öðrum en Seoul. Mótmæl-
endur í borginni Taegu í suðuaust-
urhluta landsins helltu olíu á veg
með þeim afleiðingum að slökkvi-
liðsbifreið fór útaf. Greip fólkið þá
til sinna ráða og sprautaði úr dælu
hennar á lögreglu. Eldur var lagður
að sex lögreglustöðvum að minnsta
kosti og árásir á lögregluþjóna
tíðar.
Víðtækar óeirðir hafa nú verið i
Suður-Kóreu um tíu daga skeið.
Upphaf óánægjuöldunnar má rekja
til 13. apríl, en þá tilkynnti Chun
ákvörðun sína um að fresta viðræð-
um við stjórnarandstöðuna um
endurbætur í lýðræðisátt þar til
Ólympíuleikunum á næsta ári væri
lokið. Óeirðimar hófust hins vegar
á miðvikudag í síðustu viku þegar
hann tilkynnti að hann hygðist gera
Roh Tae-Woo, fyrrverandi hers-
höfðingja, að eftirmanni sínum, en
Chun lætur af völdum í febrúar
næstkomandi.